نزلو وضاح وامنيه سوا من فوك وكاعدين نغم وامها وريم والحقد بعيونهم
كعد وضاح وامنيه راحت كعدت يم حور الي كاعده ومبتسمه
امنيه كالت خيرج شو الابتسامه شاكه حلكج
كالتلها حجيت مع فهد
ابتسمت امنيه وكالت تحبيه صح
اي احبو بس ماجنت متوقعه يريدني انصدمت اليوم
كالتلها الف مبروك حبيبتي
ردت حور كالتلها الله يباركلج ويسعدج مع اخويا الي مادري شصايرلو عاشك شيخنا
امنيه : بأبتسامه تسلمين بس دسئلج ريم شبيها وياي
حور : ريم تحب وضاح وتموت عليه من احنا وصغار بس هو ميطيقها ولا يقبل نكلو نخطبها الك
امنيه : اها من هذا ادحك عليا ونظراتها كلها حقد
حور : اي
وبعدها الكل طلع دينام
نرجع لفارس الي جان مسافر
فات وضاح للبيت الصبح وكال الهم نظفو غرفه فارس اليوم راجع من السفر
الكل فرح فارس ماكو احد ميحبه
شويه وسمعو صوت طلقات
ودخلوا فارس ووضاح يضحكون
فارس فات وهو متشوق جان يصيح وين مرت اخويا شوفوني الي غيرت رأي وضاح
امنيه مبتسمه وخجلانه
حور كالتلو هاذي امنيه
وضاح واكف يضحك
كاللها يبعد اخوج شسويتي وتغير رأي وضاح شنو السر
رجع كال نسيت اسلم عليكم نخبصت من عرفت وضاح خطب
الكل عيضحك
فارس كال لأمنيه اي ما كتيلي شلون غيرتي رئيو
امنيه بس تبتسم معرفت ترد
الجده كالت لفارس ولك افيرس شبيك خجلت البنيه
متعرف تسكت شويه اكلتنا حاصل فاصل تسكت والا اكوملك
فارس ضحك كاللها سكتت
رجع غمز لأمنيه وكاللها بس ما جاوبتي
امنيه تضحك ووضاح يدحك على امنيه ومبتسم
وضاح مينكر انو هو بدا يميل لأمنيه وبدا يحبها لانو عفويه وشخصيتها حلوة
فارس دحك على وضاح لكا مبتسم ويدحك على امنيه
فارس كال احم احم احنا عشكنا وخطبنا والا خطبنا وبس
وضاح ضرب فارس على ظهرو وكلو فارس ليش متسكت احسنلك
فهد موجود فارس دحك على فهد كلو ها ولك انت خطبت حور
الله يعينك ولك ادري خلصو بنات الديره جاي تخطب هل حور
فهد كلو ولك فارس ما اسمحلك تحجي شبيها حور ست البنات
حور دحكت على فارس وسوت نفسها زعلانه وكالت هيج اني بسيطه كلشي ما اكويلك ولا اشتغلك لاتجي عليا
فارس ضحك ودحك على امنيه كاللها ولج اجت مرت اخويا بعد ما اعتازج مو تمام امنيه
امنيه دحكت عليه وضحكت وكالت تدلل
وضاح مبتسم وبكلبو يحمد ربو انو امنيه مرتاحه ومدتعارض شي
وضاح دحك على فارس كلو هيي ولك ما جايبها تشتغلك اشتغل النفسك
مرتي متشتغل الاحد مرت الشيخ تكعد وتأمر
امنيه مبتسمه ونغم وريم وام نغم الحقد عاميهم
طلعو على الغرفه الثانيه كعدو مستحملو اكثر
فارس كاللهم بما انو الكل خطب شنو رئيكم تخطبولي اجا دوري
الجده كالتلو ولك انت اعقل بالأول وبعدين تزوج تريد نجيبلك بنت الناس وتجننها معاك
الكل عيضحك
كامت امنيه طلعت لغرفتها
شويه ووضاح طلع ورا امنيه
دك باب غرفتها ودخل امنيه مدده بسرعه تعدلت كاللها امنيه الخميس الجاي راح نعقد شرايج
نصدمت منو ورجعت كالت وشعجب عتاخذ رئيي
كال الها هسه شرايج لاتخليني اتندم اجيت اسئلج
كالت بسرعه وحماس لا تتندم
على راحتك شوكت متريد ميفرق
يعني ورا يومين الحك اتجهز
كال الها اي تلحكين ننزل اليوم واخذي اليعجبج كالت اوك تمام
كال الها تجهزي حتى نطلع بس هاا مو تطلعين بدون عبايه وتلفين الحجاب عدل
كالت اوك تمام بس يعني احنا حنطلع بوحدنا
كاللها اي وشكو بيها
كالت لا عفيه حباب شلون يصير نطلع بوحدنا واحنا حتى معاقدين
خلي ناخذ امك وامي
وضاح عقج وجه ورجع كال الها امي هي امج تسميها يوم
وادللي حنزل ابلغهم يتجهزون
كام وباس راسها وطلع وهي مصدومه هو هيج حنون لو شنو السالفه
