المرأه لا يمكن ان تغير الرجل لانها تحبه ، لكن يمكن ان يتغير الرجل لانه يحبها ✨
.............................
في كندا..
وصلته مكالمة غيرت خططة اعادة له مجري الحياة وكأنها جئت طوق نجاة وسط الغرق
فلاش باك..
لمار بسعادة : قولت هترجع في كلامك ومش هتيجي تاخدني نتعشا سوا
أسر بهدوء : طالم وافقت مش هرجع في كلمتي
لمار بضحك : حتي لو فكرة كنت هجيبك من بيتك ميهمنيش
أسر : تحبي تروحي فين
لمار : في مطعم حلو اسمه.....
.....
في المطعم...
النادل : حضرتكم تحبوا تطلبوا اي
أسر : هاخد.....
لمار : وانا زيه
بعد رحيل النادل....
لمار وهي تضع يدها علي يده : سرحان في اي بكلمك مبتردش
أسر بتركيز : ها معلش شويه مشاكل
لمار بدلع : المفروض اننا خارجين نتبسط ونفصل ركز معايا وأنسى الشغل والمشاكل دلوقتي
أسر بضيق : مفيش مشكله الاكل خلاص وصل
بعد تناول العشاء....
أسر : اتفضلي هوصلك البيت
لمار برقة وهي تقترب منه : ليه خلينا نكمل السهره في اي مكان
في نفس الوقت تصل لأسر مكالمة من مصر...
أسر : لحظه يالمار هرد
لمار بحنق : اتفضل
باك........
في المطار.....
العامل : طيارتك يااستاذ أسر
أسر : شكراً
...........
في القاهرة....
سيلين بصدمة : يعني اي الكلام ده يابابا يعني اي لسه مراته يعني اي انت من أربع سنين فهمتني اني أطلقت ووثقة فيك وبكلامك لتاني مره خذلتني
والدة سيلين : اي الكلام اللي بيقوله احمد ده ياعز
وهي تمسك زوجها من ملابسة : يعني اي انطق قول انه بيكذب
سيلين وهي تلتفت لأحمد وتنظر له بشراسة وتهم بالانقضاض عليه : لو فاكر اني هبله وساذجة وهتضحك عليا وترجعني تاني يبقا بتحلم ولو علي المحاكم فانا وانت والزمن طويل اطلع برا ياحيوان
أحمد وهي يبتسم ببرود : صدقيني هتندمي انا جاي بهدوء وبعرفك بس معلش انا الاحسن وهسيبك تفكري سلام
سيلين بعد رحيله وهي تلتفت لوالدها : المره دي انا اللي اعتبرتك مت انا مليش أب
والد سيلين وهي يهم بصفعها : اخرسي
سيلين وهي تمسك بيده : مبقاش من حقك تقولي اسكت او تمد ايدك عليا للاسف كل حساباتك غلط زمان دمرت حياتي وضيعت مستقبلي وخلتني اخسر كرامتي مع علمك بكل حاجه فضلت واقف بتتفرج وانا بتكسر وبتهان
وهي تترك يده : انا المره دي ماشيه ومش هتوصلي
ليالي ورحمة ببكاء : ياسيلين مش هتمشي
والدتها وهي تقف امامها : لو حد لازم يمشي يبقا هو مش انتي
والد سيلين بصدمة : انتي بتقولي اي يارهف
والدة سيلين بغضب : زي ماسمعت ياعز انت ضيعت كل حاجه حلوه بينك وبيني انا والبنات يبقا ملكش مكان
سيلين بأعتراض : معلش ياماما انا همشي وهكلمك متقلقيش
تركت والدتها وذهبت لتأخذ حقيبتها فلم تفرغها بعد
جيداء : تعالي اقعدي عندي ياسولي
سيلين : لا ياجيجي انا هرجع لعمتي لحد مااتصرف في البلوه دي
جيداء وهي تصفعها صفعه خفيفة : اسمها نتصرف سوا انتي يابنتي متعصبنيش
سيلين وهي تضحك بين دموعها وتحتضن رفيقة دربها : انا محدش وقف جمبي غيرك ياجيجي اصلا
جيداء بدموع : يخربيتك ياكأيبة خلتيني اعيط
وهي تضحك : يلا يابت لحسن سي زفت يجي بعمو البوليس يمي يمي يمي
سيلين وهي تنفجر في الضحك : هبله والله يلا عشان هتوصليني المحطة
جيداء : لالا بوسي ايدي عشان اوافق
سيلين وهي تعض يدها : اهو يلا ياكلبه
جيداء : ياعضاضه امشي قدامي
..........
