#رائحة_الروح
الفصل السادس
(حمزة)
حسن ..بالك حاط عينه عليها او يبيها وهي ماتبيشي
حمزة.. اذا ماتبيشي ليش جاني
حسن ..مرات هو اللي يبيها وهي ماتبيشي ويسحابك انت او عقله المريض صورله انك انت السبب
حمزة ..ممكن اهو احمد الاتصال جمع
احمد..اهلين يا رفيق
حمزة ..اهلين بيك
احمد..اوووه نبرة صوتك مختلفة معناها وصلت لحاجة كويسة
حمزة بضحكة ..ماخانتنيش يا احمد هي كانت تحكي معاه على اساس بنت
احمد..كيف عرفت
وحكيت لاحمد كيف عرفت انه هو اللي ضاحك عليها ويحكي معاها على اساس انها بنت
احمد..خزي هالمعفن والله احسابه عندي
حمزة ..رد بالك هذا خليه ليا
وفوته تو هذا مش موضوعي نبيك في حاجة
احمد..خير ان شاءالله
حمزة ..انا كيف بنبرر موقفي لزمرد شنو بنقوللها وليش سكرت عليها وليش معاش كلمتها
احمد بعد تفكير ..قول ان الخط بينك وبينها انقطع خصوصا انت هذاك اليوم قلت لي ان التغطية كانت زفته وانك ما اتصلتش بيها لانك كنت مسافر ولهيت شوي عليها ومثلا قول انك لقيت امك مريضة
حمزة ..ضنك هكي
احمد..خير ماتقول ليها انك كنت متهمها بالخيانة وشكيت فيها وصدقت الكلام عليها بدون هي ما ادافع على روحها مع ان مرات نوع زمرد يمشي معاها الحق
حمزة ..عندك حق لا مانيش قايل شئ
وفعلا اتصلت بيها وقلت ليها زي ماحكالي احمد والحمدلله ماشكت في شئ ومشى جو يهبل بيني وبينها وروحنا لليبيا انا من اوكرانيا وهي من فرنسا اللي مشو ليها بعد مصر وبدت القراية وهي في سنتها الثانية والاولى خذتها بتفوق حبيبتي شاطرة عاد ويوم رايفت عليها وقلت بنمشي ليها فجيتها في الجامعة ولقيتها هي وصاحبتها ومعاهن البارد والحيوان اسامة وعطيته طريحة نباش القبور وكان ماحزوه مني راه مات بين ايديا وماقلت شئ لزمرد لاني شنو بنقوللها فبعد ماحزوه مني روحت طول ومشيت لاحمد
احمد..ليش درت هكي يا حمزة
حمزة بعصبية ..كيف ليش درت هكي
احمد..انت هكي فتحت على روحك باب انت في غنى عنه وتو تشوف وقول احمد قالي
حمزة ..احمد مش فاهم عليك وضح
احمد..تو لما ضربته يافالح ولما زمرد تسئلك ليش ترا قولي يا ذكي زمانك شنو بتقوللها ترا وهو اخ صاحبتها
حمزة ..مش عارف لكن اني نسكتله مستحيل والفترة اللي فاتت لما سكتت مش متعمد غير ماجاش قبالي بس وبعد ماحقيته والله لو بيصير شنو ماني مخليه
احمد..ربي يهديك يا راجل
حمزة ..اسكت زمرد تتصل شكلها روحت للحوش
زمرد ..اهلين حبيبي
حمزة ..اهلين بيك
زمرد.. شنو اللي صار اليوم وانت اصلا ماقلتش ليا انك جاي وعليش ضربته
حمزة ..حبيبتي حاجة بين الشباب مش لازم تعرفي وبنقولك خوذيلي موعد مع باتك معاش بنصبر اكثر من هكي ومالكش دعوى نعرف كيف نقنعه وبعدين انتي خلاص خشيتي 19
زمرد بفرحة ..حاضر ياحبيبي بس بكرة تقولي ليش ضربت اسامة
حمزة ..
..............................................
(سيلين)
عماد ..عليش البكا ياحبي وانتي عارفتيني مانحبش نشوف دموعك
سيلين .. حسيت بفراقهم
عماد بحب ..ماهو اني وعدتك امتى ماتبي تمشيلهم نرفعك وحتى لو تبي من غدوة نرفعك
سيلين ..ربي يخليك لي
عماد..هي نوضي غيري دبشك وروقي لان بكرة بنسافرو اسبوع او اسبوعين زي ماتحبي
سيلين ..وين
عماد ..لتونس
سيلين ..الله عمري ما مشيت ليها
عماد..عارف لاني سئلت مالك قبل بنمشو لتركيا لكن لما سئلت مالك قالي ماشية ليها اكثر من مرة وماتحبيهاش هلبة ولما قلت ليه اقترح ليا بما انك ماشاءالله ماشية لبلادات هلبة فقالي تونس ديمة خاطرك تمشي ليها لكن ماسخرش ربي
سيلين ..ربي يحفظك يارب
أنت تقرأ
( سلسلة البيوت اسرار) الجزء الثاني بعنوان رائحة الروح
Roman d'amourوجع و خيانة وحب والم وفراق واختبارات ياترى هل سوف يكون لقاء وسعادة ام يكون الفراق هو المكتوب.. حياة التنزيل يومي بإذن الله
