نهوة الشيخ وضاح

البارت الثامن

خلصت الحفله وكامو حور وامنيه ديبدلون تعبو وهما من الصبح بهل خبصه
امنيه دماغها يودي ويجيب مرات تحس تكرهو لوضاح ومرات كلبها يدافعلو بس الشي الي تعرفو انو متريد تزوجو خايفه متعرف ردة فعلو وتفكر بعد كلامو بالحفله معقوله نسا الي صار والا لان حفله محجى شي معقوله حيضربها دخلت للغرفه ودتقفل الباب دفعو وضاح
جمدت بمكانها خافت منو ومتعرف شتسوي رادت تطلع بس مسك ايدها وكاللها نجنيتي تطلعين بهل فستان والشعر والمكياج فاتو ولد عمامي والا اني ابو كرون اخليج هيج تطلعين عادي وطبعا وضاح يحجي بعصبيه
امنيه سكتت بس واكفه بعدها بالباب سحبها عليه وسد الباب
امنيه ماتعرف تصرف خصوصا اذا وضاح عصبي او قريب عليها
وضاح دنك على شعرها اشتمو بس محست هيا ورجع لي ورا ريحتها هدأتو
كال الها اي نرجع على حسابنا
امنيه صفرت من خوفها
بدت ترجع لي ورا ووضاح يتقرب عليها لحد ما لزكت بالحايط جان ماكو مجال تنهزم بعد
نزلت راسها وتريد تحجي بس ماتكدر لسانها نربط معرفت تحجي 
وضاح مسكها من شعرها وكال شلون فكرتي تنهزمين شوكت ناويه تعقلين
امنيه تكره تصرفاتو هاذي وتكرهو من يضربها
كامت دموعها تنزل وكالتلو لاتصرف ويايه هيج اكرهك وضاح اكرهك
ضرب ايدو بالحايط بكل قوتو وكال الها نجبي ولا تبجين كدامي دموعج ما شوفها لا وربج ادفنج
هنا دموعج كدامي ما تنزل فهمتي
امنيه ماردت
وضاح صاح بكل صوتو فهمتتتتتتي
هزت راسها
رجع كال الكلمه الكلتيها ما اسمعها منج مرة ثانيه واذا كلتيها راح اخليج تتندمين على اليوم الجيتي بي سمعتيني
هزت راسها وامنيه دموعها ماتكدر توكفها كامت تشهك
كال الها نجبي بلا ما اسمع حسج كلت ما تبجين
كعدت بالارض ودموعها ما تكف بس خبت وجها بايدها
وضاح مرة يتندم على تصرفو ومرة يكول خلي تتربه
بس بكلبو ميت قهر عليها
مهما كان بنت عمو ومرتو وحبيبتو كلبو مينطي يأذيها هيج بس يبرر لنفسو حتى مرة اللخ ماتصرف هيج تصرف مو سهله بيت الشيخ تنهزم بنتهم ومرت الشيخ
امنيه بكلبها تحقد على وضاح بس ماعتحجي شي بس تبجي
كام وضاح وسد الباب ورا
كامت قفلت الباب وكعدت تبجي
وضاح ماعينطيها مجال انو تحبو او حتى تنعجب بي
بسبب الضغط الي مسوي عليها
نزل جوا لكا الكل منجمع ابتسم بالزور ودخل
فات كعد يم جدو
الكل سئلو عن امنيه بس كاللهم تعبانه متكدر تنزل
الجده كالت لحور كومي يمه صيحيها دتكوم حور خاف حور تشوفها بهيج منظر وهوا ميريد احد يعرف بالي صار
كام كال اني حصيحها لانو اصلا دطلع ابدل وطلع
دك بابها ماردت دكو اقوة وكللها فتحي قبل ما يطلع خبالي عليج
كامت بسرعه وفتحتو
كال الها غسلي ونزلي جوا الكل يسئل عليج وما اسمعج جايبه طاري لموضوع لأحد ماتلومين الا نفسج تغسلين وتنزلين ولا كأنو شي صار
وطلع وعافها
غسلت ودتنزل شافت وضاح مبدل ودينزل
نزلو سوا
فاتت امنيه كعدت ووضاح سلم وطلع
سوو العشا وحور فرحانه والابتسامه على وجها وامنيه تمثل انو هيا فرحانه
ام وضاح كالت لأمنيه كومي يمه خبري زوجج شوفي يجي والا لا
امنيه ماكدرت ترفض عيب كدامهم ماتقبل تخبرو
وضاح كاعد بديوان صديقو شيخ وديحجون
دك جهازو
طلع الجهاز ونصدم  امنيه تدك عليه
ستأذن وطلع رد عباله اكو شي
امنيه تدعي مايرد بس من رد كال الو ها امنيه اكو شي
كالتلو لا ماكو شي بس عمتي تكول ماتجي عل عشا
كاللها شويه وجاي وهو مبتسم انو امنيه دكت عليه
كالتله اوك مع السلامه رد عليه وسدو
سدت وكالتلها عمه يكول شويه وجاي كالتلها اي يمه من يجي دخلو العشا
وفعلا شويه ودخل وضاح ودخلو العشا وامنيه دتكعد يم امها كدام وضاح مقبلت ام وضاح كالتلها تعالي يمه كعدي يم زوجج
ام نغم ونغم وريم لحد الان يفكرون شيسوون ويخلصون من امنيه بس مديلكون فكرة بس اخر شي لكو واتفقو ينتظرون بعد حتى متبين منهم
كامت امنيه وهي متوترة وكعدت يم وضاح
وضاح كاعد عادي مهتملها بس هوا من الداخل فرحان امنيه يمو
كعدو الكل بعد العشا شربو الجاي وبعدها كامو نامو
من الصبح وضاح نزل وكاشخ صبح على امو وام امنيه وحور وامنيه وقبل ليطلع كاللهم تعتازون شي
نطت حور وكالت وضاح حباب الله يخليك اريد حلويات متت ومحد يقبل يشتريلي
ابتسم واخذها بحضنو وكاللها ولج الله يعين فهد
بويه راح تزوجين انتي وتصيرين ام بيت ادري اذا جاج طفل تشترون حلويات وتاكلين ويا
امنيه وامها وام وضاح مبتسمين
حور سوت نفسها زعلانه ودتطلع من حضنو
مسكها وباس راسها وحضنها وكاللها تدلل الحلوة مالنا بس حلويات بويه تأمرين بعد شتريدين
ردت وهي تضحك سلامتك شيخنا
رد مصلحجيه
الكل ضحك
اندار وسئل امنيه وانتي متريدين حلويات
هزت راسها بلا وكالت تسلم
حور صاحت من مكانها ولج جذابه وضاح والله جذابه تموت عل ككو بس مسويه نفسها جبيرة
ندارت على امنيه وكالت ترا ما اوكلج اذا جابلي ككو لو تموتين
امنيه خطيه خجلت وضربت حور على كتفها وكالت ماريد لاتطعميني بس سكتي
وضاح  وامو وام امنيه ضحكو
كاللها تدلل
سئلتو امو ايمت ترجع كاللها المغرب وسلم وطلع
بعد ماطلع كامت امنيه ومسكت حور كالتلها ولج خجلتيني يا حقيرة منو كلج اريد ككو
حور ضحكت وكالت مو صوجج صوج الي يوصيلج على ككو
ردت امنيه شكرا لاتعبين نفسج لو اريد جان كلت وبقو يتناكرون لحد ما ام وضاح صاحت ولكم كعدو دوختونا

