ولاحلى متابعات عندي على الفيس هذا فصل اضافي
#رائحة_الروح
الفصل الثاني عشر
(حمزة)
محي الدين .. تعرفي اليوم كلمتني خديجة
ياسمين..هي اللي اتصلت
محي الدين ..اه
ياسمين ..غريبة ان شاءالله خير
محي الدين ..تبيني نزوج بنتها لي حمزة
ياسمين .. والله جديات هي البنت كويسة غير امها بكل
رجعت لداري بعد ماسمعت شنو قالو وهو مش عيب ان الاخت تقول لخوها تبي بنتها تتزوج ولده لكن العيب في عمتي بروحها عمتي خديجة هذي قصتها قصة كانت ماتحبش امي الله يرحمها عشان كانت تبي باتي يتزوج صبيتها بيش يقعدن فلوس باتي بينها وبين صبيتها وبعد ماماتت امي فرحت ودارت روحها حنونة علينا انا ومحمد هيا وصبيتها لكن باتي كان فاطن لعمتي وخططها فتزوج باتي بامي ياسمين بيش يرجع الكره من جديد وتو تبيني نتزوج بنتها بيش تاخذ نصيب من فلوسنا المشكلة ان عمتي مش مستحقة صح ماديتها مش زي باتي لان ورثها ودره راجلها في مشاريع فاشلة واللي قدرت تحافظ عليه هو اللي دارت بيه مشروع لولدها عمر كبره وهو اللي خلى ماديتهم كويسة ورجعت للكتاب اللي في ايدي خلاص معاش مازالي شئ واناقش الماجستير وحسن بدى قراية هنا واتفقنا كلنا بعد مانكمل الماجستير اننا نرجعو لليبيا انا وخوتي محمد ومرته لان محمد يبي بنته تكبر على عادتنا ودينا قال ان البنت صعب تتربى والانفتاح اللي قدامها عكس الشاب وغير ذلك هو و فرح يفكرو في بيبي جديد وحسن وماهر وانا اما باتي وامي ممكن بعد سنة او اثنين يلحقو علينا لان تعبنا من الغربة وفي نفس الوقت بنعطو فرصة لباتي وامي يعيشولهم يومين برواحهم وكملت الماجستير وناقشته وخذيته بتقدير جيد جدا وجاء يوم رجعتنا ولقينا احمد يستنى فينا في المطار هو واهل فرح وروحنا كلنا لحوش اهل فرح بعد ما اصرو ان الغذاء عندهم وتغذينا عندهم وروحت انا وخوتي وخلينا محمد مع مرته عند اهلها وفرحت عمتي زينب بينا واجد وطبعا انا سكرت سنتين غايب نعتبر الله على السنين قديش تجري
احمد.. بنغازي نورت والله
حمزة ..بهلها يا احمد
سامحني تعبتك معاي السنتين هذين
احمد.. عيب يا راجل ماتقولش هكي نحن رفاقة مش من تو
حمزة ..ربي يحفظك
ماهر .. وين ڤيلتك يا حمزة
حمزة .. لاصقة فيكم من لوراء
حسن .. حمزة انت مش قلت بتبيعها
حمزة ..كنت لكن تو لا وحتى كان تزوجت مش حنسكن فيها
ماهر ..ليش
حمزة ..ليا اسبابي
وسرحت في ذكرياتي شنو بنقولك ياماهر اني بنيتها باحلام زمرد وكيف ماتبي كيف بندخل مرا ثانية فيها وكل حاجة فيها زي ماتبي هيا والله اني نفكر نبيعها ويسكنو فيها ناس ثانية
حمزة ..بالله احمد شوفلي شقة قريبة من هنا
احمد.. ساهلة هذي شن رايك ناخذلك الشقة اللي مقابلتني فاضية وصاحبها بيبعها
حمزة ..تمام بدون تفكير عمارتك حلوة وهادية وقريبة من خوتي
احمد ..خلاص هي عطوني الاذن تو وبكرة تجي للشركة حمزة
حمزة ..والله ماني عارف
احمد.. لكن راك تنسى بكرة بنتلاقو نحن والعميل في مطعم ***** لانه مهم ولو اتفقنا معاه حتربح الشركة واجد من وراه
حمزة ..خلاص تمام الساعة كم
احمد.. الموعد عشاء 8 في الليل
حمزة ..تمام
أنت تقرأ
( سلسلة البيوت اسرار) الجزء الثاني بعنوان رائحة الروح
Storie d'amoreوجع و خيانة وحب والم وفراق واختبارات ياترى هل سوف يكون لقاء وسعادة ام يكون الفراق هو المكتوب.. حياة التنزيل يومي بإذن الله
