قابل للانكسار

(1)

الرياض/ الخميس / 6:30 الصباح

- المنبة يرن!!
فلك يمد يده يطفي منبه الجوال من غير مايفتح عيونه
وهو يحاول يتجاهل صوت أمه اللي تنادي -

أم فلك: هدددددديل قوميييي أخوك الساعه ٨ !!!

هديل وهي ماسكه الفير على شعرها: يممممه كم الساعه بعد التخفيض

أم فلك: سبع الساعه قوميييي اخوك اخلصي!!

هديل تنفض شعرها وتطالع بالساعة: الله اكبر عليك يمه ماجت ٦ ونص حتى !!!

،،،

راحت هديل للمطبخ وتحديدًا آلة القهوة صبت كوب قهوه بدون حليب وبدون سكر وراحت لغرفة فلك

،

هديل تطق باب غرفة فلك: فوفااااااااا الدوااااام لا تتأخر

فلك يحاول يفتح عيونه ويتمدد: ااااه الله ياخذ الدوام

هديل تدخل راسها من الباب: ممكن ادخل ؟

فلك: لا

هديل: طيب ممكن كوب القهوه يدخل؟

فلك وهو يتمدد: give it to me please

هديل تمد له كوب القهوه: طيب قوم قبل امي تخلي الساعه ١٢ الحين

فلك: شوفي الشيء الوحيد اللي يشفع لسماجتك أنه خميس

هديل وهي طالعه من غرفته: انننن انننننن

.....

نسيت أعرفكم بنفسي، أنا فلك عمري ٢٦ خريج حاسب آلي الأول على الدفعة اخذتني الجامعة معيد هذي السنة وطموحي أكبر من كذا
واللي تشوفونها كاتمه انفاسها عشان تضبط الآيلاينر هذي هديل اختي احيانا تضيع بين زواج ولدها وبين الجامعة ههه
عمرها 19 اول سنة جامعة عشان كذا متحمسه بزياده الله يهديها
انا وهديل وحيدين أمي نادية اللي انفصل عنها ابوي وهي حامل بهديل بسبب مشاكل من امه وخواته.

....

فلك طالع من غرفته للصالة عند امه: صباح الخير

نادية: صباح النور يانور عيني

فلك: الحين ودي اسأل انتي أم ولا تشيز كيك ؟

هديل تلبس عبايتها: اقول اخلص اطلع مابي نتأخر

نادية: انتييي اسكتي ولا كلمه -تلف وجهها على فلك- ودعتك الله ياحبيبي اعيذك بكلمات الله التامة