وضاح : هشش حبيبي سكتي معليج بأحد اني واثق بيج ومراح اخلي احد يئذيج مدام اني عايش وراسي يشم الهوه
امنيه : شكرا وضاح
وضاح : ماكو داعي للشكر اني زوجج وسندج
بعد كل الي صار التهو بالتحضيرات بعد اسبوعين الزواج
امنيه نزلت واجرت فستان هيا وحور وجانو طايرين من الفرح
حتى امنيه الي ماجانت موافقه تغيرت جذريآ وصارت اكثر وحده فرحانه بعد اهتمام وضاح بيها
وضاح عساس حيلبس الزي العربي
بس امنيه مقبلت كالتله اول متاخذني البس قاط وبعدها بدل وبعد معاناة اقتنع
وطبعا ميصير يبقون بنفس البيت ولهذا لازم وضاح وفهد ببيت وامنيه وحور ببيت
وطبعا وضاح مقبل تطلع امنيه تبقى بغير بيت فأضطر انو هوا وفهد يرحون عد عمهم لحد الزواج
امنيه وحور غلقو خطوطهم من بقى اسبوع للزواج
طبعا هاذا اتفاق بينهم لان وضاح وفهد مراح يكدرون يجون
يحاولون يستفزوهم
الكل متحمس للزفه بعد زفه الشيخ وابن عمه
فارس :
جنت كاعد ودك الرقم نفسه والله خبصتني شتريد هاي
فارس : ها نهى شكو شرايده
نهى : فارس حرام عليك انطيني فرصه عالأقل ليش مجاي حتى تحاول
فارس : نهى انتي الي حاولي تنسيني
نهى : فارس صدك متلكه وحده تحبك نفسي جرب وخلي نصير اصدقاء
فارس : عمي اصدقاء خلاص بس ارحميني من سالفه الحب والله ماريد احب
وضاح كاعد ويا فهد وفارس بالديوان
وديوانهم يم البيت بس الجده وامه ميقبلون يدخل للبيت
كام وضاح وكال فايت للبيت وشيصير خلي يصير
ادري شهل تخلف واذا شفتها
فهد : ولك وضاح اكعد والله حبوبتي تلحكك بعوجيتها مو حذرتك
وضاح ضحك وكعد ولك فهيدان خوفتني
بالبيت امنيه وحور وبنات عمهم وعمتهم منجمعين كلهم وباقي يومين للزفه
طبعا امنيه تحجي ويا سارة من رقم امها لان رقمعا غالقته
واليوم راح يطلعون سارة وامها ويبقون يم امنيه ورا الزفه يرجعون
اتفقت ويا فارس انو هوا الي يروح يستقبل سارة وامها
فارس كعد الصبح طلع للديوان ينتظر من امنيه تدك عليه ويروح يستقبلهم
شاف وضاح بالديوان
وضاح : ها ولك فارس شعجب كاعد من وكت شعندك
فارس : غير من ورا مرتك مكعدتني تريد اروح اجيبلها صديقتها
وضاح يتزوج وفارس يبتلي
وضاح : ولك غصبا عنك لعد منو يشتغل بالبيت وبعدين مو هيا بنت عمك يعني تشتغللها غصبا عنك
فارس : عمي اشتغل اشتغل بس فكني انتا ومرتك شهل ازعاج من الصبح
ودك جهازه وراح حتى يستقبلهم لانو اتفق معا امنيه يكفون بمكان محدد ويروح ياخذهم ويجيبهم بسيارته
وفعلا راح لكاهم واكفين ينتظرو
سلم على ام سارة ومن شاف سارة ضاج وتعصب لان سارة متلبس حجاب ولابسه جينز وقميص وشويه ضيك بس بعدها كال بينه وبين نفسه اني شعليه هيا حتجي يومين وترجع
سارة ضاجت ودردمت ادري شهل تاخير اشتعل وجهي هسه شسوي وبعد يومين الزفه
فارس سمعها ضحك بين وبين نفسه وكال اسف خاله تأخرت عليكم واشتعلتو بالشمس
سارة حمرت من الخجل عرفت سمعها ورد عليها بس محجت كلشي نزلت راسها وكعدت
ام سارة : لا بعد خالتك ما تأخرت على راحتك احنا زاعجيك
سارة كلش عجبها المنظر ومصدومه كالت وهيا مو بوعيها
ماماااا شوفي الجمال راح اموت احنا ليش مجايين من زمان
