Nalika udan kandheg ing pucuking wengi
Lon-lonan sumilaking mega jumedhul sang sitoresmi
Ing tawang katingal padhang hanerawang
Sumebar kerlap kerliping lintang
Eling marang manis esemmu
Jatmiko solah bawamu
Nalika nggandheng tanganmu
Mekar kembang katresnan jroning kalbu
Gilir gumanti wektu trus lumaku
Anggone sesambungan rasa kudu pepisahan
Aku mung bisa pasrah nglilakke lungamu
Anggonmu kepengin nggayuh gegayuhan
Swasana sangsaya katon sepi
Semilir adheme angin wengi
Secangkir kopi dadi kanca sejati
Nggujengi kakune ati
Abure konang metu saka pandhelikan
Saya ngambara jroning alam palamunan
Ngendhem rasa setya marang janji
Tansah ngenteni anggonmu bali
************
Dinginnya malam membuat galau..
😁😁😁
Pakshe
KAMU SEDANG MEMBACA
Kumpulan Geguritan
PoetryKumpulan berbagai tulisan tentang puisi-puisi berbahasa jawa. Seperti ungkapan "membaca adalah jendela dunia" Karya anak bangsa dengan harapan dapat membantu mengembangkan budaya literasi semoga bermanfaat untuk negeri. Silahkan baca JANGAN LUPA VOT...
