صار وكت العشا ودخلو ام وضاح وام امنيه وحور وامنيه وديشتغلون ويسوون العشا
خلصو وصاحو الكل
امنيه بس تصفن وبالها بغير مكان اصلا وخايفه كلش
وضاح شافها ما طبيعيه بس كال اكيد متوترة من العقد
خلصو عشا هيا ماتعشت كالت ما اشتهي وكامت كالت اسويلكم جاي بين ما تخلصون ومن خلصو دخلت الجاي وكعدو يسولفون ويضحكون واكيد فارس الي يحشش ويضحكهم
فارس دحك على امنيه كاللها ولج خويه متاكده انتي تردين وضاح ادري نضربتي على راسج ووافقتي
امنيه ابتسمت والكل ضحك الا وضاح ابتسم وضربو بالمخده الي يمو وكلو فارس فك ياخه عني معليك بيه اندار على غيري
فارس كلو على امرك خويه
دحك على حبوبتو وكال حبوبه شو عتحلوين شنو السر معقوله غزل جدي
مسكت عوجيتها وضربتو على كتفو كالتلو ولك افيرس يمتى تعقل ولك
الكل ضلو كاعدين ويضحكون وبعدها كامو نامو
امنيه بقت سهرانه الليل كلو تنتظر يأذن الصبح وحتجيها سارة وتاخذها
راح تروح على بيت سارة وبعدها اهل سارة عدهم شقه بغير منطقه تكعد بيها المهم تنهزم من وضاح مكدرت تتقبل انو راح تتزوج غصب عنها وتروح بنهوة جانت احلامها غير شكل جانت تحلم تتخرج وتحب واحد وتاخذو وبعدها تعيش حياة سعيده بالمدينه مو بقريه ونهوة ماكدرت تتقبل ولا عرفت شتسوي واهلها كلهم واكفين معا وضاح معرفت شتسوي جانت محضرة جنطتها بالليل ورا ما الكل نام حطتها برا ومن اذن الصبح طلعت لكت سيارة بيها سارة وسايق
دحكت على البيت اخر مرة ونزلت دموعها معرفت شتسوي متكدر تنهزم وتنزل راس اهلها ولا كدرت تتقبل انو تتزوج غصب عنها واخر شي نزلت سارة اخذتها وركبو السيارةركبت بالسيارة تبجي ماتمنت تنهزم من اهلها بيوم خانتها دموعها عبالها راح تضل قويه معرفت راح تنكسر هيج من تنهزم بس مابيدها حل تسوي
مشت السيارة والطريق طويل من البصرة لأربيل
وضاح كعد الصبح وهوا يفكر يحجي معا امنيه ويفهمها حياتهم ويريدها تتقبل عيشتهم
راح دك الباب محد رد
فتح الباب الغرفه معزله ما معقوله كاعده هيج وكت ومعزله الغرفه استغرب نزل جوا ماكو احد الكل نايم وماكو صوت
دور عليها مالكاها رجع على غرفتها فتح قنصورها الجنطه ماكو وملابس باقيه شويه وموبايلها موجود
وكف عقلو وميعرف شيسوي
نزل عيركض وطلع لسيارة شغلها وساق بأسرع شي
وضاح اعصابو تلفت وعروق ايدو ورقبتو برزت من العصبيه وعيونو حمر تطلع شرار من عصبيتها
امنيه بنص الطريق لمحت سوار وضاح واسمو واسمها كامت تبجي بالأزيد وكفتهم وكالت حرجع مكدر انهزم سارة حجت وياها بس ما قبلت وكفو السيارة وسارة ضلت تحجي وياها شلون توافقين ولج امشي نهزمي وامنيه تبجي اخر شي قررت ترجع طبعا السيارات التقو وهي شافت وضاح وهو شافها شخط سيارتو ووكف وهي كالت لسايقهم يكف
نزل فتح الباب بكل قوتو وسحبها بكل قوتو وضربها عل ارض وسد باب سيارة سارة وكال لسايق امشي السايق خاف ومشى
راحت سيارة سارة وامنيه بالارض تشهك وتبجي ووضاح اعصابو نار
تقرب وضاح وامنيه صاحت وضاح عفيه لاتضربني مو قصدي بس شسوي جبرتوني واني كتلك تحلم اصير زوجتك وضاح حباب لاتأذيني ودموعها تنزل
رجعت كالت والا اكلك اني اذا تزوجتك حموت من القهر والضيم موتني هسه احسن وميهمني شي بعد
رد وضاح ولج شمسويلج وتردين تنزلين راسي شو حاولت اسعدج واسوي التردي
امنيه :كامت وكفت وصاحت لا وضاح ما حاولت جبرتني وبس انتا مايهمك بس نفسك انتا اناني
