امنيه صافنه عليه وهوا يحجي خلص وكللها ها ما جعتي شوكت نتعشا
طبعا امنيه صافنه ومبتسمه
صاح امنيه واشر بأيدو
انتبهت عليه كاللها ها وين وصلتي هيج حلو اني ومادري بنفسي
امنيه ثولت الموقف وكالت هااا لا صافنه دافكر بشي ببالي
كاللها اي زين جنت داكلج شوكت ناكل ترا اني جعت
امنيه : اي يالله اني هم جعت
تعشو وكللها ها نطلع كالتله براحتك
وضاح : يالله عدلي شالج ونزلي بنطرونج دنروح
كامت امنيه عدلت الشال ونزلت البنطرون ورجعو للسيارة
وضاح كاللها شرايج اشوفج البصرة ونفتر بشوراعها امنيه فرحانه كلش هزت راسها
بداخلها كالت شيصير لو تبقى هيج وماتتغير وما تضرب
وضاح فرحان بفرح امنيه مجان يتوقع هلكد راح تفرح وهيا طالعه معا
وضاح : تردين عصير
امنيه مثل الطفله كالت اييي يالله حباب
وضاح ضحك بصوت عالي وهيا خجلت
كالت لا ما اريد
وضاح سكت وابتسم وكال ترا عادي تصرفين بعفويه كدامي اني زوجج
وشتريدين من اليوم اني الوحيد التكوليله ومسئول عنج وعن طلباتج اتفقنا
ردت اتفقنا
نزل جاب عصير الهم ورجعو للبيت
بالبيت جانو مخلصين عشا وكاعدين سوا كلهم
دخلو سلمو
وامنيه دخلت سلمت وطلعت تنام
مكدرت تنام بسرعه ظلت تفكر بالي صار وفرحانه بأهتمام وضاح وحبو الها بس هوا لحد الان ممعترفلها بس عرفت من تصرفاتو
نغم وامها وريم حاقدين كلش
الصبح كامو تريكو ووضاح طلع للديوان
حور تغسل مواعين وامنيه طلعت تغسل الطرمه طلعتلها ريم كالتلها اعاونج امنيه كالتلها لا شكرا كالتلها امنيه يمكن جهازج ديدك ويصيحوج
دخلت امنيه وسئلتهم وكالو مادك ولا صحناج طلعت وبطلعتها زلكت رجلها ووكعت
وكعتها جانت قويه كلش وبوكعتها صرخت بكل صوتها من الالم
طلعو حور وامها وام امنيه حاولو يكوموها مكدرو
شويه ودخل وضاع عصبي ديشوف منو الي حربت شاف امنيه ركض كاللهم شبيها كالو وكعت
امنيه بس تبجي وحتى مدتجاوب احد ولا تسمع احد
صاح بيهم انتو شبيكم تباوعون هيج ركضي حور جيبي عبايه
ركضت حور جابت العبايه لبسوها عدلو شالها و وضاح شالها وطلعو
وهي تبجي مثل الطفل ومجلبه بدشداشتو
طلعت امها ورا يمها وامو يمو كدام وراحو للمستشفى
صحت امنيه ورادت تكوم وتذكرت الصار
دخلو وضاح وامها وامو
امها باستها ومسكت ايدها وام وضاح اجت باستها ووضاح هم تحمدلها بالسلامه وباسها من راسها
كالت شوكت نطلع كال شوية و نطلع
بويه شبيج مادايره بالج على نفسج
كالت والله مادري شلون زلكت رجلي
حاولت تكوم وضاح خزرها وكعدت
كاللها شبيج شلون تمشين عليها
كالتله لعد روح جيبيلي عربانه
دنك كاللها وشبيا اني منو كلج مكدر اشيلج
كالتله لا عيب شنو شايلني بالمستشفى
كاللها لعد شلون دخلتج المستشفى
مثل ما دخلتج اطلعج
امنيه وهيا تحاول تكوم لا وضاح اكدر امشي ميحتاج
كاللها كلت لا انتي شبيج تعاندين
شالها وطلع وهيا حمرت من الخجل الكل ديباوعلهم
كعدها بالسيارة ورجعو للبيت
الكل دخل سلم عليها وويلاد عمها ووضاح نجن
كال للكاعدين بالله لازم ترتاح من رخصتكم
طلعو وكللها مو كافي سوالف مع الشباب
كالتله شبيك وضاح اي سوالف جايين يسئلون ويسلمون شحجيت معاهم
دخلت حور وكالت اسفه دا ازعجكم بس شفت شي بعد ما رحتو
وضاح كال شكو ششفتي
حور : والله ورا ما رحتو طلعت للطرمه دا انضفها شفت زيت مكبوب بالطرمه يعني قصدي اخاف اكو احد حط الزيت عالقسط لانو امنيه جانت منظفتها ومكمله مجان اكو زيت
امنيه كالت اي والله كملت مجان اكو زيت بس ريم كالتلي جهازج ديدك وديصيحوج دخلت وكالو لا وطلعت ووكعت
