الاب سكت ورضخ لحجي وضاح مجبور مابيدو شي
امنيه تعبت من البجي والصياح نامت ودمعتها على خذها وهيا تفكر بحياتها وشراح يصيرلها وشلون راح يغير كلشي بيها
تعرف اهل ابوها وعيشتهم وراح تتحول حياتها من نعيم الى جحيم هذا بنظرها
تعبت من التفكير ونامت
كعدت الصبح وحيلها مهدود
وضاح مكدر ينام وميعرف احوال امنيه بالليل دخل لغرفتها وشاف حالها يكسر الخاطر رف كلبو الها بس مراح يتراجع ولانو هيا عاندت زاد اصرارو
شافها تقرب مسح راسها بخفه وباس راسها وكال الها اسف بس مراح اتراجع وطلع من غرفتها
من الصبح وضاح طلع بحجه شغل من البيت
امنيه نزلت جوا بس مبيدها شي تسوي ولا تكدر تعترض واهلها واكفين مع وضاح بس هي مقررة حتى لو تبقى لحد الموت مراح تتراجع وتتقبل وضاح كزوج
امنيه فكرت بي كزوج مكدرت ولا راح تتقبل حياتهم ولا تصرفاتو هو حلو ووسيم ويجذب النظر بس متحس وتفكر بي كزوج طردت الافكار وكالت على قراري مستحيل اوافق
فات ابوها للبيت لانو جان طالع يكمل كم شغله كللها بويه امنيه حضري جنطتج لانو غدا مسافرين للبصرة امنيه وكفت وهيا مصدومه كالتله ليش
كال ارجع اسلم على اهلي واصالحهم الدم عمره ميصير مي وهما رايديني ارجع
تحسبت على وضاح وكالت الله كريم بابا وطلعت لغرفتها متعرف شتحط بالجنطه وهما اكيد حياتهم تختلف ولبسهم يختلف وهيا لبسها كله تراكات حطت تراكات عريضه شويه بالنسبه الها بس بالنسبه الوضاح اكيد تختلف
صفنت مع نفسها ورجعت كالت اووي وشدخلني اني عجبو الا معجبو هذا لبسي وهاي شخصيتي غصبا عنه يقبل
لليل رجع وضاح تعشو الكل سوا بس محد حجا وثاني يوم الصبح قررو يرجعون للقريه بس بسيارة وضاح وسيارة ابو امنيه تبقى عد خال امنيه وحمزة و وضاح قنعو انو مراح يحتاجها وانو سيارة وحده تكفي
تريكو وطلعو للطريق
وضاح متفق مع ابو وكالو انو راح يجيب عمه ويجي ووصا يحضر ذبايح ومكان بالبيت الهم
بالطريق وكف السيارة ونزل شترا غدا وهو كل شويه عينو تروح على امنيه الي صافنه بالجام ومرات دموعها تنزل وهو ينعصر كلبو ميدري ليش جاي يتأذه بدموعها
امنيه الطريق كله ساكته ومتحجي شي بس مرات دموعها تخونها وتنزل خايفه من حياتها الجايه وخايفه من ردة فعل اهل ابوها وخايفه من وضاح وحتى اكل مكدرت تاكل
العصر وصلو وجان بالمضيف ابو وضاح وجده وضاح وابو فهد وباقي عمامو وويلادهم
وضاح خايف على امنيه لا احد يلمحها من ويلاد عمو وميريد احد يحجي عليها لانو هيا لبسها يختلف والشعر محلول
عبر المضيف لانو الديوان بعد البيت على اليمين تمشي شويه ومفتوح على البيت
وفوت السيارة للكراج
امنيه من وصلو وهي مصدومه بيت جدها قصر
هاذي اول زيارة الها متوقعت هيج
توقعت بيت قديم وصغير وناس مخربطين متوقعتهم هيج
نزلت وهيا مبهورة بالبيت وصافنه وضاح والباقين نزلو كاللهم نورتو بيتكم
اشر لام امنيه وامنيه يدخلون وهما ديدخلون طلعو كل الزلم الي بالمضيف وشافو ابو امنيه
ركض وسلم على ابو نزل على رجله وهوا يريد يبوسها
رفعه ابو وسلم عليه وراح سلم على بقيه اخوتو وجد وضاح يبجي
وضاح مصدوم اول مرة يشوف جدو يبجي هو قاسي ومتعودين عليه حنون من جوا بس بالضاهر قاسي حيل
ابو امنيه وهو يبجي سلم على كل اخوتو وويلادهم
فاتو امنيه وامها واستقبلتهم الجده
وبوست ام امنيه ورجعت على امنيه كلتلها تعالي يبعد جدتج شنو هل جمال اني عندي هيج حفيده حلوة ابتسمت امنيه وسلمت على جدتها ونسوان عمامها و بنات عمها