ردت ام سارة بهمس وهيا خجلانه من فارس بسبب تصرف بنتها
شبيج ولج سارة وثول مشايفه اوادم وخضار
سارة حست وتفشلت بالأكثر دحكت على فارس وكالت
اسفه مو قصدي
فارس : لا عادي وبعد من ندخل للداخل اكثر حتتعجبين من المنظر اكثر
فتحت جامها وكامت تصور الطريق
فارس ماعجبه الوضع هوا ابن شيوخ ومحلوة تطلع بحقو اذا حجو عليه ومعا وحده سافرة
كاللها العفو بس سدي الشباك اكو شباب بره
سارة : وشعليه بالشباب اني
فارس بحده شويه : مو داكول شباب وجاي يباوعون
ام سارة : سارة وثول ديكلج سدي الشباك سدي بلا لغوه
سارة : خجلت من كلام امها كدام فارس وضاجت من فارس سدت الشباك وعيونها دمعت من الخجله والموقف
وسارة حساسه كلش بأي كلام تكعد تبجي
سارة بينها وبين نفسها : هسه شعلي هذا على شنو يدخل وشايف نفسه والله مال بوكس بهذا وجهك
فارس سكت محجا شي لحد ما وصلو
فارس : اتفضلو خاله هسه اصيح امنيه
ودخل لكه امنيه بالمطبخ
من شافته ركضت دتطلع تسلم على سارة
وطلعت حضنتها وبجو هما جانو متعودين على طول سوا ووحده تحجي للثانيه كلشي يصير وياها
دخلتهم ودخلت عرفتهم على العيله كلها
سارة شاورتها جا وينه المسعود مالتج
ردت امنيه ممنوع يجي للحنه يجي يحنيني ويطلع
سارة : خطيه ولج شهل نذاله العندج
امنيه احسن
لليل امنيه طلعت سارة وامها لغرفتهم
واخذت سارة كالتلها خاله اليوم سارة تبات يمي بالغرفه
وكعدو يحجون وامنيه طلعت الموبايل مالها وعلكته دتشوف الصور السارة
وضاح كاعد واجا اشعار انو امنيه فتحت خطها
طبعا هوا متحلف بيها لانو من طلعو هوا وفهد هيا وحور قفلو خطهم
دك عليها
امنيه توها علكت الجهاز واجاها اتصال من وضاح ماردت
ورجع دك مرة ثانيه وهم ماردت
بعث رساله
"امنيه وحق رب الكعبه اذا ماتردين هسه اجي اخذج وانهزم بيج ولا حنه ولا زفه"
سارة دتضحك على امنيه وشون وضاح مديخليها تطلع الصور من المكالمات
اجت الرساله ونصدمت امنيه
سارة كالتلها وثول شبيج هيج صفنتي وسحبت الجهاز وقرت الرساله
ضحكت بصوت عالي وكالت ولج والله مشتعل خطيه ردي شوفي شبي وشيريد
بعدها مكملت كلامها دك وضاح
امنيه بخوف ردت كالت الو
وضاح متعصب سمع حسها ارتاح وراحت شويه العصبيه
بس بعدو ضايج شلون تقفل الجهاز
رد انتي شلون تقفلين خطج متكولين هذا الزلمه راح يضل باله عليه
امنيه بخوف مو هيج والله بس وسكتت
وضاح : بس شنو
امنيه بخنكه معبالي هيج تضوج
وضاح حس انو زودها : عادي حبيبتي مصار شي بس لا تعيديها
امنيه : اوك ان شاء الله
وضاح : شمكعدج وليش مو نايمه
امنيه : مو سهرانين اني وسارة وفتحت جهازي دشوفها صور النيشان
وضاح : اهاا اوك اتونسي حياتي ولو داغار من سارة كاعده وياج وانا نافيني على غير بيت بس يالله مو مشكله بعد زواجنا تحلمين تكعدين ويا غير احد
..
آنه وِلفي ،
عيونة سَمرة وَ صوتة أسمَر .♥️
..
سوري مكدرت انزل الكم لانو جنت مريضه والله وعندي دروس اني طالبه سادس علمي معندي وكت جثير اعتذر منكم كلش ❤
والتنزيل حيكون بس الخميس 💫🌸
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