وضاح صفن بكلامهم مجان متوقع عمدا وكعت ولا حتى امنيه
كاللهم عوفو الموضوع عليا انا احلها
بالليل جان عدهم كعده كلش جبيرة بالديوان بسبب الدكه الجانت على بيتهم قبل ايام ووضاح وصا الكل محد يحجي الا هوا وجدو وابو
صار خلاف والكل يصيح
امنيه متعرف ليش خايفه ومتوترة
تفكر بينها وبين نفسها وعلى شنو هيج متوترة وخايفه معقوله على وضاح وترجع تكول لا شكو على وضاح خايفه على بابا
طبعا امنيه بدات تحب وضاح بس تكابر متعترف حتى بينها وبين نفسها
وهيا كاعده بغرفتها صعب كل شويه تطلع وتنزل
بس الصوت قوا وصار ينسمع واضح خافت على وضاح كلش ونزلت الدرج بالف زور
بعد ساعه تقريبا هدأ الصوت وبعدها دخلو للعشا كل الزلم
هيا تدور على وضاح اخر شي دخل
دنك همستله شكو والله خفت
كاللها خفتي على منو
كالتله لا مو على احد بس من الصوت
ابتسم وكال لا ماكو شي جانت مشكله وصارت عطوة خمسه وعشرين يوم وبعدها الله كريم بلكي يتنازلون لان الكل ويانا وهما الغلطانين شلون يدكونا بأي حق وهما غلطانين
كالتله الله كريم
الكل كاعد وفهد و فارس يضحكون ويحششون بينهم على الكل اجت حور وكعدت يم فارس فهد كاللها ادري ليش ماكعدتي بالنص شمعنى بس يم فارس
فارس كال فهد انتا ملاحظ دتحجي ويا اختي فأحترم نفسك كدامي
فهد كال والله عاد اني مابايك مرتي هاي كدامك الا وراك احجي وياها
حور شافت امنيه دتحاول تطلع الدرج ودتكوم تساعدها
حور كالتلهم اصلا كايمه لاتتكاونون
راحت ساعدت امنيه وطلعتها للغرفه ونزلت
امنيه بدلت وكعدت على التخت دتمشط شعرها اندك الباب ودخل وضاح دتلم شعرها كاللها عوفي ترا اني زوجج حلال يعني اشوفج اتركي
كعد كدامها كاللها اشون صرتي وليش ماتعشيتي
كالتله صرت زينه وما مشتهيه اتعشى
كاللها هسه حور دتطلع عشا النا وغصبا عنج تشتهين
فاتت حور جايبه العشا وحطته وطلعت
كاللها اكلي ويايا يالله انا هم ما متعشي ماشتهيت ناكل سوا
اكلو وكعد يسولفلها عن حياتو قبل وعن حياتو بالجيش وشلون يعجبو الدوام والكل يحبو ويحترمو بسبب شخصيتو وميقبل رشوات او اي شي
وسئلها عن حياتها وحجتلو انو هي خلصت الخامس ومستلمت نتيجتها وهي شاطرة وحلمها الطب بس مراح تكدر لانو نخطبت ودمعت عيونها
وضاح كللها منو كلج متكملين
ومنو كلج احنا مانخلي البنت تدرس ترا حور تدرس بس نغم وريم هما ميعجبهم يدرسون وما الهم خلك دراسه
امنيه متعرف ليش ضاجت من كال ريم
كالتله اي اي كاللها شبيج نقلبتي
ردت لا مو نقلبت وانتا على شنو تدخل هيا يعجبها والا ميعجبها تكمل
وضاح فرح بداخلو كلش بس سوا نفسوا بارد وكال وليش ما ادخل مو بنت عمي حالها من حالج
امنيه ضاجت كلش كالتله يالله وضاح دانام تعبانه
كاللها لا مو دتنامين بس تغارين
كالتله من شنو اغار وعلى منو
لاتخاف مانجنيت بعد داغار عليك ومن منو من ريم
وضاح : ماتغارين اي زين لان باجر حنطلع اني وهيا وامها واوصلهم للدكتور وارجع اخذهم
امنيه : وضاح متروح وياها بمكان لو تقلب الدنيا ماخليك
وضاح : اعترفي وكولي اغار واني ابطل وماروح
امنيه : وضاح ماتروح ما اغار بس ميصير هسه انتا زوجي يعني شنو طالع ويا ريم
..
- وشما تنطفيّ."
- الدنيه يفز گلبيّ بضوه عيونک.''😻
هلاو 😊
طبعا شكرا لكل الي يصوتون احبكم كلش ❤
وشكرا للتشجيع والكلمات الحلوة الي بالتعليقات اموت عليكم 💞
اسفه على الاخطاء الاملائيه 💫
أنت تقرأ
نهوة الشيخ وضاح
Romansaقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
