نهوة الشيخ وضاح

البارت الرابع

بدلت ونزلو وجان وضاح جوا دينتظرهم
بس من شافهم كام يخزر بامنيه
معرفت شبي
حجت وي نفسها شبي هذا خبل شسويله بعد شيريد اكثر
وضاح سوا نفسه مشغول وديطلع لغرفته وكام
همس وهوا يجي من يمها ولج هو هذا هم شال لابسته لو تنزعي احسن
كالتله بهمس شرايك لو تدفني لو تحبسني احسن الك
كال الها عدلي شالج وبلا لغوة زايده وطلع 
خلت كلشي وطلعت لغرفتها وكعدت كالت ما لازم ما انزل
كملو الغدا وفرشو للكل سوا وطلعت حور دتصيحها مقبلت كالت ما انزل مو جوعانه
حور كالت الها ولج وضاح بعثني 
امنيه كالت ما مشتهيه هي كوة
نزلت حور
شويه ومحست غير اندفر الباب وفات وضاح عصبي
كال الها ليش متسمعين كلام وتكسرين كلمتي
كلت تجين يعني تجين حتى لو متاكلين تنجبين وتكعدين مثل الاوادم شكو حابسه نفسج
ندارت وكالت اله مو كلشي بكيفك ومراح اكل ولا انزل عاجبني ابقى هنا انت حتى بنومتي وكعدتي تدخل
وضاح كال الها احترمي نفسج ما اريد امد ايدي لا تطولين السانج البنت زينتها بتربيتها مو بلسانها
كالتله وانت شكو انا هيج عاجبني وللعلم مراح اتزوجك وخليني اموت واني مو متزوجه احسن ما اصير زوجه لواحد همجي مثلك دتكمل كلامها وحست براجدي فر وجها
ووضاح وجهه ميتفسر من العصبيه مسكها من شعرها وكال الها احترمي نفسج ولا تطولين السانج مرة ثانيه
امنيه تبجي وتصيح ماصير مرتك لو اموت ماصير مرتك لو اموت
كال الها شوفي امنيه كتلج راح انهي عليج وتراددتي وكلتي متكدر وكتلج نشوف وهسه انتي بعتبار مرتي
وراح اكلج مرة ثانيه انتي راح تصيرين مرتي غصبا عنج
الاحسن الج لا تعاندين ولا تتراددين
كالتله شوف وضاح بأحلامك ماصير الك
كال الها وهو عصبي ويحاول يبتسم كوه ليش شايفتلج شوفه والا عندج احد
دفعته بكل قوتها وكالت احترم نفسك مو امنيه الي تصير هيج اني محترمه غصبا عن الكل
كال الها لعد شكو متقبلين بيا شبيا معاجبج
شو شهاده وشيخ ودحكلها بغرور ورجع كال وحلو البنات مكطعات نفسهم عليا
دحكت عليه بسخريه وكالت وهي يا ثوله مكطعه نفسها عليك
كال الها تردين تشوفين ادللي
ونزل
شويه ونزلت
لكت ريم كاعده يم وضاح وتكشرله فواكه وتنطي وهو يدحك عليها ببرود 
مشت من يمهم وريم دحك على امنيه بنظرة انتصار لانو شافت وضاح مهتم بأمنيه
كام وضاح وكال
زواجي حيكون بعد شهر لمنا نخلص تحضيرات
الكل نصدم زواجو من منو وشنو السالفه ومتى خطب
كاللهم امنيه بنت عمي نهيت عليها وزواجي بعد شهر حيكون
الكل فرح بالبيت خصوصا الجد والجده
الجده كالت الامنيه تعالي بعد روحي
اخذتي زينه الشباب وشيخهم
وضاح ابتسم لكلام جدتو
كامت امنيه بوسها الكل وباركولهم
امنيه مبتسمه بالكوه
وريم ونغم وام نغم نظراتهم لوضاح وامنيه كلها حقد 
امنيه شويه توترت من الوضع وستأذنت وطلعت لغرفتها
الكل كاعد وفهد يدحك على حور من جوا لجوا هو يعشقها بس يخاف يكول
يخاف متحبو او متريدو
محد يعرف هو يحب حور غير جدتهم
الجده دحكت على فهد الي يبتسم مع ابتسامه حور
كالت الجده واني اريد اخطب لأبني اللخ شتكولون
الكل ما فهمو شتريد
بس دحكت على فهد وكالت اريد اخطب لفهد
فهد ميعرف شيسوي لانو مو متفق معاها انو يخطب اليوم
الكل فرح كالولها ساعه المباركه بس تخطبيلو منو
دحكت على ابو وضاح ورجعت لوضاح وكالت اذا تقبلون اريد اخطب حور لفهد
