Gilir gumanti rina lan wengi
Ora krasa setahun wus lumadi
Susah seneng ngguyu mbrebes mili
Kabeh dilakoni
Ombaking panguripan
Gebyaring kahanan
Sak kedheping netra
Saiki amung dadi crita
Wektu ora bisa bali
Dina kepungkur amung dadi tutur
Muga dadiyo tolok ukur
Kareben bisa diatur
Anjangka angen-angen luhur
Mahargya taun anyar
Langit wengi katon asri
Perciking geni cumlorot wutah ing akasa
Byar padhang sumunar
Gawe suasana bingar
Kemriciking banyu nelesi bantala
Kasambut endahing baskara madhangi donya
Dadya embun nyenyeger suasana
Lembar anyar binuka
Reroncening angen-angen ngumbara
Mula...
Tansah angidung mantra
Ndedonga, reresik jiwa
Warsa enggal kang teka
Binerkahan sang Maha Kuwasa
KAMU SEDANG MEMBACA
Kumpulan Geguritan
PoetryKumpulan berbagai tulisan tentang puisi-puisi berbahasa jawa. Seperti ungkapan "membaca adalah jendela dunia" Karya anak bangsa dengan harapan dapat membantu mengembangkan budaya literasi semoga bermanfaat untuk negeri. Silahkan baca JANGAN LUPA VOT...
