#رائحة_الروح
الفصل الثالث عشر
(سيلين)
سيلين ..مش عارفة حبيبي حسيت كأن حد دفني ومعاش نندري على شئ
عماد .. هو انتي كنتي فوق لمن ومن فوق
سيلين ..ركبت نستعجل في نائلة تلبس فيها ازهار في الرداء
عماد..ازهار بس كانت معاها
سيلين ..اه وكانت معاهم مرت خو ازهار بس مالقيتهاش قالولي اكيد نزلت
عماد بشك .. به حبي هيا نروحو
عقلي طول مشى جيهة حنان بس ليش ادير هكي يعني تقول اني اللي سيبتها على خاطر سيلين مش هيا اللي باعتني على خاطر راجل واتي وبعدين معقولة توصل بيها للدرجة هذي بتقتل مرتي هذي اكيد وحدة مانعرفهاش والمشكلة مش حنقدر اندير حاجة لان اي حاجة بنديرها توصلني اني نكلمها واني لو تكون اخر مرا في الدنيا مستحيل انكلمها وبعدين سيلين حتعرف حنان من تكون يارب هدي بالي وريح عقلي
سيلين ..وين رحت حبيبي هيا
وطبني عماد لان كراعي ماقدرتش نصبي عليها توجع واجد ولقيت يس برا وواضح انه خايف عليا
ياسين ..حمدلله على سلامتك
سيلين ..الله يسلمك يارب
ياسين ..كيف طحتي
سيلين بضحكة ..شئ عجبني شكل الدروج قلت هي نعيش دور سوبر ويمن ونزقب للاستراحة الثانية
ياسين وعماد قعدو يضحكو عليا
ياسين .. تو وضعك وضع وحدة تبصر
سيلين ..ماهو سؤالك غريب زي اللي يسئل واحد مطبس على الصلاية يقوله شنو ادير وهو ساجد للصلاة يعني شنو يفلي في نملة مثلا زي سؤالك عثرت طحت من الدروج اكيد
ياسين بضحك .. نسبقكم نسخن السيارة
عماد ..به
سولي ليش ماقلتيش لياسين اللي قلتيه ليا
سيلين ..حبيبي انت عقلك كبير لما قلت ليك ان حد دفني مش حدير بلبلة وتنكد على اختك لاني في الاخير الحمدلله جت ساهلة لان مرات اللي دفني من غير قصد وتحشم انه يتكلم لكن ياسين صح عقله كبير لكن مايوزنش في الامور واجد
عماد..ربي يخليك لي يارب يعني مش حتزعلي عشان حنسكر الموضوع بدون مانعرف منو السبب وناخذلك حقك
سيلين ..اكيد حبيبي مش حنزعل بالعكس انا نحبك اكثر
ووصلنا للسيارة ودخلني عماد وروحنا للحوش لقيناهم كلهم في الخيمة فخش عماد بيا للحوش وهو طابني وحطني على الصالون وباسني على راسي
عماد..حبي تو نكلم ليك نادية تجي تساعدك في تغيير دبشك كله دم ماتتحركيش بروحك فاهمة وبعدها اطلعي للناس برا
سيلين ..حاضر ياقلبي بس حتى انت عدي للحوش غير دبشك كله دم
عماد ..به
وطلع عماد ينادي على نادية اللي شوي خشت وخشت في جرتها ماما رحمة وعمتي غزالة وخواتي جوري وزهرة وازهار وحتى العروس سيبت الناس وخشت
ماما رحمة بدموع ..حمدلله على سلامتك يابنتي قبل بنلحقو عليك حسام ماخلانيش ومالك فونه مسكر
سيلين ..عليش الدموع ياماما والله حالي كويس مافيا شئ
نائلة ..خلعتينا عليك
سيلين ..ماتنفجعي على غالي عدي للخيمة للناس عيب وانا تو نغير دبشي ويطلعني نادية وجوري
عمتي غزالة .. هذي عين ماصلت على النبي وانتي زي القمر
سيلين ..تسلمي ياعمتي هيا عدو عيب تسيبو الضيوف
وطلعو ونادية جابت شنطتي وطلعتلي لبسة ودخلتني هيا وجوري للحمام (حشاكم) وغسلت رقبتي ووجهي من الدم وحاولن ينظفن شعري من الدم بدون مايجن شور الخياطة اللي كانت جاية خلف راسي ولبست فستان طويل مخصر من الخصر وواسع لتحت من الشيفون وبدون كمام لونه موڤ داكن وعليه حزام فضي ولبست عليه طاقم ذهب ابيض وطبعا حذاء ماقدرتش لبست صباط ارضي اصلا مش باين من طول الفستان ووسعه وشعري بعد نظفنه البنات لميته يادوب زي الكعكة المرخية بسبب قصره وطلقت خصلات على وجهي وطبعا الفاشة الملفوف بيها الجرح واضحة غير ايدي الملفوفة برباط وطلعت ودارو جو يجنن واجواء جديدة عليا
أنت تقرأ
( سلسلة البيوت اسرار) الجزء الثاني بعنوان رائحة الروح
Storie d'amoreوجع و خيانة وحب والم وفراق واختبارات ياترى هل سوف يكون لقاء وسعادة ام يكون الفراق هو المكتوب.. حياة التنزيل يومي بإذن الله
