#فـي_لمـح_البصـر
#الحلقـة_الــ16
ريناد / مني ؟
زين / افتحي تو نوري جد اصلك انا يا فاسدة !
ريناد فتحت/ هييي زين خيرك تقول هكككي 😡
زين خش وسكر الباب / بنقولك كلمتين يا ريناد ولو منفذتيهمش ورب العباد لما نبدا محرش بوي ع اللي درتيه مع دانه
ريناد / علاااش انا شن درت ؟؟
زين / هه ع اساس ديري ف روحك حولة ! زيك زي لفالحة تتصلي بيها وتعتذري منها علي كل كلمة قلتيها
ريناد / ب باهي باهي تو نتصل
زين عيط / تواااا تتصلي 😡
خالته طلعت / زين 😳 خيرك شن في؟
زين / اهلين خالتي كيف حالك
خالته / الحمدلله خش قعمز
زين / لالا يا خالتي نبي دانه ف حاجة
ريناد / عطيني الرقم
زين / هاتي نضربهولك وعطاهولها وفتح المايك
ريناد / الو
انا / ايوا ؟!
ريناد / دانه معاي ولا!!
انا / اي تفضلي من معاي؟
ريناد / انا ريناد
انا / اها ، علاش متصلة ؟ والله ناوية تقولي كلام تاني يحرق القلب؟؟
زين شافلها بحقد /
ريناد / لالا والله متصلة بنعتذر منك ع اللي قلته لمرة لفاتت اسفة مش قصدي
انا تنهدت / اوك مش مشكلة ولا يهمك
ريناد / اوك باي.. وسكرت
انا ضحكت / ههههههه علي صبح ربي مشالها 😂❤ خلي نتصل ب لعروسة
.
زين / هكي كويس
ريناد / ....
زين / هي ما تبي شي يا خاله ؟
خالته / لا .. بارك الله فيك صحيت
زين / هي سلام .. وطلع
خالته / تعااالي يا كلبة تعالي
ريناد / نعم !
خالته / من هيا البنت هادي وشن مدايرة معاها اه 😡
ريناد / شي يا مامااا شي فوتوني 😡
خالته / ديما مفضحة بيا قدام الناس 😡
ريناد / لا مفضحة بيك لا شي ديما تحبي تأوفري إنتي😡 وخشت
خالته / والله ديريلك لقطة هكي ولا هكي تانية لما نوريك 😡
.
.
انا / رااقدة 😂
سنابل / ههههه لالا نايضة من بكري فؤاد راقد
انا / اممم باهي نوضيه يا للا باش نجوك حنى والكوافيرة مع بعض
أنت تقرأ
رواية في_لمح_البصر
Romanceروايه ليبيه تحكي عن فتات اختفاء كل شي في حياتها في_لمح_البصر و الروايه منقوله لي الكاتبه #بلقيس