حور حبت امنيه حييل وتونست بيها وامنيه هم نفس الشي وكعدو
شويه ودخلو ابو امنيه وعمام امنيه والجد
فات ابو امنيه وسلم على امو
وثنينهم يبجون من الفرحه
كالتلو يبعد امك شهل كطيعه ليش مسئلت عني ولك
باس راسها وكعد يم رجلها وكللها يا بعد روحي والله مكدرت بس جنت خايف تردوني
ضربته ضربه خفيفه على كتفه وكالتله ولك منو يكدر يردك مو هو ابوك يحبني ميكدر يردلي طلب واكيد اذا جيتني مراح اردك
الكل ضحك
وضاح عينو على امنيه وهي تبتسم مع حور واخذت على الوضع
كام وضاح وكال اليوم اكو ذبيحه وعزيمه برجعه عمي الكل يبقا
وعزمت الشيوخ والناس الي نعرفها بمناسبه رجعته
كامو الزلم طلعو وبقو النسوان
ام نغم ابد مو عاجبها الوضع لا هي ولا نغم ولا ريم كاعدين وديباوعون بحقد
الجده كالت الامنيه كومي يبنيتي ارتاحي
حور اخذي امنيه لغرفتها
كامو حور وامنيه
امنيه دخلت دتبدل وطلعت تراك دتلبس وعاطت بيها حور
كالتلها ولج شبيج جفلتيني
كالتلها ولج ميصير تلبسين هيج يحجون عليج صدكيني
امنيه كالتلها ولج مجايبه كلبيه او دشداشه راح البس تراك عريض
حور كالت لامنيه تردين انطيج
كالت لا راح البس تراك عريض معرف البس دشداشه
كالتلها على راحتج
دخلت امنيه للحمام وغسلت وبدلت وطلعت
ونزلو حور وامنيه وهما دينزلون وضاح ديدخل للبيت
شاف امنيه تعصب وعيونو صارو حمر من العصبيه وعروق ركبتو وايدو بارزات
ركض للدرج وسحب امنيه وحور ساكته متكدر تحجي شي وضاح عصبي
وامنيه رادت تصرخ حط ايدو على حلكها وسحبها وهيا تدفع بي
فوتها الغرفتو وقفل الباب وهيا ميته خوف متعرف شتسوي ولا تكدر تصرخ حلكها مسدود
كامت تبجي ودموعها متوكف
كاللها ولج شنو هل اللبس شتريدين بالضبط بهل لبس وليش ملابسه شال
شوفي يبنت الناس انتي راح تصيرين مرتي وحلالي رضيتي والا ما رضيتي
وهذا لبسج لو اعرف ادفنج اهنا ولا تنزلين لابسته جوا اني مو ابو كرون حتى اعوف بنت عمي تنزل يشوفوها الشباب بهل لبس
وحتى لو مثلا اني مناهي عليج مراح اخليج تلبسن هيج
ستري نفسج ولج وخليج مثل الجوهرة مياخذها ويشوفها غير الي يستاهلها وخليج جوهرة واحترمي نفسج
اني جاي وداحجي معاج بأحترام احترميني واحجي عدل وياي وتصرفي عدل
تصرفاتج مو موزونه ابد انتي عاقله تصرفي بعقل
كل هذا وهي دموعها ما توكف
كال الها امنيه مو جاي اعذبج انا جاي اعلمج الصح ترى مو ثقافه اللبس الضيك والشعر المحلول صدكي اني داحجي المصلحتج
ولو غير وحده تصرف عل تصرفات جان دفنتها بمكانها بس اني صابر عليج وهسه راح اشيل ايدي واياني واياج تصيحين
شال ايدو وفتح الباب صاح حور
ركضت حور كالتلو ها يخوي تأمر بشي
كاللها اي بعد اخوج جيبي شال ودشداشه لأمنيه
كالتلو تدلل ثواني واجي
شويه وطلعت حور
كال الها اخذي امنيه وخليها تبدل
طبعا امنيه كل هذا تبجي مجاي تسكت
هي ودتطلع وضاح همسلها كافي دمرتي عيونج واني ما اقبل
راحو حور وامنيه
وحور ميته خوف على امنيه الي بس دموعها تنزل
فاتو للغرفه وحور مسكت امنيه كالتلها شبيج ولج شسوالج مو نصحتج
امنيه ساكته متحجي شي
حور كالت ولج شبيج لتخوفيني عليج
امنيه كلتلها مبيه شي نطيني دبدل
بدلت ونزلو شافو وضاح جوا دينتظرهم
بس من نزلو كام يخزر بأمنيه
ليش وضاح ضاج مرة ثانيه ؟
وشتتوقعون يصير معاهم ؟
ونغم وامها وريم شنو ردة فعلهم ؟
صوتو للبارت مراح تخسرون شي 😍
احبكم ❤
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
