دخل للبيت بعصبيه
شاف امنيه وحور كاعدين يحجون ويضحكون
من شافته امنيه كالتله الله يساعدك
رد بعصبيه ويساعدج وطلع الغرفته
امنيه ستغربت وضاح مو من عوايده يرد عليها هيج
بس كالت اكيد من الشغل ضايج
كامو ديسوون العشا حور سندت امنيه وراحو للمطبخ
وضاح بغرفته حضر الجنطه وراح ينام ظل يتكلب مكدر ينام
ورا صلاة الفجر راح للدوام يلتحق ويبقى اسبوع دوام وبعدها يرجع
طلع وهوا اعصاب ومكعد احد ولا ودع احد
الكل كعد الصبح يعرفون وضاح اليوم يلتحق بس مجا ببالهم انو يروح وميودع احد
طلعت حور دتشوفه نزلت كالتلهم ماكو
عرفو ملتحق وعرفو اكو شي لانو وضاح مو من عوايده يطلع هيج
امنيه ضل بالها لانو جان مبين عليه كلش عصبي بالليل
اسبوع الاوضاع بالبيت هاديه امنيه فتحت رجلها وفهد كدر يكوم ويتحرك عادي
ووضاح بالداوم بقت تجي رسائل واعصابو بقت نار وبقى يحاول يعرف الرقم بأسم منو
وضاح : جنت كاعد بالديوان واجت رساله دخلت للبيت شفت حور وامنيه كاعدين ويسولفون ويضحكون كامت امنيه كالت الله يساعدك رديت بعصبيه ويساعدج وطلعت ثاني يوم من الصبح التحقت واني اعصابي نار الاسبوع كلو واني تجيني نفس الرسائل وبالف زور اصبر نفسي ماريد امشي ورا مجرد كلام وبقيت ادور ورا الرقم باسم منو
عرفت انو مكان الرقم بالبصرة وهذا الي زاد عصبيتي
امنيه مصارلها جثير من اجت للبصرة ومستحيل بهل وكت لحكت تسوي شي او حتى تفكر صارلها فترة مشفت بيها اي شي غريب
وكلت صديق الي ويايا يعيني واتمنى اعرف منو صاحب الرقم وبعدها اشرب من دمه مو شيخ وضاح الي ينضحك عليه
مرات يجي ببالي انو يجوز اكو شي بين امنيه واي احد بس اتراجع لانو تصرفاتها عفويه ومو مبين انو عدها هيج شي
قبل نزلتي بيوم خبرني صديقي الي ديدور ويايا على اسم صاحب الرقم وكاله انو هوا لكه الرقم وكال الاسم نصدمت صدمه عمري معرف ارد عليه سديته بوجهه وكعدت افكر معقوله رجعت خابرت صديقي كتله متاكد من الاسم
كال اي متاكد وهسه ابعثلك التفاصيل وتاكد
بعثلي التفاصيل وكعدت اصفن ممصدك الديصير
بعدها كلت مستحيل فهد يتصرف هل تصرفات
فهد حاله حال فارس واثق منه اكثر من نفسي
واحد ضحى بنفسه من ورايا مستحيل يخوني هيج خيانه وهوا خاطب حور
السبت جانت نزلتي للبيت بس منزلت كبل للبيت خابرت فهد وكتله حنلتقي يم الشط
وكعدت انتظر فهد يجي ورا تقريبا نص ساعه اجا فهد
سلم وكال شبيك ليش طلعت بدون ماتسلم على احد مخليت احد يخبرك ويحجي وياك كتلهم خلو يهدأ لحد يزعجه
مارد وضاح وانطا الجهاز وكله شوف
فهد اخذ الجهاز وبدا يقرا انصدم من الي شافه وبعدها سئل وضاح كله منو هذا وشنو هل حجي
وضاح كله شوف الرقم
فهد طلع الرقم اول شي معرفه بس بعدين وضاح كله تاكد من الرقم
تاكد وطلع نفس الرقم الي فهد اخذه لريم
كله وضاح هذا الرقم بأسمي اني ماخذه لريم
فهد كال وهوا منزل راسه اعتذر اني وضاح مادري والله بهلشي اني اربيها لهل كلبه اعذرني
وكام ديطلع وهوا اعصاب نار
رجع فهد للبيت ودور على ريم مالكاها طلع على غرفتها فات وقفل الباب
جابله حزام وموتها كتل وهيا بقت تصيح لحكوني
والله كلشي مسويت فهد اسمعني حباب
فهد وهوا يصيح ولج حقيرة شلون تسوين هيج ولج شلون تريدين تخربين بيت ابن عمج وبنت عمج
شمسويلج ولج الله ياخذج ياكلبه اليوم اربيج من جديد
حرامات تربيه اهلج بيج ولج حرامات والله
ريم : فهد اسمعني حباب ترا مجان قصدي والله نغم كالتلي سوي هيج والله نغم علمتني ابوس رجلك اتركني
لو تموتين ولج اليوم اربيج نزلتي راسنا الله ياخذج
بقى يضربها لحد ماتعب
الكل برا عيصيح فهد ويريده يطلع
ورا ماتعب فهد فتح الباب وطلع وقفل الباب وكال هل كلبه متطلع منا وعافهم وطلع
شاف وضاح بالديوان وبعده حتى مداخل للبيت كله وضاح تحاسبت وياها وبعد ما كملت بس حبيت اكلك انو نغم هم الها يد بالموضوع
وضاح عادي ميستغرب هل حركات من نغم وريم
كعد فهد حجاله الي كالته ريم
وضاح كله خلها انا اتصرف وياها
ودخل على نغم الي جانت ميته من خوفها وتعرف انو هما نكشفو
ونفس الحاله زوركها من الضرب وحتى كالتله انو ريم حطت الزيت لأمنيه ووكعت
وبالليل الجد صاح وضاح وفهد وسئلهم عن الي صار
وضاح وفهد حجوله ثنينهم عن الي صار
العيله كلها تعصبت وضاجت من هل تصرف
وامنيه جانت مذهوله من هل متتوقع الكره يوصل عدهم هيج
ستأذنت وطلعت لغرفتها وكعدت تبجي
شويه وندك بابها ودخل وضاح لكاها تبجي
حضنته وكامت تشهك كالتله وضاح لو ما مدور ورا الرقم ومصدكهم شجان صار بيه
والله اني ممئذيتهم ولا جايه يمهم
على شنو هل تصرفات وحتى ريم لو انته تريدها قبل ما اجي جان اخذتها ليش متقتنع وتتركني اني شعليه
هل مرة ماصدكتهم وسلمت مرة الثانيه شلون
هما اتهموني تهمه مو قليله
وضاح : هشش حبيبي سكتي معليج بأحد اني واثق بيج ومراح اخلي احد يئذيج مدام اني عايش وراسي يشم الهوة
امنيه : ......اعتذر كلش البارت قصير بس والله عندي ضروف ومجنت بالبيت بس حاولت انزل وهذا الي لحكت اكتبو 💔
اسفه على الاخطاء الأملائيه ❤💫
صوتو 🌸
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها