،ويا ابوي ابشركك الممطورة م بتبالي من الرش ،قال ليها امي لو م دخلتي مني الولد دة جوة انا برصصو،يمين بالله ارصصو،عمتي عواطف قالت ليهو برضاي عليك تعال معي ي احمد،جروهو هي وعماتو طلعوهو غرفتو وقفلو الباب،وابوهو على طول طلع
في الغرفه احمد امو وعماتو بتكلمو معاهو ،قالو ليهو ليييه ي ولدي،المطلعك شنوو؟داير تموت انت؟قال ليهم قدامي ناس ماتت دمهم م ارخص من دمي وبعدين الموت دة واحد حتى لو م طلعته ولا شاركته في مكاني بجيني،امو قالت ليهم خلوهو اصلا انا م والدة عيال انا والدة مناعيل،حبوبه جات داخله قالت ليهم امشو جيبو ليهو مويه حاره اعملوها ليهو في جسمو دة م شايفين الولد دة جسمو عامل كيف،امتثال قالت ليهم انا عندي مرهم بتاع جروح دقيقه اجيبو ليهم،قال ليهم م عايز اي شي انا خلوني واطلعو بس،حبوبته قالت ليهو بنهرة اسككككت هسسس ولا كلمه بلاش قله ادب معاك،امكم وابوكم ديل جبتو اجلهم عيال مناعيل قليلين ادب لكن انا تاني واقفه ليكم بالمرصاد،
رجعته اوضتي وقفلتها علي،وهم قاعدين تحت صهيب جا داخل سلم على امو وعماتو وحببوبه وقعد يتونس معاهم،قال ليهم محمد واحمد وين؟هيا قالت ليهو احمد دة فوق ومحمد مافي،واحدة من عماتو قالت ليهو اخوك احمد اظن كانو معتقلنو في المظاهرات واسي ابوك جا فكاهو،قال ليها احمد طلع مظاهرات؟لشننووو؟قالت ليهو والله ي ولدي علمي علمك امشي شوفو فوق اتكلم معاهو عليك الله ي ولدي عقلو وهديهو،قال ليها كدة دقيقه،طلع فوق غرفه احمد لقى امتثال بتمسح ليهو في جسمو بقطعه قماش،قال ليهم السلام عليكم،امتثال قالت ليهو اهلين صهيب،قال ليها الحاصل شنو،احمد انت جنيت البطلعك المظاهرات شنو ي ود انت عاقل كدة؟؟احمد قال ليهو صهيب عليك الله م تنق انت كمان داير تتكلم معي في الموضوع دة احسن تسكت،صهيب قال ليهو انت داير تموت؟عاارف انو الناس دي م بتتفاهم واليوم في شهيد مات ،امتثال قالت ليهو انت جادي ي صهيب الليله مات واحد؟قال ليها رويال كير اسي على بكرة ابيها محاوطه بالمتظاهرين قبل شويه كنت على شارع ال60 جيت عايز امشي لمحمد دة اتصلته عليهو حكى لي الحاصل،احمد قال ليها كدة ي امتثال،نزل فتح دولابو لبس ليهو قميص وبنطلون ،امتثال قالت ليهو ماشي وين؟قال ليها ماشي وين كيف يعني؟اعتصام في رويال يعني حمشي وين اكيد لاحقهم،قالت ليهو احمد الله يهديك،صهيب قال ليها خلي خلي الا يموت ولا يفقد عينو ولا طرف من اطرافو حتى يرتاح،احمد طلع خلاهم،نزلت وراهو امتثال بقت تقول ي عواطف امسكي ولدك شوفي ماشي وين،طلع ولا اشتغل بيهم وكلهم طلعو وراهو يتكلمو معاهو ي احمد ي احمد ي احمد كأنو الإسم م إسمو ركب عربيتو وإتحرك،امو جات قالت لصهيب اللحقو ي صهيب اللحق اخوك دة بموت والله شايفهه موتو دة بعيني عليك الله اللحقو😭💔قال ليها طيب طلع جرى وراهو،قالت ليها امتثال جيبي لي تلفوني دة،جابتو ليها اتصلت على محمد،م برد،فضلت تتصل كتير وهو م برد،قالت ليهم دة كمان م برد جيب العواقب سليمه ي الله ،واحدة من عماتو قالت ليها م بحصل ليهم شي ادعي ليهم بس ربنا يحفظهم 💜
