رواية في_لمح_البصر

الحلقه 13

#فـي_لمـح_البصـر

#الحلقـة_الــ13

انا فتحت الباب / اطلع روح خير ما نرتكب جريمة

زين / طااااالع ، وطلع زين وسكرت الباب خشيت وقمت تليفوني فتحت الرسالة اللي كانت ( تؤ تؤ تؤ مش معقولة مواعيد للساعة 3 ، عيب ميجيش صح ولا ؟ خافي حتى علي سمعتك ) انا من الصدمة طاح مني تليفوني 😳💔 لما لقيته نفس الرقم 😳 فؤاااد ! ياربي منيييييين شافني منين حيييي عليا كان ميطلع مصورنااا لا ياربي لاااا 😣 خشيت للحوش وانا نرعش خشيت لداري لبنات راقدين قعدت ف فراشي نفكر لين خداني النوم..

فـ الصــبــح💔

حنين / دانه؟ دانه !

انا /....

حنين / دانه نوضي خيرك

انا نضت مخلوعة / اه شن في 😲

حنين / هههههه مثقل نومك ، ليا ساعة انوض فيك

انا / تي باهي الساعة كم؟

حنين / 12 ونص

انا / كدااابة 😳

حنين / وحق ربي سنابل روحت من بكري وانا توا بنروح

انا / تي خليييك تغدي معاي خيرك

حنين / لا اصلاً انتي بتلبسي وتلحقيني ، كلمني سيف الصبح وقالي ان أمه جاية العشية

انا / الله 😍 باهي خلاص

حنين / خلاص نستنى فيك

انا / باه تو نجي

طلعت حنين وانا نضت صليت الصبح خشيت للمطبخ فطرت وخشيت لداري اتصلت ب زين وفتحت الدولاب ندور ف حاجة نلبسها

زين / ايوا حبيبي

انا / صباح الحب حبيبي لقيتك متصل

زين / هههههه هادي النوضة يا بايرة

انا / اي حضرتك مسهرني امس

زين / حي ع الكدب ، تو مني مسهر التاني

انا / باهي يا ودي باهي ، اسمعني يا روحي انت

زين / نعم حبي 😂

انا / مش متحبهاش كلمة حبي 😂

زين / انتي كل شي نحبه عليك❤

انا طلعت بلوزة وسروال / وانا نحبك انت❤

زين / نموت فيك❤

انا / وين انت صوت دوشة جنبك

زين / ف الجامعة ، توا مروح

انا / اهااا باهي وانا جاية لحوشكم

زين / حقااا 😍

انا / والله ، واتصل ب حنين شوفها شن ناقصها جايينكم ناس

زين / منو الناس 😂 اكيدة انتو كالعادة 😂

انا / مش جايينك انت جايين لحنين حنى 😡 وسكرت عليه وقعدت نضحك 😂❤ مزعلتش منه لكن من بكري نبي نسكر ودرتها سبلة خليته يتصل وخشيت دوشت وطلعت لبست ودرت طشة مكياج ومشيت واتصلت بيها فتحتلي..