#ذات_إنتفاضهه5
،فجأهه اسمع صوت خالي ياسر بقول "ابشري ي امي ابشري،"قالت ليهو في شنو ي ولدي خير إن شاءالله البشارة لي شنووو؟قال ليها بت بتكك عقدنا ليها اسي،قالت ليهو الليله وووووووووووب عقدتو ليها لمنو ؟قال ليها زول كويس واخلاقو عاليه وم فيهو كلمه،قامت على حيلها قالت ليهو بصوت عالي عقدتو ليها على منو إتكلم قولته ليك؟قال ليها على سعد،قالت ليهو سعد ود فتحيه؟قال ليها اااي،زغردت بصوت عاااالي بعدها قالت ليهو والله كان زول غيرو كان حرقتكم انت وابوك لكن طالما سعد والله م فيهو قول خلقه واخلاق ،
انا كنت واقفه وبسمع في الكلام دة كلو واعصابي تلفت لدرجه انو خليت طرقه الكسره تحرق في الصاج،حبوبه جاتني جاريه قالت لي ابشري ي بتي ابشري عقدو ليك على ولد هدي ورضي م فيهو ولا نضمه والله العظيم ،انا واقفه ودموعي جاريه مسكتني قالت لي ي انتي عويرة ولا شنو؟مسحت لي دموعي وحضنتني قالت لي شوفتي ربنا بعوض بالأحسن كيف؟تعالي ي رحمه عوسي الكسرة دي يلا بسرعه،جات عمتي رحمه قالت لي الباكيه ليها شنو كلنا عارفين الزير وغطاه وعاينت لي من فوق لي تحت وقالت لي الحركات لزومها شنوووو؟؟إتستغربته من كلامها طبعا،حبوبه قالت ليها ها عوسي الكسرة ، تعالي ي بتي قعدتني جمبها وبقتت تتكلم معي على اساس انها تطيب خاطري وم ازعل وتقنعني وكذاا،فجاهه جات هبه جاريه وتزغرد ،بقيت اعاين ليها،قالت لي حبوبه مبروووك مبروووك ي حبوبه والله م بتتخيلي فرحته قدر شنو😍قالت ليها ي بتي الله يبارك فيك ياخي عقبال م نفرح بيكم تلاته انتو كمان💜قالت ليها اللهم امييييين💜وانا ببكي هبه قالت لي حبوبه دي دموع الفرح بس ي حبوبه م مصدقه انو عقدو ليها على سعد،حبوبه بقت تضحكك،فجأهه خالتو فتحيه جات داخله معاها نسوان اولادها شايلين جردل عصير وحلاوة وبلح وبقو يباركو وسلام ببشاشه وكدة وانا عجين الكسره في يدي ورجولي وجلبابي منتن،حبوبه قالت لي اجري استحمي وغيري معليش ي فتحيه ي اختي فاجأؤنا اسي والبت كانت بتعوس،خالتو فتحيه قالت ليها العفوو على شنو ي عشهه ي اختي شهد بتنا وباي شكل كان تتشاف سمحه 💜🔥
م بين ليله وضحاها ومن غير م احس حتى لقيت نفسي في عصمه راجل تاني،م عارفه بس الإحساس الإتولد جواي وخلاني ارضى بالواقع هو انو انا بقيت حمل تقيل على ناس حبوبه وجدي وخالي ياسر واظن هم م قدر الحمل دة عشان كدة عقدو لي بالإسلوب دة والا م كان حيعقدو لي وانا في اكتر فترة متأزمه فيها نفسيا ،إتطلقته فيها وخسرته فيها امي وابوي وهم حاسين بالصراع النفسي الأنا عايشاهو وبكل بساطه عقدو لي،قولته لنفسي يمكن علشان قاعدة معاهم في بيتهم وإفتكروني زيادة عدد وحبو يتخلصو منو،لو قعدته في بيت ابوي م كان دة حصل ولا كان خالي ياسر إتصرف كدة اصلا انا كنت حاسه انو قعدتي مع حبوبه مضايقاهو لانو كل الوقت زهجان وينهر فيني مع العلم انو زمان ابدا م كدة معي انا بالذات😭💔قضيت الليل داك كلو بكى وم عرفته بعداك الحصل شنو ولا حبوبه وخالتو فتحيه اتفقو على شنو الشي العارفاهو انو انا إكتئبته اكتر وبقيت مرعوبه اكتر ،من تجربتي الأولى الزواج بالنسبه لي مصدر رعب م حاجه تبسط ابدااا قولت لنفسي م عارفه الناس بتنبسط كيف لما تجي سيرة العرس وهو في الحقيقه موت بالبطيئ💔
بعد يومين جات خالتو فتحيه نحن كنا بنفطر سلمت علينا وجابت حجات كميه قالت ديل حجات الحبس،
