Oops! This image does not follow our content guidelines. To continue publishing, please remove it or upload a different image.
Sa gabing ang ulap ay namamanglaw Mga perlas sa dagat, palamuti sa bughaw Subalit yaong kislap ay hindi papantay Sa pagsisid sa wangis mo't ano ang nanalaytay?
Hagulgol ay tila parusa sa pandinig Taksil ang perlas, ngayo'y di mabatid Nilukob ng usok ang buong lupang ninakaw Sapilitang kang tinanaw, nadaplisa'y matang uhaw
Hinanap ang liwanag ng karagatang bughaw Nanginginig ang kalamnang takot kang pumanaw Ngunit salungat, siya ay nagtago Liwanag na di nasilayan ang ugat ng 'yong paghihingalo
Pagtangis ng patawad ng hindi umagap Pagwari'y inusal darating din ang liwanag Kapag ang buwang tinago'y magpasyang lumantad Nais mong ako'y sumulat sa ilalim ng kislap
Mabilis ang patak ng pawis sa noo Rumaragasa yaring alon sa puso Isang plumang lumantad sa sariling palad Kawari ng panaginip, ito'y iyong hawak
Doo'y muling namutawi ang bulong mo't pighati Kung ang buwan ma'y hindi mabawi at ang dilim ay manatili Tulisan ang pluma at gawing lampara Huwag papaslangin ang ilaw ng umaga
