Nalika sepi kandheg ing pucuking wengi
Nambahi kekes jroning ati
Nglaras rasaku nyawang lelakoning uripku
Dak piyaki lembar-lembar kenangan
Priya kang nate cumondhok ing pojoking ati
Tau nyirami kembang-kembang katresnan
Saiki wus ora ana
Pelangi atiku wus sirna kegawa ngimpi
Angen-angenku kepunggel ing gunem
Sliramu medhot talining asmara
Gawe tatu ngrerujit ati
Dak sawang langit wengi iki
Katon sepa... samun...
Lintang sumebar dadi kembanging tawang
Ora bisa gawe bungah rasaku
Wulan purnama kang nedheng kekalang
Ora bisa madhangi atiku
Sambatku ngrerintih marang angin wengi
Supaya bisa amberat pedhut jroning ati
Aku tansah hangadhang tetesing embun
Ing pamrih bisa nelesi ati
Dene wus sawetara wanci kasatan rasa
Bisaku amung pasrah tumadhah angon kalamangsa
Kapan titimangsane ati kang sepi antuk usada
********
Pakshe
Geguritan patah hati. semoga berkenan membaca..
saya sangat menghargai vote dari anda.. terima kasih
😊🙏
KAMU SEDANG MEMBACA
Kumpulan Geguritan
PoetryKumpulan berbagai tulisan tentang puisi-puisi berbahasa jawa. Seperti ungkapan "membaca adalah jendela dunia" Karya anak bangsa dengan harapan dapat membantu mengembangkan budaya literasi semoga bermanfaat untuk negeri. Silahkan baca JANGAN LUPA VOT...