،قال لي هدا انا متصل عليهو ،قولته ليهو اي كلمو قول ليهو شالو منها غصب،إتحركنا وانا ببكي وبقول ي ربي ليييهه م كاتب لي الفرح في حياتي دي،لييييهه م كاتب لي دوام الحال بس كل م اقول خلاص الدنيا دي بدت تضحكك لي بحصل العكس وبتجوط اموري وبترجعني لنقطهه الصفر😭😭💔
في الجانب التاني عمو البواب بتكلم مع صهيب قال ليهو ساقو ولدها وهي ابت ركبت في البوكسي وراهو قالت لي اكلمكك ،اي ولدي اسي الكلام دة حصل ،والله انا كنت مافي لاقيتهم في الباب ومرتك كانت تصرخ بأعلى صوت ليها زول إشتغل بيها مافي،خلاص كويس...
صهيب قفل الخط وكان قاعد مع زول قال ليهو عن إزنك حاصله مشكله في البيت وإتصلو علي ضروري امشي وطلع مستعجل،وهو طالع إتصل على خالي التاج لقى تلفونو مقفول فضل يتصل ويتصل برضو تلفونو مقفول طلع ركب عربيتو وإتحرك
في الجانب التاني علي كان طاير طير بالعربيهه وانا الهواء بتاع الشارع والغبار والحر كلهم كانو في وشي،شلته الشارع داك بكى،بكييييييييييييييت كدة لمن راسي وجعني وهم ماشين كل م نلاقي نقطه بتاعه تفتيش العساكر بعاينو لي بمنظري دة بقولو لي اركبي قدام بقول ليهم لالا هنا احسن ،بعد م عدينا التفتيش حتى إستوعبته إنو كان ممكن ابلغ عنهم فيهو😭😭😭فضلنا ماشين لغااايه م دخلنا الحلهه بعد المغرب وقفو عربيتهم نزلته منها بقيت ادق ليهم في باب البوكسي واكورك فيهم واقول ليهم ادوني ولدي،ادوني ولدي قلتهه ليكم،علي نزل وفتح الباب شال كريم من عمتي وعمي الطيب نزل،مشيت على علي قولته ليهو اديني ولدي بقيت اقلع فيهو لزاني رماني وبقى يدق في الباب جات مرتو فتحت داير يدخل مسكتو من جلابيتو قولته ليهو ماشي بي ولدي وين م بتشيلو مني والله قال لي مرتو امسكي الولد دة ادخلي بيهو جوة شالتو منو،قال ليها قولته ليك خشي بالجنى دة جوة "بنهرة"دخلت ،عايزة ادخل مسكني من الباب قال لي ماشهه وين؟قولته ليهو دايرة ولدي انت منو لمن تمنعني من ولدي،قال لي انا ابوهو،قولته ليهو ابوهو تحت التراب انت م ابوهو عارف ليهو شنو ي حيوان ي مقطع بعد شبعتهه في قروش ابوهو جاي تقول انت ابوهو؟عمتي فتحيهه قالت لي إحترمي نفسك ي بت هوي،قولته ليها انا دايرة ولدي انتو المفروض تحترمو نفسكم م انا،قالت لي ولدك دة تشمي قدحهه ،ناس الحله طلعو وبقو يسمعو في نقاشنا،قالت لي علي كدة زح يدك دي من الباب خليها تنبح المجنونه دي،زحت لي ولدها يدو ودخلت،وعمي الطيب برضو دخل ،قالت لي علي ادخل واقفل الباب ي ولد ،عايزة الزو لزاني وقفل الباب ،بقيت ادق في الباب بكل قوتي واصرخ واقول الليله والله ولدي دة كان نام عندكم الا اتحرك من هنا جنازة ،طلعو لي ولدي ،فجأة باب بيت اهلي فتح وجاتني حبوبه جاريه والناس ملمومه طبعا قالت لي بخلعهه وهجمهه شهههد؟في شنو ي بت مالك الحاصل شنو الجابك شنو هنا وجيتي متين؟قولته ليها تعالي شوفي البعملو فيهو اهل سعد ي حبوبه تعالي اتفرجي،الليله جو قلعو مني ولدي من بيتي غصبا عني وجابوهو هنا،قالت لي شنووو؟قولته ليها انا يشيلو مني ولدي ؟من عمرو يوم كان بعرفو ليهو شنو؟