Eighteenth Day of August (SLOW UPDATES)

Chapter 7: Quiestas

Nanlaki ang mga mata ko ng maramdaman ang paggalaw ng aming mga labi

Nakapikit siya at hinapit ang bewang ko para mas madikit sa kanya

Agad akong kumawala at tumayo

Tumakbo ako pababa ng hagdan para yakapin ang lalaking ito pero hindi ko sinasadyang matumba siya at maglapat ang aming mga labi

Napahawak ako bigla sa aking labi

Pakiramdam ko ay talo ko pa ang kamatis sa pagkapula ng mukha. Bakit parang biglang uminit rito?

"Binibini"

Umatras ako ng magsalita siya

"Hindi ka si Alji" sambit ko at napahawak sa isang mesa

"Pangalawang beses mo na sinabi ang ngalang iyan binibini, hindi ako ang taong binanggit mo. Gusto kong pormal na ipakilala ang aking sarili" sabi niya at bahagyang hinawakan ang kanyang labi at ngumisi. Malayong malayo sa ugali ni Alji

"Ross Quiestas, ang pangalawang anak ni Ricardo at Susana Quiestas na nagmamay-ari ng lugar na ito" sabi niya at bahagyang yumuko

"Ikaw binibini? Ano ang iyong pangalan?" tanong niya

"Augusta Katherina Constantino" sagot ko

Ngumiti siya, si Alji ba talaga siya? Iniisip kong siya nga talaga, ang naiba lamang ay ang kasuotan. Inabot niya ang aking kamay at dinala iyon sa kanyang labi para hagkan

"Kinagagalak kong makilala ka binibining Augusta" sabi niya

"Austin na lang ang itawag mo sakin" sabi ko at umiling siya

"Mas gusto ko ang Augusta o di kaya'y August"

Natulala ako

Alji

Siya lang ang tumatawag sakin ng ganoon

Sabi ng lalaking ito ay hindi siya si Alji, Ross Quiestas.

Nabalik ako sa ulirat ng may tumikhim

"Mama" sabi ni Alj-- Ross

Nakita kong pababa ang isang sopistikadang ginang

Tinignan niya ako mula ulo hanggang paa

Kinabahan ako at napalunok

"Ross, hindi mo man lang ba ako ipakikilala sa iyong nobya?"

"Ah h-hindi po kami--" pinutol niya ang sasabihin ko

"Ang anak ko ang kausap ko hija" sabi niya at napayuko na lamang ako

Bigla akong hinawakan ni Ross sa balikat at sinabing

"Mama, si August. Ang aking nobya. August, si Doña Susana Quiestas, ang aking ina" sabi niya

Napatingin ako kay Doña Susana

Ang kaninang nakakakabang tingin niya ay nabago na, ngayon ay nakangiti na siya sa akin.

"Ipagpaumanhin mo August kung natakot kita. Nais ko lamang na makilala ang magandang binibining hinagkan ng aking anak"

Nanlaki ang mata ko at magpapaliwanag sana ngunit tinakpan ni Alj-- Ross ang aking bibig

"Hmmp"

"Mama nais ko sanang ipakita kay August ang ating hardin" sabi ni Ross

"Matutuwa ka pag nakita mo ang aming itinanim na makukulay na bulaklak roon" sabi ni Doña Susana