في مطار القاهرة الدولي......
أسر وهي يُنهي المعاملات بالمطار
أسر : انت فين يابني ادم بقالي ساعة واقف
الشخص : بطل اوفر شوفتك خلاص قدامي اهو
أسر : طب اقفل ياسخيف
الشخص وهو يحتضنه : وحشتيني يابرو
أسر بضحك : مش هتكبر ابدا يامروان
مروان أخ علي الأصغر في سنة الثانية بالجامعة
مروان بأستغراب : بس اي جابك علي ملاه وشك
أسر : ملاه وشي الملافظ سعد ياحيوان مفيش يلا وصلني بس عشان الطريق
..............
في محطة القطار...
جيداء وهي تودع سيلين : هتوحشيني يارب متغبيش المده دي تاني
سيلين بأبتسامة : تعالي صيفي عندي وهنتبسط
جيداء بضحك : بس كداا ده انا بكرا الصبح جيالكو
سيلين وهي تحتضنها : ادعيلي اعرف اخرج من الازمة دي
......
في الطرف الآخر...
مروان بضيق : لازم تروح يعني بالقطر ماكنا بالعربية وخلاص
أسر بأبتسامة : معلش القطر له ذكرى معايا
مروان بغمز : ياذكرياتك بس طمني لم توصل وفهمني حصل اي
أسر وهي يصافحه : شكرا مع انك غلس
مروان : تشكر ياذوق
............
على متن القطار...
تجلس بجانب الشباك وتسرح بخيالها لأول عام بدراستها
فلاش باك..
سيلين بخوف : بس انا خايفه أول مره ادخل وسط الزحمة والناس دي
الشخص : متقلقيش انا جمبك ولو حصل اي حاجه كلميني
باك....
سيلين وهي تحدث نفسها : فينك دلوقتي مش كنت تبقا جمبي وقت خوفي تطمني زي ماوعدتني
........
في الطرف الآخر .....
كأن الوقت في بعدك واقف مبيمشيش
فلاش باك...
أسر : بتخافي من القطر ازاي بس هي طيارة
الشخص ببكاء : انت مش مقدر خوفي خلاص مش مسافره
أسر وهو يطمئنها : خلاص متخافيش همسك ايدك لم تخافي
الشخص بضحك : بتستغل اي فرصة انت وخلاص
باك...
أسر لنفسه : وحشتيني 💔
..............
في أخر محطة بمطروح....
سيلين لنفسها : ليه قلبي مقبوض كدا ربنا يستر
عند وصولها لمنزل عمتها
الخادمة وهي مصدومه : ست سيلين اي رجعك
سيلين بأبتسامة : اي ياداده مصدقتي خلصتي مني وانا اللي قولت وحشتك
الخادمة وهي تحتضنها : يابنتي مش قصدي بس قلقت
عمتها زينب : مين اللي جيه ياابتهال
سيلين وهي تحتضن عمتها : ده انا يازوزو
عمتها : سولي حبيبتي انتي كويسة اي ملحقتيش تقعدي هناك ليه
سيلين وهي تكاد ترد علي عمتها
صوت رجولي : ماما انتي كويسه اهو
سيلين بصدمه وهي تلتفت للصوت : أسر
أسر بصدمة : سيلين
وبعدما فاق من صدمته : أنتي ازاي تتجرأي تيجي هنا بعد اللي عملتيه وبعدين جوزك المبجل سايبك ازاي تيجي هنا
سيلين وهي توشك علي البكاء : انا
عمتها ووالدة أسر بغضب : أسر انت اتجننت اي مبقتش تحترمني خلاص ولا غربتك نستك ازاي تحترم أمك
أسر بأعتذار : مش قصدي يا أمي بس
السيدة زينب : مبسش بنت خالك وقاعده هنا من ساعة سفرك وهي بترعاني مش هتيجي انت وتمشيها
سيلين : خلاص ياعمتي انا همشي
أسر بصدمة : مش فاهم ازاي يعني وجوزك
مع صمت عمتها
سيلين بسخرية : قصدك طليقي او اللي كنت فكراه طليقي من ٤ سنين ، عمتي عن اذنك
عمتها : اطلعي اوضتك ياسيلين وهطلع وراكي عشان ليا كلام مع البيه
بعد صعود سيلين
السيدة زينب : ها يا أسر بيه انا منزلتكش عشان تعرفني مين يقعد ومين هيمشي
أسر بضيق : مقصدش ياامي بس انتب خليتي الداده تتصل وتقلقني عليكي انك تعبانه
السيدة زينب : مش من حقي ابني بقاله سنين بيكلمني بس مش عارفه احضنه وهو بعيد مش قلقان على امه الضريرة يكون جرالها حاجه
أسر وهو يحضتن أمه : سامحيني بس انتي عارفه سبب سفري
السيدة زينب : اطلع استريح في اوضتك ولو تصحي لينا كلام مع بعض
في الاعلي عند سيلين....
