#فـي_لمـح_البصـر
#الحلقـة_الـتاسعة
درنا دايرة وبدو يحدفو فيها ولما وصلت عندي حطيتها ورا راسي ورقدت عليها واستمخيت 😍
زين جاني / هييي إنتِ هييي
انا نضت وخشتلي المية وشرقت وعيوني قعدو حمر /
زين / شن صارلك
انا / شي شرقت بس ، خيرك ؟
زين / شن خيرني الكورة يا ابلة كلهم يراجو
ياسين / هيااااا يا سمينة
انا / سمينة ف عينك مفييييش 😜
زين / تييي هاتي خلي نلعبو
انا / وراس زيوني خليهالي منعرفش نعوم وقعدت ندبل ف عيوني
زين / المشكلة منقدرش نقاومك ، خلاص بري
انا رجعت زي ما كنت
سيف / حييي يا حييي بنت تغلبك يا زين 😂
زين ضحك وشافلي / الله غالب مقدرتهاش❤ ورجعو يعومو وانا راقدة ويمشي بيا لبحر
ياسين جي جيهتي جبدني وبدي يغرق فيا وهو يضحك والبنات يضحكو وانا خلاص بنبكي
انا نعيط / لاااا طلعني يممممة 😂😢😢
ياسين / لا نبيييك تموتي هني
انا / لاااا وراس ياسين طلعني😢😢😂
ياسين / قووولي ياسين احسن واحد نطلعك
زين / تييييي خيررررك يا ياسين الزززح علاش الجووو الزايد
ياسين استغرب / خييرك انت ؟
زين / بنت الزحح خيييير بوك معش تمسها دانه 😡
ياسين طلقني وقعد يشوفله وبعدين شافلي بنظرة كسر خاطر وشافله تاني / اوصل ف ناس كلها ، ومتوصلش ف بوي اللي تحت التراب ، فاهم ولا ؟ وطلع من البحر
انا شفتله بحقد / علاااش الجو الزايد متااعك علاش 😡
زين بصوت واطي / مشفتيشي كيف يتلمس فيك
انا / ميتلمسش فيا ، ووخرت من عليه ، ومليكش بيا علاقة وجيت بنطلع
زين / اي بررري الحقيه ورضيه بري
انا شفتله بحقد / زين ضممم فمممك ، وبعدين فقت لروحي 😳
زين / اعتقد فرق السن مش شوية بيني وبينك ! وغطس للبحر ومعش طلع
انا / اياه عل امي ني ادلعو علياااا 😡 وطلعت قعمزت بحدا النساوين
حناي / خيركم اسم الله كل مرة يطلع واحد مطنفر
انا / لا شي ، خشيت بدلت ونشرت حوايجي وطلعتلهم ، نبدا ف لغدي
مبروكة / هو هداكا الساعة 12 تو نجي معاك ، وخشت معاي
أنت تقرأ
رواية في_لمح_البصر
Romanceروايه ليبيه تحكي عن فتات اختفاء كل شي في حياتها في_لمح_البصر و الروايه منقوله لي الكاتبه #بلقيس
