'Wag TULAran (Mga Tula)

Lumayo

Maayos ka

Maayos ako

Maayos tayo

Ngunit sa biglaan mong paglayo

Relasyon natin ay humantong sa ganito.

Sa hindi ka nagkulang

Ngunit iyon ay kinakailangan

Ang lumayo upang hanapin ang kasiyahan

Na 'di mo inakalang nasa harapan mo pala ang magdadala sa iyo sa kaharian.

Habang pinagmamasdan ang iyong pigurang papalayo

Unti-unti nawawalan ng kulay ang aking mundo

Na kung saan ikaw ang nagdala ng kulay nito

At bumuo sa mga kulang at nawawalang piraso ng puso.

Hayun ka

Nakaalis na

Kahit masakit ay kinakailangang tanggapin

Na may iba ka na at kailangan mo na akong lisanin.

Ngunit bago ka makalayo

Bigla kang papalingon sa gawi ko

Sumilay ang pagdududa sa mukha mo

Kung kaya't ako'y nilapitan mo.

Nagtanong ka kung mahal kita

Sumbat ko sa iyo ay noon pa

Hinintay ang iyong sagot

Ngunit bigla kang nalungkot.

Sabi mo,

pasensya na hindi ko na kaya

Ang ilihim pang may gusto na akong iba

Pero salamat dahil pagmamahal mo ay iyong ipinakita.

Kumalas ka sa pagakakahawak

Bumitaw ka na nga ng tuluyan

Tumalikod ka at tinahak na ang daan

Daan kung saan alam mong doon mahahanap ang kasiyahan.

Pinalaya kita ng maayos at walang pag-aalinlangan

Tinaggap ang realidad na kailan man ay di matatakasan

Tuluyan kang lumayo ngunit sa isipan ay napuno ng katanungan

Bakit kung saan ka na masaya doon ka naman iiwan.

Ang sakit lang sa pakiramdam

Na ang dating kasama mo

May iba na palang kasa-kasama.

Nagmahal

Nasaktan

Iniwan

Ngunit sakit ay naghilom.

Masayang tinanggap na wala na talaga

Dahil may iba nang sa akin ay nagpapasaya

Ngunit bigla kitang nakita

Sa harapan ko lumuhod ka.

Humingi ng patawad sa harapan namin ng mahal ko

Ginusto mong mapatawad kahit wala iyon sa utak ko

Nagmakaawa ka na babalik ako sa iyo

Ngunit walang dahilan pa para ika'y tanggapin pa ulit sa piling ko.

Ipinamukha mo sa akin noon na ako'y wala lang

Ngayon bumabalik ka na na parang wala lang

Matapos mo akong ipagpapilit tatanggapin pa ba kita ulit

Dahil kapag nakikita ko ang pagmumukha mo ay binabalik lahat ng sakit.

Hindi na pala napigilan

Tumulo na nga ang mga luhang iniingat-ingatan

Hindi na muling magdadalawang isip na ika'y balikan

Dahil alm kong alam mo rin na may mahal na akong iba.

Lumayo ka dahil mas mahal mo siya

Ngunit nagbalik ka dahil mahal mo pala ako

Ngayon gusto mong magbalikan tayo

Ngunit maling-mali na kung babalikan pa natin ang pag-iibigan nating binitawan mo.