طبعا بعدما افترو سوا تونسو ولما خلص الاسبوع رجعو للبيت
وجان الكل عيستقبلهم بهلاهل وجقليت وسوو عزيمه برجعتهم
وضاح وامنيه وفهد وحور طايرين من الفرح
ولليل طلعو الهدايا للكل ووزعوها
جدتهم فرحانه تحب وضاح وفهد وفرحانه لفرحهم
اما وضاح حاير ميعرف شلون راح يكول لأمنيه هوا ديروح يتلحق
وخايف عليها وهوا ميكدر يعوف شغلو
بيوم من الصبح دك جهاز وضاح
فزو ثنينهم من النوم كام وضاح اخذ الجهاز ورد
كمل وسدو امنيه معرفت شكو بالضبط بس عرفت شغله تخص الدوام
وضاح رجع تمدد واخذها بحضنو وكال امنيه راح احجي وياج واتمنى تتفهميني
امنيه كالت خير ان شاء الله بس لا اكو شي وضاح
وضاح : ماكو شي حبيبتي بس اني حروح التحق
امنيه نصدمت هوا اجازتو مخلصانه بعدها
كالت وضاح اجازتك مخلصانه ليش تحرمني منك بهل سرعه حرام عليك حتى بعد مشبعت منك
ودموعها تنزل
هوا مقهور عليها بس مجان يعرف هيا داتبجي بس عرف لمن حس بدموعها علي دتنزل
كام كعد وكعدها كدامو
وضاح : امنيه انتي مو صغيرة وتعرفين انو هذا واجب عليا وتعرفين الوضع مو زين اذا كلنا نتخاذل منو يدافع على وطنا ولج مو رجال الينهزم ويعوف شغله ووطنه بحاجته
امنيه بداخلها تعرف انو الحق ويا ولازم يروح بس هيا عروس بعدها شلون تكدر تعوفو
امنيه بدموع : وضاح الله يخليك افهمني مراح اكدر اعوفك ليش هيج والله مصارلنا جثير من تزوجنا شلون اهون عليك تعوفني وتروح
وضاح : ولج منو كال تهونين عليه بس شلون شكللهم اني مو رجال وماراح اجي
امنيه : مو هيج بس اصبر بعد والله ماخلصت اجازتك بعد
وضاح : يالله حبيبتي وهوا ياخذها بحضنو بلا دموع ودلع كومي دنحضر الجنطه
امنيه ممقتنعه ابد بس شتسوي مابيدها شي وهيا تعرف انو وضاح يسوي الشي الي يريدو وتعرف وضاح مستحيل يتنازل عن شغلو بس مقهورة لانو تعودت عليه وتعودت تنام بحضنو
المهم كامو ونزل وضاح ديكول لابو و
الجده والام اعترضو بس الاكيد ميفيد وضاح الي براسو يسوي
كامت امنيه والدموع بعيونها ساعدت وضاح وحضرتلو الجنطه
كعد عالتخت وكال الها حدري لهنا
هيا واكفه ودحك عليه وتبجي اجت لعندو
وضاح : حبيبتي ولا تزعلين نفسج يا عمري كل شويه راح اخبرج وازعجج هوا شعندي غيرج حبيبه
ديري بالج على نفسج ولا تتعبين ولا تنسين الحجاب وبلا دموع كافي يالله لاتخليني اروح وبالي يمج
وبعدين ولج شو حلويتي عالبجي
بكلشي حلوة من خرب عشيرتي ولج شلون اعوف هالجمال
امنيه ابتسمت لكلامو وبادلتو الحضن وكالت حياتي دير بالك على نفسك انتا سندي وروحي من الدنيا لاتخليني بوحدي بهل دنيا معندي غيرك
وضاح : ربج الحافظ يا عمري يالله عاد راح اتأخر
طلعو من الغرفه وضاح ودع اهلو وسحب امنيه
برا ودعها وطلع طشت مي ورا وهيا غاصه من البجي مهما كان هيا عروس وصعب هيج تعوفو وهيا تعرف رايح للموت برجلو بس مابيدها شي
فاتت وطلعت بسرعه لغرفتها وقفلت الباب
وكعدت تبجي لحد ما غفت كعدت على صوت التلفون
ماجان لها خلك تكوم بس تذكرت يجوز وضاح
كامت اخذت الجهاز وفعلا وضاح يدك
فتحت الخط بلهفه
امنيه : الو هلا حبيبي وصلت اشونك حباب دير بالك على نفسك لخاطري
وضاح وهوا يضحك : هلا بيج حياتي شبيج كليتيني بكشوري انطيني مجال احجي زين الحمد لله اي وصلت ودكيت عليج ومارديتي انتي وضل بالي اكو شي
امنيه تذكرت وضاح بعيد وكامت تبجي : لا من رحت نمت وهسه فزيت
وضاح : شكو حبي شبي صوتج احنا مو حجينا الصبح واتفقنا ماكو بجي
امنيه : شلون ما ابجي وضاح مشتاقتلك والله
وضاح وهوا يتنهد : واني هم يا عمري بس شنسوي هذا واجب وشغل
امنيه : دير بالك على نفسك حياتي وخابرني كل شويه
وضاح : ان شاء الله يالله كومي غسلي ونزلي اكلي
واخابرج بعدين
امنيه : اوك حبيبي الله يحفظك مع السلامه
وضاح : مع السلامه
كامت امنيه غسلت ونزلت وعيونها وارمه من البجي
شافتها جدتها وصاحتها
كعدتها يمها وحضنتها
الجده : يمه لاتبجين لا تفاولين عليه يرجعلج سالم مابي شي ان شاء الله وضاح اسد مينخاف عليه كومي حبيبه كومي اكلي واضحكي لتشلعين كلبي
وكلبه
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
