نزلو من السيارة امنيه وحور وسارة
والزفه بالبيت لانو هما شيوخ ومتكفي القاعه الناس الي راح تجيهم
ووضاح وفهد ميكدرون يكعدون جوا جثير لانو يستقبلون الشيوخ برا
دخلو امنيه وحور وكملو تجهيز نفسهم
وطبعا ثنينهم متوترين شويه ونزلو
وبدت الهلاهل والهوسه
تقريبا نفس الفساتين بس فستان امنيه النفش مالته اكثر
وضاح متفق وي فارس انو وكت الي يفوت وضاح للبيت تعلك الالعاب الناريه بالقريه كلها
وذبح ووزع للقريه كلها
دخلو فهد ووضاح لابسين قوط لانو هما متفقين وي امنيه وحور اول ميدخلون لابسين قوط وبعدها يغيرون للزي العربي
وضاح كعد يم امنيه وكاللها الف مبروك يا امنيتي الحلوة ان شاء الله الله يقدرني واكدر اسعدج
امنيه خجلت وماردت
وفهد كعد يم حور وكال مبروك حبيبتي ربي يقدرني واصونج واسعدج
حور ردت بخجل الله يباركلك
كعدو شويه وهوسه مكدرو يضلون اكثر والبنات رادو ياخذون راحتهم
طلعوا وضاح وفهد برا يم الشباب وبدت الهوسة وضرب الطلقات وركصوا واتونسوا طبعا فهد ركص اكثر من وضاح
بقوا لليل برا مع الشيوخ ما كدروا يفوتون مرة ثانية ع البيت
نرجع يم البنات طبعا البنات هم ما قصروا بالركص والهز بس امنية بالبداية ما قبلت تكوم مع البنات جانت تستحي بس حور لحت عليها وكومتها
بعدين راحوا النسوان بقوا بس الكرايب
الجده كالت كافي طلعو البنات لغرفهم تعبو
ام حور وامنيه طلعوهم للغرف
جان فهد مقترح انو يأجرون بفندق بس وضاح مقبل
وكله مو بعد يومين مسافرين شكو نروح عل فندق
وفعلا بقوا بالبيت وما راحوا ع الفندق
بعدها بشوية الجد كال يلا زفوا الشباب
امنيه كاعده وطبعا متوترة وخايفه بعدها سمعت صوت الهوسة الي عتقترب من غرفتها فعرفت انو عيزفون وضاح
شوية ودخل وضاح ع الغرفة وشاف امنية الي طالعة ملاك بهل اليوم وانتبه عليها عترجف وخايفة
تقرب وكعد يمها وكال الها الف مبروك يا حبيبتي بس ليش عترجفين هشكل ترا احنا ما ناكل بشر وغمزلها بنهاية الجملة😉
(نترك وضاح وامنيه🙈🙈🙈 ونرجع لفهد وحور)
طبعا حور كاعدة بغرفتها وحالها حال امنية متوترة وخايفة بس بنفس فرحانة واخيرا هي وفهد راح ينجمعون بنفس الغرفة
قطع تفكيرها دخول فهد ع الغرفة الي اول ما شافها كال واخيرا ما مصدك حبيبتي صارت يمي وراح اصبح بوجها يومية وراح وكعد يمها واخذ ايدها وباسها❤❤🙈🙈🙈
كعدو الصبح وضاح كعد قبلها وجان كاعد يتأمل وجها بس حس دتكعد سوا نفسه نايم
امنيه اول مكعدت شافت وضاح ابتسمت وكامت غسلت وبدلت وكفت دتمشط شعرها شافت وضاح كعد كام وكال الها صباح الورد شهل جمال من الصبح كام حضنها وباس راسها وكال الها داخل اسبح كملي دننزل
اما حور حست على فهد وهوا يلعب بشعرها
حجت بأنزعاج فهد عوف شعري وخليني انام
رد فهد ولج كومي تأخرنا خلي ننزل
شويه وحست كامت سبحت وبدلت وفهد نفس الشي ونزلو
لكو وضاح وامنيه اصلا كاعدين وياهم ديتريكون
