زين جاه / دكتور شن في خيرها شن صايرلها ؟؟؟
الدكتور / انت زوجها ؟
زين / اي زوجها
الدكتور / تملم الحقني نبيك!
زين ارتبك / باهي هي.. ومشي ورا الظكتور وخش معاه للمكتب
الدكتور قعمز علي كرسيه / مرتك عنده هبوط حاد ف الدم وهبوط ف الضغط والسكر يعني التلاتة مع بعض اعتقد مش حاجة ساهلة والواضح انها مش واكلة من فترة ولا حاجة وصايرلها جفاف ، لذلك ياريا ادير جهدك وتهتم بيها ، لان لو مهتميتش بيها ف اي لحظة ح تخسر لمريضة..
زين / ان شاء الله ح نتهم بيها .. وباهي في ادوية نعطيهالها دكتور؟
الدكتور / اي ح نكتبلك فيتامينات واملاح معينه تاخدهملها بس خلي لين تكمب التغدية قبل لات الله احتمال تحتاج لغدية تانية
زين / تمام ان شاء الله.. نقدر نخشلها؟
الدكتور / اكيد تقدر!
زين ناض وجاني خشلي انا كنت كيف نايضة
زين قعمز ع سرير لجنبي وقعد يشوفلي وشوية وتنهد / علاش ما تاكليش!
انا مرديتش عليه / ..
زين / نكلم فيك ردي
انا / وين شنطتي ؟؟
زين مدهالي / هاك
انا عطيته فلوس / هاك ادفع حق لعيادة
زين قعد يشوفلي ويشوف لايدي / بجديات تدوي! خلي فلوسك بلا جو زايد ، انا طالع بنشوف الدكتور محتاجة تغدية تانية ولالا وناض طلع..
انا فكيت التغدية ويدي بدت كلها تصب دم مسحتها ف شرشاف لعيادة وخليتله لفلوس وخديت شنطتي وطلعت بسرعة قصيت الطريق وركبت للسيارة وبعت مسج للبنات وشوية وجوني..
زين / دكتور لحظة لو سمحت !
الدكتور / تفضل
زين / هل محتاجة تغدية تانية البنت اللي جت معاي؟؟
الدكتور استغرب / البنت؟؟.. عموماً اي محتاجة وحدة تانية توا ح نقول للممرضات يعاودولها التغدية..
زين / تمام مشكور.. ورجعلي وملقانيش..
زين / 😳😳 ، وطلع ، لو سمحتي يا سستر ؟؟؟
الممرضة / نعم !
زين / في مريضة كانت هني وين مشت ؟
الممرضة / والله معنديش اي معلومة
زين طلع طول برا بيدورني /
صاحب الامن / ترا شوية
زين وقف / نعم؟؟
صاحب الامن / خلصت قبل ما تطلع!
زين / لا والله.. تو نخش هي وخش خلص وطلع وجانا للسيارة لقاني
أنت تقرأ
رواية في_لمح_البصر
Romanceروايه ليبيه تحكي عن فتات اختفاء كل شي في حياتها في_لمح_البصر و الروايه منقوله لي الكاتبه #بلقيس