كامت وبدلت بسرعه ونزلت لكت وضاح وامو وامها جاهزين
كالت تمام كملت
دحك وضاح عليها من فوك لي جوا مشاف شي غلط
كال يالله مشينا
طلعو هي كعدت ورا مقبلت تكعد كدام بس امو لحت انو لازم امنيه تكعد كدام وهي خجلانه متقبل
وضاح كال خلصوني شبيكم تتعازمون
امنيه نزلت وكعدت كدام يمو
وكعدو امو وامها ورا
بالطريق وضاح شغل اغاني هو مايسمع اغاني بس لان امنيه يعجبها وطلعت اغنيه(ماجد المهندس انسى ) امنيه ابتسمت تحب اغاني ماجد
وضاح انتبه همسلها لازم تعجبج الاغنيه
همست اي تعجبني وتعجبني كل اغاني ماجد
كال الها اي زين
وصلو للسوك ونزلو حاول يمسك ايديها بس نهزمت يم امو
ما ضاج ولا تعصب لان حقها ماكو بينهم شي رسمي
بس هو يعرف انو مستحيل تصير لغيرو ومستحيل يتركها
فاتت بمحل البدلات واجرت بدله بس مقبلت يشوفها وطلعت لمحل المكياجات وتسوكت كومه تموت عل مكياج
وفاتو من يم محل نسائيات مقبلت تفوت خجلت منو ومن امو
بس الامهات كالولها اذا متدخلين احنا ندخل نختارلج
كالت اي ما ادخل دخلو انتو اني ابقا برا
ودخلو وهيا بقت يم وضاح
وضاح مبتسم على تصرفها
كال الها تريدين نروح تشربين شي
اول شي عارضت بس بعدين قبلت لانو فعلا جانت عطشانه
كعدو وطلبلها عصير وهوا كهوة
كال الها ان شاء الله بديتي ترتاحين
كالتلو وضاح اهم شي متجبرني على شي نتفاهم بكلشي
كال الها صار تدللين يعني هسه مرتاحه وموافقه كالت اي بس متضربني مرة ثانيه
ابتسم وكال ولج والله مايهون عليه اضربج وارفع ايدي عليج بس شسوي انتي عنوديه
كالت نتفاهم مراح اعاند مرة ثانيه بكلشي نتفاهم كال الها اي ويالله شربي لا نتأخر ونضيعهم
شربو وكام دفع الحساب واجاها مشو ورجعو ينتظرون امهاتهم
الامهات طلعو بيدهم كومه اغراض ويبتسمون
وضاح كال الهم كملتو كالو اي كال يالله نروح لمحل الذهب
وصلو واختارلها حلقه وعجبتها كلش لان ذوقو حلو
واختارو حلقتو سوا
ورجع اشترالها ذهب كومه كالتلو كافي بس كال الها مرت الشيخ انتي مو قليله لازم اشتري اكثر
كملو الذهب وديمشون من يم محل العاب شافت دب جبير ضلت تدحك عليه وتبتسم عجبها بس خجلت تكول وضاح انتبه بس سوا نفسو مشاف شي
وكفهم بصفحه وراح اخذو وحطو بصندوك السيارة بزور دخل لان كلش جبير
ورجع فات لمحل الذهب لانو وصا على سوار اسمها واسمو اخذو وطلع
ورجع الهم اخذهم كال الهم منسيتو شي كالو لا
اخذهم ديعشيهم لانو تأخرو بالمول
تعشو ودفع الحساب ورجع كال الهم مشينا لان تاخرنا
واذا اكو شي نقص نجي باجر ونكملو
امنيه مبتسمه عجبتها تصرفاتو بدت تقتنع بي بس متعرف شينتظرها ...
رجعو الكل كاعد ومكملين عشا ديتعللون
دخلو سلمو وامنيه اخذت غراضها وستأذنت لانو تعبانه
وشويه والكل طشو لغرفهم
دخلت امنيه تمددت شويه ورجع عزلت غراضها ودخلت سبحت طلعت من الحمام شعرها مي لابسه دشداشه برموده ربع ردن وندك بابها ودخل وضاح شايل الدب طبعا امنيه من فرحتها نست لبسها وبقت تكمز وركضت وحضنت وضاح وكالتلو شكرا شكرا كلش فرحت بي
وضاح مصدوم بس يعرف مو بوعيها من الحماس سوت هيج ........
مساء العسل على كلبكم
اول شي اريد رئيكم بالبارت
والتنزيل يمتا تردو مو كليوم حبابين لأنو عندي دراسه وماكو وقت اذا تردون كل يوم لازم نص هذا البارت يعني 600 كلمه 💞
احبكم كلش واشكركم على تشجيعي ❤
أنت تقرأ
نهوة الشيخ وضاح
Romanceقصه تتحدث عن النهوة وبعد الكره والعداوة بين ابطالها كل ذلك يتحول الى عشق وتنسي كل الاحداث الماضيه ولكن ما الجديد في هذه القصه!! اخليكم معا مقتطفات منها
