Oops! This image does not follow our content guidelines. To continue publishing, please remove it or upload a different image.
Pumatak na ang dilim sa lilim ng hardin Nananalo ang buwan at mga bituin Tulog na si araw at ang kapatagang bughaw At sa paghimlay ay muling nanalangin, magwagi sanang muli sa paghimbing
Pikit datapwat gising. Kung mulat ma'y tulog parin Nanunuot at nanunuot, puso'y pilit na tumitibok Niyayapos ng isip na masalimuot
Paligid ay makulimlim, bumagbagsak ang ulang mabigat kung buhatin Madumi, madilim at pilit akong idinidiin Ang mga halaman sa hardin ay sumasayaw sa paningin, hinihele ng mga bulong at ilaw na itim
Nang tumagal ay mas lalong binibihag Sa pamamagitan ng yakap Ng paghilang di maawat Ng sigaw na di malaya Sa kamay ng ulang bumabagsak, itinutulak sa malambot na himlayang tumatanggap
Kapag sinubukang lumaban ay lalong bumabangis Lalong nagagalit at ang paglukop sa katawa'y tintiis Tumagal at kataway dama na ang kuryente Naninigas na ang kaluluwang pilit na naghihiganti
Hindi kailanman iisipin ang pagmulat Tulog ako kahit alam kong pinagkait mo ito Kapag hinayaan kita ay alam kong walang hanggang magiging iyo Ngunit sadyang nakikipag laro, ikaw ang nagmulat at nakita ko ang iyong anyo
Tumagal pa at nilabanan kita Sinubukang mamahinga ngunit hindi nais na iyong makuha Kung hahayaan mong tumibok ang puso'y kakalabog sa iyong gunita Ngayon ang tinig mo'y dinig ko na
Sa ilalim ng malambot na hardin Idinidiin mo ako sa himlayang madilim Mga halamang sumasayaw sa tuwa ng pagiging alipin Muli bihag na naman ng anino sa paningin
Tagaktak ang pawis nang makawala, nang makamit ang diwa ay inaakit na naman at hinihila Paulit ulit na na nakikipagsapalaran Sa hardin na di alam kung ikaw ba o sarili ang kalaban
This piece is based on experience. Hindi ko na kasi alam kung ano pang gagawin kasi gabi gabi nalang talaga akong napaparalisa sa pagtulog o binabangungot. I know marami tayong nakaka experience nito and I hope you did relate and like this piece of mine. Dito ko nalang ilalabas ang frustration at takot ko. I hope lahat tayo ng nakakaranas nito ay maging maayos na soon. So that's it! Thank you for reading!