مأكلنو ولا مشربنو؟م اكلو وشربو من ورا دم ابوهو لغاايه م شبعو حتى عرفوهو ،الليله انا يجيني علي المقطع الما تامي راجل مع راجل يتقاوى علي انا ويشيل ولدي مني؟من حنيتو على ولد اخوهو يعني؟؟حبوبه قالت لي كدة تعالي ي بتي،قولته ليها م متحركهه من هنا انا لو م طلعو لي ولدي اسي دي انا دايرة ولدي،حبوبه بقت تدق في الباب وتنادي ،جو عماتي واخواتي الصغار يعني الشارع بقى ملان ناس،عمتي رحمه قالت لي عااد بالغو دة كلام شنو دة ؟بقيت ادق في الباب بكل قوتي واقول ليهم قولته ليكم طلعو لي ولدي،عمتي مسكتني،قولته ليهم ماف زول يمسكني دايرة ولدي انا وبس،حبوبه قالت لي اهدي ي بت م تتجنني فينا برواقه المشكله دي تتحل خشي البيت م تبقي فرجه،قعدته في الارض جمب الباب قولته ليها الليله انا من هنا م متحركهه للصباح قاعدة لو م الحراميهه الكلاب ديل طلعو لي ولدي ،ماكلين في خير ابوهو لمن بقو ناس ،ناسين نفسهم عملو شنو هم؟انا كان عرستهه عرستهه عشان الولد دة مش هم القالو لي عشان يعيش احسن عيشه ويتعلم احسن تعليم هناك عرسي وجبروني على العرس دة؟اسي بعد ولدي عاش احسن عيشه جاين يقلعو مني؟ناسين انهم عرسو لي ولد سيد الشركه الإتسببو في تيتيم ولدي ؟ناسين انهم سكتو على دم ولدهم والميته الشينه المات بيها عشان القروش؟ديل اهل ديل هم؟بتعدي 6شهور 7شهور زول بتصل بقول اشوفو حي ولا ميت مافي بعرفو ليهو شنو هم؟حبوبه بقت تدق وتقول ي فتحيه،شيخ الطيب،افتحو الباب دة ي جماعه الكلام دة عيب وشين في حقكم انتو ناس كباار ونحن ناس جيران واهل والعملتوهو دة م بعملوهو اهل ،م صح تبقو فرجه كان نسيتو حاج احمد ازكركم بيهو ي ناس هوووووي،ماف زول فتح ليها،قالت لي عمتي رحمه امشي شيلي التلفون دة إتصلي على التاج كدة خليهو يجي،،قالت لي قومي ي ...قولته ليها حبوبه م تقوميني م قايمه بدون ولدي انا،جال الحله حاولو يتدخلو وبقو يدقو في الباب وينادو على عمي الطيب وهو ولا كأنو سامع حاجهه،فضلنا قاعدين والناس كلها واقفهه تتكلم معي وانا بس بقول ليهم من غير ولدي م بتحرك ،قالو لي ديل برضو اهلو م بعملو ليهو شي ولدك،قولته ليهم ي ناس انا دايرة ولدي وبس م بتحرك من هنا بدونو يعني م بتحرك بس،ونحن قاعدين جا خالي التاج قال في شنو ي اخوانا،حبوبه قالت ليهو تعال ي التاج شوف البقت فينا،تعال شوف اخر م توصلو اليه ناس عمك الطيب مشو قلعو الولد من امو بالقوة وجابوهو ،قال لي ي بت شهد،الحاصل شنو؟قولته ليهو م عارفه شي انا ي خالي اللهم ولدي عند الناس ديل وانا عايزاهو وم ماشه بدونو،قال لي قلعو منك قلع عديل كدة كيف يعني،قولته ليهو ي خالي باب بيتي دق فتحتو لقيتهم فضلتهم وقعدته اتونس معاهم بخاطرا طيب قومو شيلو الولد بالقوة مني ماف اي سبب دي حرمنهه منهم ،قال لي اسكتي خلاص،قولته ليهو هم متين شبع...نهرني قال لي اسكتي مش ولدك بجيبو ليك م اسمعك تفتحي خشمكك دة تاني اووووعى،بقى يدق في الباب ويقول ي عمي الطيب،ي علي،إحتراما لي انو نحن ناس اهل وجيران وبينا عشرة سنين افتحو الباب دة خلونا نخت النقاط في الحروف ونشوف الحاصل شنو ونحلو،بعد مساافهه فجأة الباب فتح كان عمي الطيب ،خالي التاج قال ليهو دة شنو البتقول فيهو شهد دة ي حاج الطيب في شنو ي جماعه؟عمتي فتحيهه قالت ليهو الطيب قلته ليك اقفل الباب دة م عندنا ااااااي تفاهم مع الناس ديل نحن ولدنا وشلناهو،حبوبه قالت ليها قلتي كدة ي فتحيه؟م عيب عليك تهون عليك العشرة ي فتحيهه اخجلي ي فتحيهه،عمتي غتحيه قالت ليها اخجل من شنو بتكم هي التخجل من نفسها ومن عمايلها م نحن،خالي التاج قال ليها يمهه انا راجل واقف قصاد راجل وبتكلم انتي خليك ساكته،عمتي فتحيه قالت ليهو نحن كلامنا معاكم خلص ولدنا وشلناهو وقفتهه على حيلي عايزة امشي عليها خالي التاج مسكني قولته ليها ولدكم ،ولدكم انتو عارفين ليهو شنو؟؟متين بقى ولدكم؟ولدي انا الربيتو انا التعبته فيهو انتو منو اساسااا،عمتي فتحيه قالت لي انتي الربيتيهو؟انتي فاضيهه ليهو ي الزايعهه ي المطلوقهه؟حبوبه قالت ليها ي فتحيه إحترمي نفسك واحفظي لسانكك احسن ليكك،قالت ليها مالو كلامي غلط؟كضبتهه ،بتكم انتو عارفين ليها شنو م مشت من هنا لخبتت الدنيا دي كلها وصاتتها،اهل راجلها يشكو منها ويبكو بدمعتهم ،كان على عمها ابو راجلها م احترمتو،كان على ام راجلها م احترمتها،كان على راجلها تشيل وتضرب فيهو قدام اهلو م احترمتو اسمعي هنا النحدثك بعمايل بتكم،دة كلو خليهو على جنب وحوامتها وإنطلاقتها دي كوم تاني خالص م علينا بيهو لكن ولدنا؟ولدنا نحن م بنهمل فيهو ،ولدنا نحن م هامل ولا مقطوع من شجرة مخلياهو مجدوع24ساعه ومهملاهو للشغالات ،البضمن لينا سلامه ولدنا شنو؟هناك بتكم لافهه سااااااي وم سائلهه فيهو سؤال وانتو م جايبين للدنياخبر،طبعا انا مصدومه من البسمعو قولته ليها دي كلها تخاريف منكك وحسبي الله ونعمة الوكيل فيك محل م تقبلي ليوم الدين كان بهتيني وقولتي كلمه م فيني،قالت لي انا قاعدة معاك؟القاعدين معاك هم القالو الكلام دة عمتك دي ضربت عديل وقالت الكلام دة لحاج الطيب وقالت ليهو تعال شيلو ولدكم بالباب كدة اهل الراجل م دايرنو نحن هينين ولا لينين لمن بنخلي ولدنا للغرباء؟الكلام انا بقولو عديل ولا بدسو ولا شي وعمتك دي قالت بعظمه لسانها دايرة تعرس لولدها لانو انتي م بتنفعي معاهم قالتها بالباب كدة ي خسارة تربيه الأقاليم دي م المحريهه منها والله،قولته ليها بتقولي الكلام دة عشان دايرة تخربي لي بيتي،خالي التاج قال لي اسككتي قولته ليك،قولته ليهو دايرة تخرب بيتي وتوسخ سمعتي عشان بعد يطلقوني دايرة تعرسني لسامي ولدها بتقدري تنكري وتقولي م قولتي الكلام دة؟اخرب لشهد عشان اعرس ليها سامي،انتي بتعرفي للعشرة شنو؟كان بتعرفي للعشرة شي كان عاينتي لي علاقتي بي هبهه وم كان فكرتي تفكير عفن كدة،هبهه بت الهنا والسرور كان إستحمت تشربي مويتها طلعتيها كلام ساااي وحاولتي تخربي ليها بيتها عشان سامي يعرس فيها لكن سااااامي م راجل م زي الباطل الحاضناهو تحت دة،علي قال لي انا باطل؟قولته ليعو باااااااطل و60باااطل وكلب وعفن كمااان،جرى جاب عكازو وجا ،عمي الطيب قال ليهو علي ارجع ي ولد،لزة ابوهو وجا عايز يضربني خالي التاج مسكو قال،نتل خالي التاج ،وقفتهه ليهو قولته ليهو اهو انا واقفهه ليكك داير تعمل لي شنوووو يعني؟؟؟رفع العكاز وضربني بيهو بكل قوتو في كتفي النسوان بقو يصرخو الرجال مسكوهو ،بقى يقول ليهم فكوني خلوني اوريها انا باااطل كيف،قولته ليهو الليله وبكرة وبعد بكرة باطل وخااايب واسي اثبتهه بطالتكك دي ي العفن ي الما بتشبه الرجال،رغم الضربهه ووجعتها اتماسكتهه اصلي م صرختهه،فجأة اسمع صوت عمتي رحمه بتقول عمتي امسكي التاج ،امسكي التاج ي عمتي ووووووب علي وبقت تصرخ ،فجاة نشوف خالي التاج جاي جاري النسوان بقت تصرخ زيادة عاينته ليهو لقيتو شايل سكينو وجاي جاري ،حبوبه مسكتو قالت ليهو التاج الله والله لا،قال ليها يمهه فكيني ،الكلب دة يمد يدو على بتنا فكيني يمهه قولته ليكك ،قالت ليهو تسيل دم عشان موضوع زي دة،قال ليها يسيل بس ي امي ديل كلاب ديل م بعرفو للجيرة شي ،مسكتو قالت ليهو سمح ارميني انا جنازة اول الرجال إتقسمو بقو جزؤ ماسك خالي وجزؤ ماسك علي وانا شغاله ليهو م توسخ يديك في كلب زي دة ي خالي دة واحد م بعرف للرجولهه شي العفن دة ،حبوبه مسكتني قالت لي تعالي نشوف الضربه دي نمشي القسم نفتح بلاغ طوالي،عمتي رحمه قالت ليها دي نهايه عشرة الكلاب العواليق ي عمتي،قولته ليها حبوبه انا من هنا بدون ولدي م متحركههه،حبوبه بقت تقول للرجال السكين دي امسكوها من الولد دة م تخلوها عندو ،علي بقى يقول ليهم تتقاوى علي بسكين انا؟خالي التاج قال ليهو انت ي الخايب إتراجلته على مرة بعكاز ويدك المديتها عليها دي حرررم كان اقطعها ليكك ونحن في النقاش دة فجأة جات عربيهه وقفت وتاني جات واحدة،والناس ملمومهه كتيرة ،إتلفتو على جهه العربات،فجأة نسمع زول بقول السلام عليكم الصوت كان غريب،وبعدها يجيني صوت صهيب بقول السلام عليكم وجا على باب ناس عمي الطيب عديل ،طبعا انا م مصدقهه صهيب جا،صهيب جا بقيت اقول جواي كدة وماسكه كتفي بيدي التانيهه،م اتفاهم مع زول جا ماشي على طول قولته ليهو صهيب،جا مسكني قال لي في شنووو مالكك ؟طبعا الشارع مضلم لكن الانوار مولعهه،قولته ليهو جيب لي ولدي ي صهيب شالو مني😭😭😭😭مسكني وبقى كأنو ساندني في كتفو قال لي دقيقه وبعدها قال ي جنابو ،فجأة جا ضابط ومعاهو كم عسكري قال ليهو دة بيت الناس الانا فاتح فيهو بلاغ ،عمتي عواطف قالت ليهو فاتح فينا نحن بلااااغ؟ولشنوووووو؟عملنا شنو فاتح فينا بلااااغ؟الضابط قال ليها ي حجهه انتو مشيتو بيت الراجل دة وسوقتو ولدو ومرتو بالغصب ولا لأ؟قالت ليهو نحن م سقنا مرتو براها جات معانا والولد متين بقى ولدو دة ولدنا نحن لحمنا ودمنا شلناهو دة شي بدينا؟قال ليها دون رضى امو؟بدينكم طوالي،علي قال ليهو مش كان فتحته بلاغ والله ان جبته الجيش كلو الولد ولدنا وااااي بالقلع رجاااالهه شلناااااهو اها داير تعملو شنووووو؟