سدت امنيه من وضاح
وكعدو هيا وسارة يحجون
امنيه حجت لسارة عن وضاح وعن حبو الها ودفاعو الها والي صار معا نغم وريم
سارة : امنيه انتي تحبين وضاح
امنيه : لا مو قصه حب بس حبيت تصرفاته وشخصيته تجبر المقابل يحترمه ولبسه وطريقه كلامه
سارة : امنيه انتي حبيتي وضاح
امنيه : تكدرين تكولين تعلقت بي
المهم شوفي النيشان وانتي ساكته
سارة شافت النيشان وتونست لأمنيه
سارة : اي صح امنيه منو هذا الي اجه علينا وجابنا لهنا
امنيه : هذا فارس اخو وضاح ليش
سارة : يوو شكد مكروه
امنيه : لا ولج ليش اكثر واحد يضحك ويا الكل ومو عصبي ويضوج بسرعه
سارة : لا والله عصبي ونفسيه ومينبلع على شنو شايف نفسه
بقو يتسولفون لما تعبو ونامو
كعدو من الصبح وتحضيرات الحنه والخبصه امنيه وحور تغدو وراحو للصالون
راح يسوون حفله للبنات
وبرا بالمضيف راح تصير حفله اكبر وعشويه لان وضاح عزم كل الشيوخ اليعرفهم
للعصر رجعو امنيه وحور من الصالون
طبعا نغم وريم لا راحو صالون ولا شي بس بدلو
وسارة وام امنيه راحو ويا حور وامنيه
ام وضاح مكدرت تروح لان الخطار كلهم عيب تعوفهم
وضاح وفهد لبسهم خليجي
امنيه فستانها زيتوني وحور نيلي تقريبا مستورين لان فهد ميصير يشوف امنيه
وحور ستحت من وضاح
فساتينهم صارو مستورين
شغلو الاغاني وبدو يركصون والكل فرحان وديضحك
وبدا الركص سارة كومت امنيه تركص وياها
وفارس جان داخل ديبدل ولمح سارة ميعرف ليش ضاج وطلع بلا ما يبدل حتى
سارة جانت لابسه فستان اسود ضيك وطويل وردانو شفافه ويجنن طالع عليها
وهي عدها عادي لانو اهلها مو نفس تفكير بيت وضاح هما متحررين اكثر
شويه وكالو حيدخلون وضاح وفهد يحنون حور وامنيه
دخل وضاح متعجب بأمنيه الي كلمه تجنن ميعرف قليله بحقها والا من كثر حبو هيج يشوفها باس راسها وكعد
وفهد نفس الشي بس سوا نفسو ضايج
طبعا هوا ديمثل انو ضايج لانو حور جانت غالقه موبايلها ومن قبل اسبوع محاجيه ويا
كالتله اكو شي
فهد وديحاول يحجي بعصبيه : لا عيني ماكو شي وما احجي وياج خاف ضايجه مني
حور بعدم فهم : وليش اضوج منك
فهد : ابويا الي غالق موبايله قبل اسبوع ولج شنو هل تفكير مكلتي يشتاقلي يخاف عليا مشتاقيتيلي انتي
حور خجلت ودنكت راسها وسكتت
فهد ابتسم وسكت
جابو الحنه وضاح وفهد حنو امنيه و حور
وطلعو لان البنات يردون ياخذون راحتهم
طبعا امنيه وحور مقصرو ركصو وتونسو
لليل خلصت الحنه طلعو امنيه وحور ديبدلون
وسارة ويا امنيه
سارة : ولج امنيه شكد متراهمين وحلوين طالعين ربي يحفظكم ولا يبعدكم عن بعض
امنيه : اميين سارونتي يوم الالج
سارة : تسلمين حبيبتي بحضورج
نزلو ديتعشون الكل مجموع على العشا
كعدت امنيه يم وضاح وسارة يمها
طبعا فارس كاعد يضحك ويتسولف بس من دخلت سارة وهوا يدحك عليها بعصبيه ومو حاس بنفسه
سارة كامت دتغسل كام فارس بدون ما احد ينتيه
فارس : انتي هيي شهل اللبس اليوم متكولين خاف يفوت احد غريب
سارة خافت لان مجانت تدري هوا وراها بس ضاجت من تدخلو : وانتا شكو اني حرة شنو البس وشنو لا بصفتك شنو تدخل
فارس : بما انو انتي كاعده عدنا فتحترمين المكان الكاعده بيها
سارة : ترا مصارلي يومين من كاعده عدكم وبعد باجر اني راجعه وانتا مالك حق تدخل بيا ولا بأي تصرف مني
فارس بعصبيه وحده : سارة ملابسج عدليها واحترمي عدحجي وياج عدل احجي بأحترام
سارة : هوا اني شكلت شي مو محترم وهاي حياتي وللمره الثانيه اكلك بصفتك شنو كاعد تحجي عليه
فارس تقرب بعصبيه وكال وهوا قريب : الصفه الي تعجبني المهم انتي ملابسج تغيريها
سارة : فارس على فكرة هواي تتدخل بأشياء متخصك
ومشت ابتعدت بسرعه قبل ميرد
اما وضاح كاعد ومبتسم متونس
وفهد نفس الحاله
الجده : ولكم سدو حلوككم شبيكل هل فهاوة عود عساس الثكال انتو شو خرطتو وبعدين اني مو كايله تباتون برا البيت
وضاح : ها حبوبه شبيج علينه اليوم منو دازج والله ملينه ما مرتاحين مبقا شي للزفه هيا باجر
الجده : ها ولك وضحان شنو منو دازج جاهل انا عدكم واذا بس باجر بس بعد على شنو احجي ولكم واحد بيكم اريد يسمع الكلام ماكو
وضاح كام باس راسها : لا حشا اكطع السانه اليحجي عليج هوا احنا شعدنا غيرج
طبعا الكل عيضحك ومتونس وياهم
لليل دخلو ينامون
سارة يم امنيه نامت
وضاح وفهد و فارس كاعدين بالحديقه ويضحكون ويتشاقون وفارس يحشش على وضاح وفهد
فارس : ولكم دخلتو عود العش الذهبي والله تشوفون ايام سوده
وضاح : عود عساس مراح تدخل هل عش
فهد : يالله عيني نشوفك بعدين ونكعد نحشش مو يجيلك يوم وتصير بنفس المكان
فارس : عود الله كريم ورا فد عشر سنين نلتقي
طبعا بقا فارس يحشش ويضحك لحد ماتعبو ودخلو نامو
والصبح كعدو على الريوك
امنيه وحور متريكو بدلو وطلعو بسرعه لا يتأخرون
للضهر فارس راح يجيبهم
وطلعو ثلاثتهم ورا وام امنيه كعدت كدام يم فارس
.....
..
أكود ايدج وامشي بهداي وياچ 💫🌸
وعلى خطوة مشيتچ گلبي ينبضلج ❤
مساء الورد 🌸
هذا البارت الي وعدتكم بي وياريت تصوتون ❤💫
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
