Nifanye Na Mimi Kaka Dick. Na Juma Hiza

SURA YA KUMI NA NANE

Baada ya kuusoma ujumbe wake aliyokuwa amenitumia niliamua kuufuta, sikutaka kuwasiliana naye kabisa kwani kwa wakati ule akili yangu ilikuwa ikimfikiria Evadia msichana ambaye nilihisi kumkosea sana.
Ni kama vile ilikuwa haitoshi kunitumia ujumbe mfupi, alianza kunipigia simu. Sikutaka kuwasiliana naye hata kidogo hivyo sikutaka kuipokea simu yake kwa wakati ule. Ilikuwa ikiita mpaka ikawa inakata. Baada ya kunipigia simu mara tatu bila kumpokelea, aliamua kunitumia ujumbe mwingine, ilinibidi nimjibu kwani nilianza kuhisi usumbufu kwa wakati ule.
“Mbona hupokei simu yangu?”
“Samahani nilikuwa mbali na simu.”
“Kwani uko wapi?”
“Niko nyumbani.”
“Kweli?”
“Ndiyo.”
“Uko na nani?”
“Niko peke yangu.”
“Kweli?”
“Ndiyo.”
“Nitaamini vipi?”
“Utaamini vipi kivipi?”
“Kuwa uko peke yako.”
“We niamini kuwa niko peke yangu.”
“Sawa ila…”
“Ila nini?”
“Mbona kama umebadilika sana.”
“Kivipi?”
“Umebadilika tu!”
“Sio kweli mbona mimi nipo sawa tu.”
“Nakufahamu umebadilika sana.”
“Huo ni wasiwasi wako tu! sijabadilika ila muda mwingine unakuta hadithi zinanifanya nakuwa bize sana na ndiyo maana nakuwa sikutafuti kwa wakati.”
“Lini umenitafuta.”
“Ndiyo maana nakwambia nakuwa bize sana mpaka nakosa muda wa kukutafuta ila nakukumbuka sana.”
“Nikuulize kitu.”
“Niulize.”
“Unanipenda.”
“Swali gani hilo unaniuliza.”
“We nijibu kwanza.”
“Ndiyo nakupenda.”
“Nataka leo nije kulala kwako.”
“Uje kulala kwangu?”
“Ndiyo.”
“Na mumeo?”
“Hayupo.”
“Yuko wapi?”
“Amesafiri ameenda Dubai kikazi.”
“Kwahiyo.”
“Mimi nataka kuja leo kwako.”
“Sawa haina tatizo ni wewe tu.”
“Sawa nakupenda.”
“Nakupenda pia.”
Huo ndiyo ulikuwa mwanzo wa Precious kuanza kulala nyumbani kwangu kwa uhuru kama vile alikuwa mke wangu wa ndoa kitu ambacho hakikuwa kweli, alikuwa ni mke wa mtu.
Alikuwa akiutumia ule usemi usemao ‘Paka akiondoka basi panya hutawala.’ Alitawala kwelikweli baada ya mume wake kusafiri kikazi na kila alipokuwa akija kulala nyumbani kwangu sikuwahi kumuacha salama, nilifanya naye mapenzi usiku mzima.
“Unaandika hadithi gani?” aliniuliza usiku mmoja tulipokuwa tumelala, wakati huo alikuwa akinipetipeti.
“Kuna chombezo naliandika kesho linatakiwa kuwa tayari maana washabiki wananisumbua sana.”
“Wanakusumbulia nini?”
“Ninavyochelewa kuwatumia.”
“Mmh!”
“Nini?”
“Mimi naona wivu.”
“Wivu wa nini sasa?”
“Si hao wasichana wanaokusumbua mitandaoni, nahisi unawakubalia.”
“Mimi nimezungumzia habari za wanawake hapa au kuhusu Chombezo.”
“Hata kama lakini mimi naona wivu sitaki usiwe unachat nao mimi sipendi,” aliniambia huku akiwa amekilaza kichwa chake kifuani mwangu, alikuwa akideka kwa wakati ule jambo ambao lilinifanya nianze kuingiwa na hasira.
Precious alikuwa ni mke wa mtu ambaye nilianzisha mahusiano na yeye hapa ilikuwa ni baada ya kukutana na kufahamu kuwa alikuwa ni miongoni wa mashabiki waliokuwa wakizifatilia chombezo zangu mitandaoni.
Alikuwa ni mfanyabiashara wa kujitegemea, maisha yake yalikuwa ni mazuri kwa ujumla, hakuwa na shida ya pesa ndogondogo na kila alipokuwa na mimi hakuacha kunipa pesa, alikuwa akinipa pesa mpaka nikawa siamini kama nilikuwa nimepata bahati ya kukutana na mwanamke aliyekuwa na pesa kiasi kile, shida yake kubwa kwangu ilikuwa ni kufanya mapenzi tu! na alikuwa akinipa kiasi chochote cha pesa nilichokuwa nikikihitaji, alinipa bila kujali lolote kwani kile alichokuwa akikihitaji kutoka kwangu alikuwa akikipata.
“Unataka kiasi gani cha pesa?”aliniuliza asubuhi moja tulipokuwa tumeamka, usiku wa siku hiyo tulikuwa tumetoka kufanya mapenzi.
“Pesa tena?” niliuliza huku nikiyatumbua macho yangu, nilikuwa siamini kile nilichokuwa nakisikia kwa wakati ule kwani hazikuwa zimepita siku chache tangu alipokuwa amenipa pesa kwa ajili ya matumizi madogomadogo yaliyokuwa yakinitatiza.
“Ndiyo pesa nikupe kiasi gani ambacho kitakutosha?” aliniuliza tena.
“Ni wewe tu mimi siwezi kukupangia.”
“Unajua usiku umeniridhisha sana unastahili pongezi kwa kweli, wewe ni dume haswaa tena dume la mbegu.”
“Ponge....” kabla sijamaliza kusema sentensi niliyokuwa nimedhamiria kuitamka kwa wakati ule Precious aliweza kunikata kauli, hapa ni baada ya kuitoa pochi yake akatoa kiasi cha pesa ambazo aliweza kuzihesabu na kunikabidhi shilingi laki tano, akanibusu kisha akaniaga na kuondoka. Nilibaki kinywa wazi huku nikiwa siamini hata kidogo kile nilichokuwa nikikishuhudia kwa macho yangu.

Nje kutaendelea aje?

Maoni ya sura hii.

Imekua ya Kumi katika kutengo ya mapenzi

#10 Romance