النهار مشا وكل واحد مشغول بشي
لحد المغرب دخل وضاح وشايل علاكتين كبار سلم وكال الحور تعالي اخذي غراضج
واندار لأمنيه كاللها تعالي انتي هم هاي الج
راحت حور اخذتهم وهيا فرحانه وامنيه اخذتهم وطلعو
راحت امنيه على غرفتها لكت جايبلها شكو نوع ككو
..
نزلو ديسوون عشا امنيه ضايجه النهار كلو ممصدكه انو هيا خلاص نخطبت وراح تزوج
نزلت دموعها وطلعت برا بالحديقه تبجي رفعت راسها شافت وضاح واكف فوك راسها
كاللها شكو
امنيه : ماكو شي سلامتك مسحت دموعها وكامت دتوكف ماخلاها وكعدها
وضاح : كلت شكو مو تتجاهليني وتمشين منو حاجي وياج
امنيه : والله ماكو شي شبيك بس شويه ختنكت
وضاح : متأكده
امنيه : اي متأكده
وضاح : كومي بدلي دنطلع
كامت امنيه فرحانه كالتله والله وين حنطلع
وضاح ضحك على تصرفها كاللها شبيج هلكد فرحتي ادري جنتي مسجونه
ردت لا والله مخنوكه هسه كول وين حنروح
كاللها بدلي ومعليج انتظرج لا تتأخرين لا تتكنسل الطلعه
طلعت على السريع لبست صايه مرتبه شترتها بجهازها وحطت الملفع ونزلت
سئلو اهلهم ووضاح كاللهم حنطلع نتعشا برا لا تنتظرون راح نتأخر
نغم وريم ماتو قهر
ريم : ولج شوفي اخوج شلون مدللها ولا تستاهل شعاجبو بيها تخزي
نغم : خليها تدلل كم يوم وبعدها تتعذب

..
طلعو ووكف وضاح يم مطعم وكاللها شتريدين اجيبلج
كالتله تسلم ماريد
رد وضاح امنيه صيري خوش بنت وخليني عاقل بلا ما اطلع خبالي واحنا بالشارع
ردت بأبتسامه على راحتك الي يعجبك
كاللها لاترفعين راسج لحد ما اجي ما اطول ونزل
شويه ورجع جايب العشا كاللها ثواني اخذج على مكاني المفضل كلما تضيك بيا الدنيا تلكيني هنا
اخذها على الشط
نزلو وامنيه جانت لابسه كابوي جوا الصايه دتنزل وضاح كاللها كفي بنطرونج نفسي ورفعت البنطرون ونزعت الحذاء ونزلو نزلت العشا وياها وكعدو يم المي حطت العشا وكعدت
وضاح كعد يحجيلها عن نفسو وهيا صافنه بي
والهوا يجنن يم المي وملفع امنيه نزل شالتو دتحطو على السريع كاللها خلي ماكو احد عادي ينزل
طبعا ماكو اي احد والا وضاح لو يعرف اي احد هنا ميقبل

..

الدنيآ تبدي منين ما تضحك عيونگ ❤

اتمنى يعجبكم البارت اليوم 💫💞
وصوتو حبابين ❤