الضابط قال للعساكر ارفعوهو في البوكسي من غير نقاش وكتر وكلام،وجيبو لينا الولد،عمتي فتحيه قالت ليهو اسمع هنا،قال ليها إتكلمي بإحترام معي انتي زوله كبيرة و انا زول بعمل في شغلي م تخليني اتكلم معاك فارغ ،علي قال ليهو انت ي زول مالك ؟وجا لزهه الضابط،الضابط قبضو من جلابيتو قال ليهو مالك دي قولها لأخوانك م لي انا وجدعو للعساكر قال ليهم ارفعو لي وحاج الطيب دة وينو،عمي الطيب قال ليهو إتفضل اركب،ويلا ي حجهه لو سمحتي نحن م عندنا ليك زمن جيبي لينا الولد،عمي الطيب قال ليهو شوف ي باشا الولد ولدي المرحوم الله يرحمو ونحن،،الضابط قال ليهو جبتوهو من امو بالقوة ماف قانون مديك حق بالحاجه دي ي حاج هوووووي الله نحن ماشين بي شي اسمو قانون بس،عمي الطيب قال ليهو اسمع ي ولدي نحن م مشينا جبناهو ساي نحن الفترة دي كلها مخلنو عندها نحن جبناهو بناء على كلام وصلنا من اهل راجلها قالو لينا عديل بتكم دي م مربيه صالحه ولا مهتميهه بالولد دة تعالو شيلو ولدكم ونحن عملنا الصح بس ي ولدي،قال ليهو اسمع كلامك دة تقولو هناك في القسم هنا انا م جاي اسمع الاتقال ليك والكلام الفارغ دة انا عندي بلاغ مفتوح جاي بناء عليهو طلعو لينا الولد سلمونا ليهو ولا اقول ليكم انا بمشي بجيبو براي،خلاهم واقفين ودخل البيت زييين م تم 5دقايق جا شايل كريم ويبكي اداهو لي صهيب وانا شلتو من صهيب على طول وحضنتو،الضابط قال ليهم يلا اركبو لي في البوكس،عمتي فتحيه خشمها بقى ملح ملح قالت ليهو نحن زاتنا عندنا بلاغ عايزين نفتحو ونشيل ولدنا بالمحكمهه،قال ليها جدا م عندك مشكله لما تصلي القسم قولي كلامكك دة وافتحي بلاغكك العايزاهو لكن برضو م بنفي حقيقهه إنو انتو اتهجمتو على بيت راجل وسوقتو ولدو ومرتو بالغصب انتو فاكرين الشغلهه سايبهه هي؟قالت ليهو اسمع ي ولدي،قال ليها ي الله ي حجه قلنا ليك م تكتري واركبي البوكسي بالله خلينا نتحرك عسكري شوف شغلك بالله،قالت ليهو خلاص بركب براي،مشت على البوكسي وركبت مع راجلها وولدها،جات مرت علي تبكي وتقول لي ووووووب علي ي جماعه م صح كدة هي ي شهد دي كانت عمتك قبل اليوم دة وابوي الطيب دة عمك النسى قديمو تاااه ي شهد ي اختي الكلام دة عيب منكك،قولته ليها خليكك حقانيهه عيب مني انا؟انا عملتهه شنوو؟صهيب شال كريم ومسكني قال لي تعالي،خال التاج قال لينا تعالو ادخلو البيت،صهيب قال ليهم لا والله نمشي،خالي التاج قال ليهو مشي شنو بالليل دة ي زول ماف ليكم مشي بيتو الصباح وخلونا نشوف المشكله دي بدايتها وحدها وين ونحلها،صهيب قال ليهو م عندهم معاهم اي حل انا بديتها معاهم بالقانون بحلها بالقانو الشغلهه م بلطجهه ولا همجيهه ابدا،هالي التاج قال ليهو اسمع كلامي ادخلو البيت و...صهيب قال ليهو لا والله ي جماعه صعبهن شديد نحن لازم نتحرك عشان نصل باقي ليلنا دة،حبوبه قالت لي ي بتي م تتكلمي مع راجلك،عمتي رحمه قالت ليهو هي زاتها مضروبها في كتفها دة لمن م قادرة تكيف عديل خشو النعملها مويه دافيه بملح ساااي،لما اصرو دخلنا وصهيب دة كان زعلاااان زعل وبهزز في رجلواعمي التاج بقى يتكلم معاهو ويقول ليهو انت قايل شنو؟