وضاح : صوتج امنيه لا ورب الكعبه هنا ادفنج فوك كوات عينج شكد صلفه ضربها راجدي وهيا وكعت رفعها من ايدها وكال امنيه حتصيرين زوجتي غصبا عنج واليوم
دفعتو وكالت ولا تحلم اموت نفسي وماصير زوجتك
شنو نجنيت
وضاح صاح ولج جلبه جنتي تجذبين علينه ولج شكد شايف حقراء مثلج ما شايف
ردت امنيه بكل صوتها شفت والا ما شفت اني تعلمت منك الحقارة
وضاح عيونو صارت بكصتو من عصبيتو ضربها راجدي بكل قوتو بحيث خشمها طك دم ووكعت وشفتها نجرحت
ورفعها وكال الها امشي نجبي بالسيارة احسابج بالبيت
رجعو والطريق كلو امنيه تبجي وتشهك وصلو يم البيت ولف السيارة وكال الها اذا سئلو راح اكلهم طلعنا نشم هوا لان جنتو نايمين
وتحترمين نفسج واليوم العقد لا وكلام الله اجي اشحطج كدام الكل واخلي اليسوة والميسوة يتفرج عليج وتراني نبهتج وارجع واكلج نعقد وبعدها نتفاهم على سالفه الهزيمه مالتج الله كريم
نزلت امنيه وهوا وراها دخلو ماجانو كلهم كاعدين بس امها وامو والجده وضاح ابتسم بالزور وصبح عليهم ردو وهما متفاجئين وسئلت الجده ها يمه وين جنتو
رد وضاح يمه ختنكنا وطلعنا نشم هوا ونتسولف لان جنتو كلكم نايمين رحنا على البستان
ردت اي يمه تونسو بالعافيه
امنيه عافتهم وطلعت
صاحتو الجده يمها وهمست يمه مرتك شبيها شو باجيه ويبين بيها شي
رد وضاح همسلها يمه ماكو شي بس جان اكو شغله ما متفاهمين عليها وتفاهمنا ورجعنا وجانت خايفه من العقد
الجده : يمه تفاهم وياها لاتعصب عليها وحقها جاهله متعرف شي
وضاح : لاتوصين يالغاليه
دحك على امو وكاللها ها يمه ما نتريك اليوم
ردت امو شلون ما نتريك بعد كلب امك هسه اجيب الريوك
كاللها ابدل واجي
كالتلو لعد صيح امنيه وياك
طلع بدل وراح لغرفه امنيه لكاها كاعده بالارض تبجي
تقرب يمها وحجا كومي اكلي
كالت ما اشتهي
رد وهوا معصب داكول كومي تزقنبي لاتخليني اتصرف وياج غير تصرفات كومي وخليني ساكت كامت عدلت شالها غسلت وجها ونزلو
كعدو يتريكون ووضاح عيونو ميشيلها من امنيه وهوا يدحك عليها بنضرات كلها عصبيه وهيا تتجنب نضراتو
امنيه ما اكلت بس نزلت حتى ما يعصب عليها
نزلو الكل والكل نشغل بما انو اليوم خطوبه الشيخ وابن عمو
كل واحد التهى بشي وفارس جان ملتهي بالذبايح والمعازيم لانو هم بيت شيوخ
والصالون جان وضاح متفق وي وحده تجيهم للبيت
قبل الغده اجت وبدت بحور الي طلعت تجنن لانو امنيه ماجان الها خلك
وبعدها جان دور امنيه الي جانت طالعه مثل الملاك
وضاح وفهد لبسو اللبس الي شترو
ونزلو حور وامنيه كعدو معا النسوان وبعدها اجه الشيخ الي حيعقدلهم اول شي وضاح وامنيه الي بالزور حجت ووكلت ابوها
وبعدها فهد وحور الي وكلت وضاح
امنيه جانت خايفه كلش من ردة فعل وضاح بعد العقد لانو جان متحلف بيها
وحور فرحانه بفهد
شويه وعلك الديجي والهلاهل بدت وبعدها كالو حيفوتون العرسان
فاتو وضاح وفهد
ثنيهم نصدمو بجمال امنيه وحور
وضاح فات وكعد وكاللها مبروك يامرت الشيخ
امنيه نصدمت بس كالت بكلبها يجوز عبرلياها
وفهد كال الحور الف مبروك يابعد روحي الله يقدرني واسعدج
حور خجلت ماردت .....
صوتك كأنه نبض قلبي 💞
صوتو للقصه حبابين مراح تخسرون شي 🌸
أنت تقرأ
نهوة الشيخ وضاح
عاطفيةقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
