#رائحة_الروح
الفصل الخامس عشر
(سيلين)
غزالة ..خيرك ياولدي والله تحساب ان سيلين مش حتقولي لا ماشاءالله عليها مرتك بدل ماتلف وادور قالتلي انكم عاينتو وانها طلعت عندها مشكلة وتاخذ عليها في علاج وحتى الدكتور عطاك مقويات و ڤيتامينات
عماد بصدمة .. امي انتي في شنو تحكي
غزالة باستغراب ..خيرك ياولدي شنو في
عماد ووجعه قلبه علي داره فيا ..عطيني المرهم يا امي صاحبي يرجى
وخذيت المرهم منها ووصلت لحوشنا واني مش عارف كيف وصلت شعور قهر وذل وعجز ووجع وذنب والم وخوف من ردت فعلها مش عارف ومش قادر شنو اللي نوصف بيه احساسي خشيت للحوش وجيت للدار مالقيتهاش انخلعت وقعدت ندور فيها لان مافيش اي صوت في الحوش بكل واخر حاجة خشيت للحمام (حشاكم) ولقيتها متمددة في البانيو ومغمضة عيونها ومنظرها كيف رايح وكدمات ضربي واضحات علاها قلبي عصرني
عماد بحزن ..سيلين
سيلين .........
عماد وقعد يهز فيا ..سيلين نوضي سيلين افتحي عيونك
خبطت على وجهها شوي واللي طمني ان نفسها طبيعي عرفت انها راقدة خذيت منشف كبير قربته مني وحاوالت نطلعها من البانيو وخذيتها في حضني ولفيتها بسرعة بالمنشف وحطيتها على السرير نشفتها كويس ولبستها روبها وقعدت بالشوي نحط في المرهم عليها ومرة مرة نسمع شهقتها او انتها من الوجع لدرجة عيوني دمعو علي درته فيها وبعد ماكملت دهنها تمددت حذاها وغطيتها ورقدت او درت روحي راقد لاني كل مانغمض عيوني تجي صورتها وهي كامشة في روحها واني نضرب فيها صبيت من احذاها وقعدت في الصالة ولعت الشاشة العين بس تتفرج لكن العقل عندها وقعدت على الحال هذا للفجر توضيت وصليت وطلبت من ربي المغفرة والرحمة علي درته فيها والله لو يعلم خالها حسن ماعاد يخليها دقيقة عندي وانا معاش نقدر نستغنى عليها
وفتحت عيوني لقيت روحي راقد على الكنبة اللي في الصالة وشبحت الساعة لقيتها 12 الظهر صبيت بسرعة للدار خشيت نشوفها لقيتها مفتحة عيونها واول ماشبحتني لفت وجهها الجيهة الثانية حسيت بغصة لاني عارف شنو درت فها
عماد بتوتر ..سيلين حبي ردي عليا بالله عليك ماتتلفتيش لجيهة الثانية اشبحيلي عاركي وعيطي في وجهي لكن ماادرقيش وجهك عليا والله عارف روحي غالط والله لما نبدا حامق مانفرز في حاجة واني فهمتك غلط
وهنا هي تلفتت لي وفي عيونها الف لوم وعتاب ووجع وعلى طول نزلو الدموع منها
عماد ويمسح في دموعي .. عارف روحي شنو درت فيك لكن والله سحبتك انك حكيتي لامي ان مشكلة الصغار عندي اني هديك الساعة ماعاش حسيت بشئ غير العجز والذل والاهانة وانك خنتي ثقتي فيك حتى لو قلتي المفروض ما نزعلش منك لانك ماكذبتيش لكن وجعتني روحي خصوصا ان امي بتحكي لنادية ونادية حتقول لنائلة ونائلة حتقول لراجلها حسيت روحي مقهور والقهر والعجز عموني اني نسمعك او نفهمك
سيلين ............
نسمع فيه وعيوني مابطلوش دموع وهو يدوي ويمسح فيهن وجعتني نفسي كيف يسمح لروحه انه يمد ايده عليا وانا عمره ماحد مد ايده عليا حتى بابا وماما كنت لما نغلط يعاقبو فيا بس وقعدت نبحت لعماد وفي داخلي كيف هنت عليك كيف قدرت تمد ايدك عليا كان خاطري نعيط بصوت عالي لكن ماقدرتش نحس في صوتي رايح
عماد..تكلمي ياحبي ماتسكتيش هكي
سيلين..........
شيرتله بايدي ان صوتي مايبيش يطلع
صبا جابلي ورقة وقلم فهمت انه يبيني نكتب
كتبت ليه
(صوتي لما ننصدم يريح ساعات او ايام ويرجع عادي وحتى لو صوتي قاعد انا مانبيش نحكي معاك تقدر تخليني في حالي لو سمحت )
قرا شنو كتبت وشافني بنظرة اسف واعتذار لكن ماعدلتش وغمضت عيوني وحاولت نرقد وشوي جابلي حبوب عطاهن لي وقالي ان هذا مسكن حيريحني وخذيته شوي ورقدت صح
أنت تقرأ
( سلسلة البيوت اسرار) الجزء الثاني بعنوان رائحة الروح
Romanceوجع و خيانة وحب والم وفراق واختبارات ياترى هل سوف يكون لقاء وسعادة ام يكون الفراق هو المكتوب.. حياة التنزيل يومي بإذن الله
