#فـي_لمـح_البصـر
#الحلقـة_الــ22
زين / حنين !
حنين / نعم ؟
زين / معش وصلها شي سنابل علي دانه ؟
حنين / لالا
زين / باهي بتمشي غدوة للجامعة!
حنين / اي بنمشي
زين / لا نقصد هيا
حنين / وانا شن عرفني بيها لخاينة
زين / امم ، وخش لداره وفتح تليفونه فتح الرسايل وبعتلي ( غدوة ضروري تمشي للكلية باش يناقشوكم ع المشروع )
انا شفت التاريخ وتفكرت ان غدوة ضروري نمشي للجامعة! اتصلت ب ياسين
انا / ياسين شن جو
ياسين / الحمدلله بخير انتي شن اخبارك!
انا / نقوو الحمدلله ، ان شاء الله منكونش نوضتك من النوم !
ياسين / لالا والله ، مقعمز مع صحابي ، شن في ان شاء الله خير
انا / كل خير ، الصبح فاضي
ياسين / نفضى علي خاطرك عادي
انا ابتسمت / تسلم❤ ، غدوا نبي نمشي للجامعة الصبح نبيك ترفعني
ياسين ضحك / اصلاً الصبح قبل بنقولك بنطلعك انتي وحناك وامي نفطرو برا نغيرو جو خلاص تمام جت ف وقتها
انا فرحت / باهي تمام بارك الله فيك #ويجبر_بخاطرك
ياسين / وفيك بارك الله ، ساعة 10 ولا
انا / شن عرفك؟
ياسين / عندي علم.. هي تصبحي علي خير
انا نفكر مرديتش عليه.. وهو سكر ، لحظة زعما بجديات يتبع ف اخباري! ، وانا عارفة ان مكانش بيرفعنا مع امه لكن لان عارفة ان ميبينيش نركب معاه بروحي بيرفع معانا امه وحناي ، ربي يخليه ويحفظه
نضت ثاني يوم الصبح الساعة 8 ضميت الحوش وبخرته وخشيت دوشت وطلعت لبست ونوضت حناي لبست وشوية وجي وومشينا حطني ف الجامعة وقعدو يستنوا
خشيت للمسرح متع الكلية وانا قلبي يدق منبيش لا نشوفه ولا نشوفهم💔 لقيت المسرح معبي ، في مكان جنب حنين وفي مكان جنب ولد 💔 مشيت قعمزت جنب حنين ابتسمتلها فاتتني وعطتني بظهرها ، قتلتني حركتها ، لكن فتها بدو يقسمو فينا مجموعات وانا ناسية اني
مسجلة من قبل انا وحنين وسنابل وشوية بنات عند د.زين وانصدمت لما سمونا وسمّو اسمه كلهم مشو وقعدو ينادو ف اسمي بالمايكرفون لين مشيت قعدت نشوفلع وهو يشوفلي ، انا يا ناس انسانه منتحملش ، عيوني طول يدمعوا قعدت نمسح فيهم ووقفت علي جيهة بروحي! خليتهم يناقشو فيه وانا معش قدرت طلعت بسرعة وخشيت للكفتيريا خديت امية وكلينكس وقعدت نمسح ف دموعي ونتنفس بقوة لميت حاجاتي من ع طاولة ومشيت للسيارة
أنت تقرأ
رواية في_لمح_البصر
Romanceروايه ليبيه تحكي عن فتات اختفاء كل شي في حياتها في_لمح_البصر و الروايه منقوله لي الكاتبه #بلقيس
