رواية في_لمح_البصر

الحلقة 23

#فـي_لمـح_البصـر

#الحلقـة_الــ23

انا / كل شي منك حلو يسون ، شكراً علي كل شي بجد

ياسين / والله لانك تستاهلي كل خير❤

انا / تسلم ووصلتتي رسالة فتحتها وملامح وجهي تغيرو

ياسين / خيرك شن في !

انا مديتله التليفون وشافها وكانت صورتنا انا وياه لما واقفين ع الباب / 😳 هادي من صورها ؟؟

انا عيوني تعبو دموع / ه هو 😭

ياسين / مني قولي منيي؟؟!

انا / فؤاد

ياسين / راجل سنابل؟؟؟

انا هزيت راسي بمعنى اي / 😖

ياسين قعمز ومصدوم / علاش يديير هككي وشن علاقتكم ببعض؟؟

اتا / ياسين انا اهو بنحكيلك من البداية وياريت تصدقني وتفهمني

ياسين شدلي ايدي وضغط عليها بايده التانية / عمري كامل مش ح نفهمك فيه غلط

انا تنهدت لان بجد استريحت نفسياً / شوف يسوني❤ ، بدايةً من سنتين تقريباً جاني فؤاد كذا مرة وطلب يرتبط بيا بس انا ما وافقتش لاني اولاً ماستريحتش ثانياً بتع بنات وهكي ف قعد شهور يكلم فيا وانا فايتاته قعد يقولي والله لما ندمك انا ترفضيني ومش عارفة شن.. المهم كلم سنابل وافقت ترتبط بيه ارتبطو ونصحتها تفوته لكن هيا حباته وسكرت راسه ، انا ما قلتلها ان هو كان يحبني ما حبيت نكسر قلبها 💔 انخطبوا وتزوجوا وديما ننصح فيها تفوته كان ديما يبعتلي ف رسايل ويهدد فيا بأنه ح ينتقم مني عن طريق صاحبتي خفت نقوللها تشكك ف صحبتنا ، فته قلت مش ح يدير شي ، تزوجت وبعد فترة بدت المشاكل وف اخر مرة ضربها وكسرها ورقدها ف مستشفى تعبت منه طلقها و بدي يبعتلها ف صور ع ڤايبر بين محادثاتي انا وياه ، هو كشكل الايميل ايميلي لكن يا هو ايميل زيه يا اما ايميلي مخترق منفهمش فيه انا ، لمهم المحادثات فيها ان انا قتله فوتها وخودني وقتله اضربها ولزها وعنده صوري 💔

ياسين ضغط علي يديا بقوة قريب كسرهم وفنص عيونه / 😳😳 عنده صووورك؟؟
انا نبكي / المشكلة يا ياسين صوري ما عند حد الا صحباتي 😭 والصور اللي عنده مش نفسهم اللي عند صحباتي عنده صور وانا ف الاعراس💔 يعني هدا اكبر دليل يخليهم يصدقوه وصار اللي كان يبيه بالضبط وقطعوا علاقتهم بيا💔

ياسين مسحلي دموعي بايديه / فوتيهم فوتي العالم كله ركزي معاي توا

انا نشوفله ودموعي ينزلو بروحهم /  😢

ياسين / اول شي اليوم منبيكش تفكري ف شي اليوم نبيك تستريحي وترقدي ، غدوة مشروعك متنسيش.. وبالنسبة للموضوع هدا بعك المشروع بإذن الله ح نديرلك حل ولا يهمك وح نعرفهم قيمتم وح يعرفوا انك مظلومة