بدا فارس يحشش ويضحك عليهم وهوا ضايج لانو سارة اليوم حترجع
وهوا ميعرف ليش اصلا ضايج مرات يفكر هوا يميل الها ومرات لا
وسارة نفس الشي بس سارة من بدت تميل اله جانت طالعه للحديقه بيوم الزفه تحجي ويا ابوها وسمعت فارس يحجي وي وحده
ويكللها جان اجيتي وعرفت اسمها نهى
ولهذا هيا من سمعته كالت اشيله من دماغي هوا اصلا مرتبط وبعدين احنا ما نتراهم شو على شنو اني دافكر بي
وبتعدت عنه
فارس جان كاعد ديفكر شلون يحجي وي سارة حتى لو مجرد اصدقاء لحد مايلكه وكت مناسب ويخطبها
بس ماكدر هوا ممتعود يفرض نفسه وجان خايف انو سارة تكرهه
اخر شي توصل لحل انو يحجي وي وضاح ووضاح يسئل امنيه ويشوف رأي امنيه ويشوف تكدر تسألها وتحجي وياها بهيج موضوع لو لا
وضاح وفهد وامنيه وحور جانو حاجزين لثاني يوم يطلعون لتركيا اسبوع لانو ميكدرون يبقون اكثر
وضاح وفهد ميكدرون يعوفون شغلهم اكثر
ووضاح ماخذ اجازة من دوامه 15 يوم بس مكدر ياخذ اكثر وراح يرجع يلتحق
والاوضاع بالموصل والانبار زفت
ووضاح ضابط يعني لو ما العرس ميكدر ياخذ اجازة
فارس العصر وصل سارة وامها لنص الطريق وراح يجي ابوها ياخذهم من نص الطريق
لثاني يوم وضاح وفهد وامنيه وحور سلمو على الكل وطلعو للمطار
وصلو تعبانين اول موصلو دخلو لغرفهم ونامو من التعب
طبعا نرجع لنغم وريم الي الحقد موتهم بس خايفين يسوون شي لأمنيه لانو وضاح هددهم انو ميوصلون لأمنيه
بعد ما ارتاحو من السفر كعدت امنية قبل وضاح ودخلت اخذت شور وبدلت وحطت مكياج خفيف وكعدت وضاح لانو جانو متفقين مع فهد وحور ينزلون يفترون ويتعشون ويرجعون ع الفندق
اما فهد فكعد قبل حور وبقى يتحارش بيها الى ان كعدها طبعا هي ضاجت لان بعد ما شبعت نوم
بس فهد كاللها نص ساعة وتجهزين لا اعوفج بالفندق واطلع افتر بوحدي
طبعا فهد يشاقى معاها بس هي صدكت كمزت من التخت ع السريع ودخلت اخذت شور وبدلت ونزلو
بدو يتسوكون وامنيه وحور مقصرو بعد بنات وشافو سوك
ووضاح وفهد يكلولهم بعد وكت على المسواك على شنو مستعجلين
امنيه ردت منلحك نشتري للكل لازم نبدا من اليوم
وبعد ما تعبو كعدو ديتعشون
تعشو وطلعو للفندق حطو الغراض الشتروها ورجعو نزلو يكملون فرتهم
امنيه فرحانه وطايرة صارت تموت على وضاح جانو كاعدين يم المي هي وضاح بوحدهم فهد وامنيه شويه بعاد عنهم
بقت تدحك على وضاح وهوا جان ما منتبه الها
شويه وكاللها اعرف نفسي حلو محاجه تكولين شي
ردت امنيه
وضاح احبك
وضاح نصدم منها لان اول مرة يسمعها تكله احبك
وضاح : ولج واخيرا كلتيها واني اموت عليج يا عمري
امنيه : ربي يحفظك الي يا احلى شي صار بحياتي
وضاح : ويحفظج يا عمري
...
• ولآ تسألوني ؏ــٓن رجفهۃ قلبيـ͡ي !
ححين ﺂحادثهۃ ،💌💕 ء
اعتذر كلش على الاخطاء الأملائيه 🌸
وهذا البارت مثل ما وعدتكم كل خميس ❤
رجائآ صوتو متخسرون شي 💫
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