سيلين : اتفضل ادخل
عمتها : حبيبت عمتو هتحكيلي حصل اي معاها جابها بسرعة ولا اكون وحشتك بقا
سيلين وهي تنهار في احضان عمتها : أحمد بعد السنين دي ياعمتي بيقول مطلقنيش
عمتها باستغراب : ازاي وابوكي قال انه طلقك
سيلين ببكاء : بابا كان متفق معاها ياعمتي وعشان كدا جيه وقالي ان السفر موافق عليه وورقي جاهز عشان ارجع القاهرة واحمد يرجعني وهددني بالمحكمة
عمتها بصدمة : عز عمل كل ده انا ليا تصرف معاه
سيلين بهدوء نسبي : لا ياعمتي متدخليش في مشاكل انا عاوزه ارفع قضية وليا أسبابي وهطلق انتي عارفه كدا كويس
عمتها : يابنتي بلاش وهنتصرف من غير محاكم
سيلين : مبقاش ينفع ياعمتي خلاص
عمتها : نامي دلوقتي وبكرا نتكلم
.......
عند خروج السيدة زينب : أسر انت واقف هنا
أسر بهزار زائف : عرفتي ازاي يازوزو
والدته : تعالي نقعد في اوضتي نتكلم
....
في غرفة السيدة زينب....
والدته : سمعت اي ومنمتش ليه
أسر : كنت هنام بس سمعت عياطها واللي سمعته مفهمتهوش
والدته بمكر : حابب تسمعه ولا مش همك
أسر بقلق قام بمدارته : ازاي وهي السبب في اللي حصل
والدته بخيبة امل زائفة : خلاص وانا كنت هخليك تساعدني نطلعها من مصيبتها
أسر بخوف وقلق : مصيبة اي ياماما
والدته وهي تمسك يده : اهدا واسمعني كويس
من ٤ سنين. لم حصلت الحادثة وانا اتعميت وانت جسمك اتكسر وقتها انت اتعالجت وسافرت وانا قعدت في البيت ده عشان بعيد بس لم جيت لقيت سيلين قاعده هربانه
أسر بأستغراب : هربانه من اي
والدته : ما انت لم هي اتجوزت قطعت كل أخبارها متعرفش انها قعدت سنة وجوزها بيعذبها وبيهنها وبيضربها
حتي انا مكنتش اعرف لحد ما جيت هنا وشوفتها
أسر وهو في قمة غضبه : بتقولي اي وازاي خالي سكت
والدته بتهكم : خالك رماها لم طلبت الطلاق ومن كام يوم لم جيه وطلب تسامحه انا قلقت بس قولت يمكن راجع نفسه بس دلوقتي لقيتها رجعت وهي كانت لسه ماشيه معاه امبارح ، ابوها كان متفق مع جوزها ومطلقهاش زي مافهمنا ودلوقتي سيلين مصره ترفع قضية وعمتاً عارفه انها هتكسبها
أسر بأستغراب : ازاي يعني
والدته : مش مهم المهم انك هتقف جمبها وتشوف محامي شاطر نوكله فاهم ياما
أسر بسرعة : مفيش واما يا ماما متقلقيش سبيها عليا
والدته : أسر عيد حساباتك هي كمان اتظلمت كتير
أسر : ربنا يسهل يا أمي
______________________________
ساعات حوادث الماضي بتكون سبب أساسي لمستقبل مكنتش تتخيل انه ليك في يوم من الأيام ،
صدمات وخيبات الماضي والحاضر تخلق منك شخص غيرك أقوى وعلى معرفه أكثر في المستقبل.
لا يوجد حزن علي مصيبة فإنها المنجية....
#قضبان_من_نار ♥️🔥
#نورا_عبدالرازق
أنت تقرأ
قضبان من نار (مكتملة)
Kort verhaalكانت تهفو علي صفائح من نار كانت جروحها تشتعل فتوقد نار روحها كأن الدنيا تمطر جمراً كأن حياتها قُلبت جحيم كان الأفراد في قصتها شياطين من النار ............. قد لا ينصفك قدرك ولا تُحبك الحياة ، فيأتي فوق رأسك معاناتك فيقفز بكَ عقلك بعيداً عن كل اوجاع...
