وضاح مصدوم من حركتها..
امنيه تحمست وفرحت ومتدري بنفسها من حظنته
بس من حست ركضت للحمام وسدت الباب شويه وطلعت لابسه دشداشه وشال
وضاح مبتسم من موقفها
وهيا ابتسمت بخجل
سحبها وضاح وكعداها كدامه وطلع العلبه الي بيها السوار وكاللها امنيه هذا ما ينشلح من ايدج لو شما يصير مفهوم حتى لو تكاونه او تزاعلنه لاسامح الله هذا ما اشلحي
ابتسمت وكالت اي اوك كال الها الاوك مالتج تنسيها كولي صار
كالتله اوك وحست وبتسمت رجعت كالت قصدي صار سحب ايدها ولبسها السوار وي يتقصد يلمس ايدها وهي متوترة من الوضع
سحبت ايدها من خلص وكالتله شكرا كلش
كاللها العفو ما سويت شي هذا واجبي
حجو شويه وبعدها طلع وضاح لغرفته
..
من الصبح دكت سارة على امنيه وردت امنيه
هلو سارة شلونج شخبارج
سارة : بخير ولج انتي شخبارج اكلج جهزتي كلشي
امنيه : اي ولج بس ميته خوف بس ديري بالج لاتخربطين كدام احد
سارة : لا ولج ليش طفله بس ديري بالج على نفسج وديري بالج لا احد يسمعنه
امنيه : لا محد يسمع بس هسه انزل اخذ غراضي من ماما بس خايفه تحس
سارة ولج لاتخلين احد يحس ويالله باي هسه
امنيه : باي حبي
..
نزلت من غرفتها وصبحت على الكل وفارس طبعا كاعد يحشش ويضحك عليهم
راحت امنيه دتكعد يم امها جدتها كلتلها وين حبوبه كعدي يم وضاح بعد حيصير زوجج
راحت امنيه دتكعد بين وضاح وحور بس المكان ضيك يعني حتصير لازكه بي مكدرت ضلت واكفه
وضاح عرف شبيها بس ماتوسعلها ديشوف شراح تسوي
امنيه اخذت الجاي مالها وراحت كعدت على التخم بس كالت شبعانه ما مشتهيه
وضاح ضاج دحك عليها بعصبيه وكال تعالي اكلي كالت ما مشتهيه والله
وضاح اعصابر فارت دحك عليها بنظرة موتتها من الخوف كامت وراحت كعدت يمو صارت لازكه بي
وهوا تقصد يتحرك ويخجلها
امنيه اكلت شويه وكامت مكدرت تبقى
فارس دحك عليها وكال امنيه اذا ماتصير زحمه بس جيبي الكيمر من المطبخ
ردت امنيه لا متصير اي زحمه تدلل
وضاح عينو مينزلها من امنيه الي متعرف شتسوي دتثولها
يراقبها بكل حركتها واكلها وكلشي ومرات يصفن عليها وهو مبتسم بس فارس يخرب كلشي
فارس متمدد بغرفتو وملتهي بالموبايل دك رقم غريب
رد فارس الو يبوو ولج ارحميني يمعود شبيج خلصو الشباب
يابنت الحلال ما احبج ادري هيا كوة ولج بالزور يعني شبيج تركيني رحميني يولو
سد الخط وهو تعصب شويه ورجع سكت وابتسم وكال بكلبو عفيه بنت شبيها وياي ليش اني بالذات
رجع كال بصوت عالي ادري غير اني شخصيه مكدرت تقاومها وبهذا الكلام دخل وضاح وهوا يكول اويلي على الشخصيه الي متتقاوم ولك شبيك مو تكول هل فارس الاجلح والاملح تكول براد بيت وهيج واثق من نفسه
رد فارس بغرور ولك البنات مكطعات نفسهم عليه بس شسوي ماريد احب ولا انحب
شويه وصاحوهم عل غدا وطبعا البيت مخبوص لانو باجر العقد مال وضاح وامنيه وفهد وحور
حور تحب فهد ولهذا طايرة من الفرح
أنت تقرأ
نهوة الشيخ وضاح
Roman d'amourقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