حور خجلت وتوترت وخافت كامت وطلعت لغرفتها
ابو وضاح وضاح دحكو على فهد وهو يبتسم بالكوة
كالولو وليش نلكي احسن منه الحور اكيد موافقين
بس الواجب نسألها
وضاح كام وكال اني اروح اسئلها وارجع مراح تقبل تجي كدام الكل تجاوب
طلع لغرفه حور
استأذن ودخل
لكاها كاعده
كال الها يبعد اخوج مراح نغصبج اذا مو موافقه بس فهد رجال من ضهر رجال ميتعوض لتخسريه وهو يحبج والكل يحس بيه بس لأنو رجال مكال ولا سوا شي من ورا ضهر الكل شتكولين ؟
كالت بكيفك وهي منزله راسها ومستحيه
رفع راسها وكال الها مو اخت الشيخ تنزل راسها
رفعي راسج
رفعت راسها ابتسمت اله
كال الها الف مبروك وطلع من الغرفه
نزل كال الهم موافقه
ام فهد كامت تهلهل وام وضاح والباقين الكل فرحلهم
وفهد الارض ما شايلته من الفرحه ميعرف شيسوي
كامو باركوله
وضاح نسحب وطلع لأمنيه دك الباب ودخل
لكاها تمشط شعرها
لمت شعرها واجت لعنده كالتلو وضاح ليش بهل سرعه الزواج
نهيت وغصبتني عليك عالأقل خليني اتعود على عيشتكم وعليك خليني ابدا احبك اني هسه ما رافضه لكن عالأقل نطيني فرصه
وضاح كال الها احسن تصيرين بذمتي وتتعودين عليه وبعدين كدامنا شهر تعودي عليه ليش شكد تريدين حتى تتعودين عليه
سكتت تعرف ميفيد بي الكلام
بالليل صار صوت طلقات حوالين البيت كلش عالي والضرب على البيت
الاطفال تبجي وامنيه خايفه ومصدومه جانت بغرفتها كعدت بالزاويه متعرف شتسوي
الزلم كلها طلعت برا
وضاح جان بغرفته شال سلاحه ونزل ركض
من هذأ الصوت الزلم دخلت ووضاح جان يصيح ويتوعد
بيت الشيخ يندك ولكم والله راح اهجم بيتهم
بيتي يندك واني اسكت ليش احنا نسوان حتى نسكت
ابو وجدو يهدون بي بس ميقتنع
الاب كال نكعد ونتفاهم
ودخلو ووضاح فاير دمو
فاتو ام وضاح وحور حضنو وضاح جانو خايفين عليه وحور تبجي
سكتهم وهو يدور بين الوجوه على امنيه الي من صار الضرب وهي بغرفتها خايفه ماتقبل تنزل
ام وضاح ابتسمت من شافت ابنها يدور وميلكه امنيه
تقربت وهمست امنيه فوك خايفه متقبل تنزل
استأذن بحجه يبدل وطلع دك الباب ما فتحت
فتح الباب ودخل لكاها كاعده بالزاويه وتبجي تقرب حضنها وهمس على شعرها مصار شي شبيج ليش تبجين صدكي مصار شي ضرب عادي مو علينا محد تأذه
شويه هدأت ورجعت ليوره كالت شصار
كال الها خلاف بين عشاير والدكه عاديه محد تأذه جهال طايشه وعدها سلاح
كامت وكعدت على تختها وكالت وضاح صعب اتأقلم معاكم والله صعب ما متعوده على هذي الاجواء
هذا اول يوم وكل هذا صار وبعدين حتى لو تفرض تزوجنا ويصير معاك شي لاسامح الله منو يبقالي هنا
ابتسم وراح كعد يمها وكال الها ميصير شي ان شاء الله بلا دموع  ....
فهد همس لحور تلحكه ورا البيت
كامت وطلعت خايفه ومستحيه منه
كال الها مبروك ربي يقدرني واسعدج يبعد روح فهد ان شاء الله ما راح اقصر معاج بشي
كالتله ربي يباركلك وان شاء الله اكونلك الزوجه الي تتمناها
كال الها ليش هل عيون حمر على شنو البجي
ابتسمت ودنكت راسها وكالت خفت عليكم
فهد من الفرحه ميعرف يعبر
كاللها على منو خفتي عدديلي
ابتسمت وكالت فهد داخله اني لا احد يجي
كاللها ويجي يعني شراح يصير مرتي انتي
وبعدين حبيت اسمي من صوتج
ابتسمت ودخلت .

خلاصة العمر أيامآ اراك بها  💞
وما عداها من الأيام تبذيرآ  😇

توقعاتكم للبارت الجديد ؟!
صوتو ❤