رواية في_لمح_البصر

آلحلقه آل12

#فـي_لمـح_البصـر

#الحلقـة_الــ12

شوية وخشو امالي فؤاد واللي كانو امه وخواته لمتزوجات وانصدمت لما جايبين فريق كامل من الصغار

سنابل وجهها احمر وانصدمت وانحرجت/ 😳

رحبت فيهم فوق من نفسي لان عارفتهم داروها اللقطة بلعاني من فؤاد ومع هدا سلمت ورحبت بيهم ودخلتهم

اخته / شن جو يا كنتنا !

سنابل بابتسامه صفرة / كويسة شن حالكم انتو

اخته / باهي

اخته تانية / معليشي سامحونا جارتي مخليا عندي صغارها وصغار اختها قلت نجيبهم معاي يغيرو جو 😏

سنابل / ا ا اها 😖

انا تغاضيت عن لقطتهم وفتهم ف نهاية اطفال عادي

بدو سلسبيل وحنين يوزعو ف شكلاطة والعصير ومنعرفش علاش خواته بياكلوني ماكلة بعيونهم يشوفولي علي كل نديرها مر الوقت وخشو حوش خالي نضت مشيتلهم

انا / اهلين اهلين مرت خالي انستي

سميرة / اهلين سلمك مبروك النجاح

انا / الله يبارك فيك تفضلي

فدوة تسلم وتضحك / الف مبروك ما شاء الله هدا كله صفيتو يسيميتر لو تخرجتو شن اديرو 😂

انا / 😂 نتزوجو طول ندبرو اي عرسان

فدوة / حمارة خالك ف جنان بيسلم عليك😂

انا / هي حاضر خشي إنتي تو نمشيله ، هي خشت وانا طلعتله وانصدمت لما لقيت جنبه مالك كنت ح نرجع بس لقيتها لقطة مش حلوة ، صح انا لبستي عادية لابسة بلوزة مش طويلة هلبة وسروال جينز ضيق شوية وقايمة شعري وحاطة ميك اب بس متحجبة قدام مالك 💔

خالي حضني / مبروك يا خالو الف مبرووومك ان شاء الله

انا / الله يبارك فيك يا خالو تسلم ، وخرت

مالك / الف الف مبروك يا دانه

خالي شرين فونه وطلع برا يرد /

انا / الله يبارك فيك شكراً 😒

مالك قرب مني /

ف نفس الوقت اللي خش فيه زين /

مالك / دنو انا اسف سامحيني

زين كح / احممم

انا انخلعت ووخرت ومن الصدمة قعدت نشوفله /

زين وجهه احمر / ناديلي اختي حنيين

انا خشيت جري وانا متوترة ونرعش ، اما مالك ف طلع وزين قعد يستنى ف جنان

انا / بري حنين خوك يبيك ف جنان

حنين / باه وخيرك ترعشي إنتي