لاحلى متابعات على الفيس فصل اضافي مني ليكن
#رائحة_الروح
الفصل الثاني
يبدو لي ..
انك خلاص ساكن الروح وفي
مني تمكن داك
يبدو لي ..
كل الحياة تميت وع الفكر كله ياعزيز طغيت
وروحي نسيت وقلبي ملكته وتقول ماهو لي
نسرح مع طيفك اوقات بقيت
وغيرك عيوني ماتشوف ف شي
مني تكمن داك
..................
(حمزة)
حمزة ..امري لله يا احمد
وسافرت ومشيت اطمنت على امي والحمدلله حالها كويس
ياسمين ..عليش متعب روحك وجاي
حمزة ..معقولة يا امي نعرف انك مريضة ومانجيش انشوفك
ياسمين ..انا كويسة ياولدي هكي بتعطل روحك على قرايتك وشركتك وباتك يلقاها عليك سبلة بيش يخليك هنا وانت ماتبيش تقعد هنا
حمزة..ماتخافيش يا امي وبعدين تولع الدنيا ولا قلبي يقعد مشغول عليك
ياسمين..نعني مانفقدك ديمة انقول انت اغلى عيالي كلهم
حمزة ..عارف يا امي وياريت نقدر نرد لو شئ بسيط ملي درتيه لنا ونمحي نظرة الحزن اللي في عيونك
ياسمين بحزن..ياريت فيدك ياحبيبي ياريت
حمزة بثقة ..غير قوليلي والله اندير المستحيل ولو كان باتي السبب
ياسمين بحب..باتك هذا هو اول الاسباب اللي مهونة عليا وبعدها انتو ربي يحفظكم لي يارب
حمزة ..يارب يا امي ويريح قلبك ويوصل الضحكة لعيونك
ياسمين وبتغير الموضوع ..ها مازال لتو مافيش حاجة هكي ولا هكي
حمزة..شكله قريب يا امي
ياسمين ..احكيلي كيف شكلها وشنو اسمها
حمزة ..والله مازالت مانعرف عليها حاجة غير نرجع لليبيا واحمد يكون جمعلي عليها معلومات لكن شكلها صاروخ ارض جو
ياسمين ..شنو صاروخ تحشم يامعفن
حمزة ..والله كان تشوفيها انت الولية لدنك طايحة في غرامها
ياسمين..حي على امك حي هذي ماعرفتش عليها حاجة وتحكي هكي امنا كان تعرفها كويس شنو ادير
حمزة ..مش عارف يا امي مش كنت ديمة نقولوكم لما بنتزوج نتزوج زواج تقليدي لكن على سبتها بنغير رايي وبنعشق وبنحب
ياسمين ..ربي يفرح قلبك يارب
حمزة ..امين يا امي امين
خليني نعدي نشوف حسن ونحكيله كنهدا حيزعل مني وماعاد نخلص منه
ياسمين ..ربي يخليكم لبعض يارب والله ببعدك عليه متاثر واجد وتخيل بمجرد ماباتك قاله لو نجحت السنة هذي بتقدير كويس حنخليك تكمل قرايتك في ليبيا مع حمزة ومن كثر ماهو متعلق بيك ومش قادر بعدك يقرا صبح وليل
حمزة ..والله حتى انا نحبه واجد طبعا غير الغلا ماهر
وطلعت حكيت مع حسن على زمردتي وضحك عليا رغم صغر سنه لكن عنده عقل يوزن بلاد ولعبت مع ماهر وكسدت مع خوي الكبير ولعبت مع بنته ياقوت اللي حسيتها تشبه واجد زمردتي لان فرح متوحمة على صاحبتها الاوكرانية وماطولتش وعلى طول روحت والاسبوع اللي سافرته زمرد ماغابتش عن بالي بكل
حمزة ..ها يا احمد جمعت معلومات عليها
احمد..اه اهم معلومة انها مش مرتبطة والشاب اللي شفناه معاها خوها
حمزة ..مع انه مايشبهش ليها لكن تحسهم من نفس الدم ... انا بنطلع عندي محاضرة وبعدها بنشوفها اللي خطفت قلبي من اول مرة
احمد..غير استنى خوذ باقي المعلومات
حمزة ..اهم معلومة هذي والباقي تو نعرفهن هي سلام
أنت تقرأ
( سلسلة البيوت اسرار) الجزء الثاني بعنوان رائحة الروح
Roman d'amourوجع و خيانة وحب والم وفراق واختبارات ياترى هل سوف يكون لقاء وسعادة ام يكون الفراق هو المكتوب.. حياة التنزيل يومي بإذن الله
