DUMILIM ang mundo ni Rebecca nang wasakin ng lapastangang mga bampira ang kanyang pamilya. Pinatay ng mga ito ang kaniyang ina. Upang isalba ang sarili, sa murang edad ay natuto siyang makipaglaban. Hanggang sa napadpad siya sa grupo ng mga hybrid na bampirang katulad niya. Iniligtas siya ng isang miyembro ng grupo, kinupkop at binihisan.
Sa kanyang bagog buhay ay nakilala niya si Symon Franco na anak ng tatay-tatayan niya, at isang maabilidad na hybrid. Halos sabay silang lumaki at kapatid na ang turing sa kanya ngunit para sa kanya, hindi ito puwedeng maging kapatid lang. Maraming katangian ang binata na labis niyang kinahuhumalingan, hanggang sa hindi niya napigil ang sariling umibig dito.
Ngunit isang nakaraan ng binata ang dahilan kung bakit hindi niya makuha ang puso nito. Ginawa niya ang lahat subalit kung kailan unti-unti na niya itong napapaibig ay isang bangungot ng nakaraan nila pareho ang matutuklasan na siyang sapilitang sisira ng lahat.
Handa ba siyang manindigan gayung alam niya na hindi siya karapat-dapat para magmahal?
es
