Oops! This image does not follow our content guidelines. To continue publishing, please remove it or upload a different image.
"Gusto kong imulat yung mata ko Pero patuloy mong tinatakpan ito. Hindi ko kaya. Ayoko pa. Pero ang sakit na.
Sa likod ng aking pilik mata Ang mundo nati'y aking nilikha Ikaw..
Ang hari ng aking kaharian Ang paro paro sa gitna ng kalawakan Ang tubig na sa hangi'y nakalutang Ang pantasya sa likod ng katotohanan.
Gusto kong magising pero patuloy paring humihiling. Na sana'y ang ningning ay maging isang buong bituin. Na maging liwanag ang dilim. Mahal imposible ang aking hiling ngunit minahal kita kahit ang bato ng salita nila'y kailan ma'y di ka lilitaw sa pagitan ng aking tingin.
Sa tuwing ako'y ngingiti Sakit ang kasunod sa pila Na tila ba'y tubig na binuhos sa aking mukha Na hanggang diyan ka lang. Hanggang panaginip lang.
Pero mahal wag kang mag alala Di ako bibitaw maniwala ka Dahil sa pagitan ng hapdi at sakit may umuusbong na saya
Mas madalas sa minsa'y hatid mo ay ligaya Tila'y isang hangin Hindi man nasilayan ay patuloy kong dadamdamin. Ikaw ay tunay Dahil naghatid ka ng totoong saya sa aking buhay"