انا لما ضربها غفلني غفلهه والله كان قبيل ناس الحلهه خلوني كان طلعتهه مصارينو بره بسكيني الكلب الخايس دة،عمتي رحمه قالت ليهو هي لكن هي كان وقفت ليهو وقالت ليهو تعال اضربني بدل تجري اسي الضربهه دي كان جات في راسك كان شقتو نصين ي العويرة تقيفي للحيوان دة لشنو؟دايرة تيتمي ولدكك برضو تاني؟هي واقفه وبتمسح لي في يدي بقطعهه مبلوله بمويه دافيهه وملح،حبوبه قالت ليهم والله نحن صحي كنا مناسبين كلاب ديل الله لا بارك فيهم،فجاة صهيب بقى يتنهد ويقول بابا،بابا،عمتي قالت لي ايات جيبيهو المسكين دة مخلوع زاتو من العملوهو الخيابهه ديل،جات ايات شايلاهو ادتو لي صهيب وقف على حيلو وبقى يهز ويسكت فيهو بعد م شربنا العصرين وجابو لينا اكل اكلنا شويه كدة صهيب قال ليهم نمشي ي اخوانا،حبوبه قالت ليهو هي ي ولدي صباحاتو بيض،قال ليها لا والله ي حبوبه نمشي ماف طريقهه نهاائي م بقدر،قالت ليهو سمح والقضيهه اسي كيف؟قال ليها كل شي رسمي بقوم بيهو المحامي نحن م موكلين محامي هنا للشغل وكدة ،قالت ليهو والله ي ولدي لو م ابيت كان تبيتو الشارع م مضمون الليل دة وانت جاي من سفر،قال ليها لا م بحصل شي بإذن الله،حسب إصرارو ودعناهم وطلعنا ركبنا العربيهه،إتحركنا مسااافهه كدة قال لي يدك واجعاك؟قولته ليهو م شديد،قال لي ندخل الدكتور لو في مركز هنا يشوفها ليك ،قولته ليهو لا م بحتاج،قال لي بي زهج انت زاتك البخليك تقيفي ليهو عشان يضربكك شنوووو؟كان كتلك اسي؟انتي غبيهه دة تصرف اغبيهه فهمتي؟سكتهه ساااي،وقف العربيهه قال لي دقيقهه ارجع ليك الكرسي دة لورا،رجعو لي ااخر حاجه وشال كريم رقدو ورا ،فضلنا ساكتين وهو ماشي وانا سرحانه وبفكر في احداث اليوم دة وكيف فجأة موازين اليوم إتشقلبت،وبقيت افكر في كلام عمتي فتحيه القالتو بعدها قولته ليهو شايف ي صهيب انا دي نهائي ربنا م كاتب لي اتهنى بالفرح في حياتي دي ،قال لي مافي داعي للكلام دة،بقيت ابكي،قال لي بطلي بكى خلاص م حصل شي خليني اركز في الشارع الدنيا ليل،سكتتهه وفضلتهه مسهيهه لغاايه م نمتهه،صحيت على صوت اذان كان بإذن،فتحتهه عيوني الدنيا ضلام،قولته ليهو دة الصبح؟قال لي الإذانهه الاولى،قولته ليهو نحن وين؟قال لي دخلنا الخرطوم وقربنا على البيت،بالفعل ربع ساااعهه كدة وصلنا ،صهيب شايل كريم وماسكني لغاايه م وصلنا باب الشقهه ودخلنا،عاينته لكبابي العصير والمويه حقت ناس عمتي لقيتها في مكانها،صهيب دخل كريم رقدو دخلته وراهو كان بقلع لي كريم في ملابسو وانا شلته لي جلباب ودخلته الحمام إستحميت وجيت طالعهه لقيتو غير ملابسو ورقد جمب كريم،قال لي يدك واجعاك شديد صح؟هزيت ليهو راسي،قال لي تعالي كان ماسك في يدو مرهم كدة قعدني جمبو ومسحو لي قال لي بخفف الوجع شويهه،رقدني في حضنو وفضلنا سرحانين في يوم الليلهه دة والحصل فيهو وانا دموعي جاريهه،قولته ليهو اخر شي كنت اتوقعو تصرف زي دة يطلع منهم،قال لي م تبكي ي شهد،قولته ليهو انت م شوفته الطريقهه كأنهم كانو بخطفو خطف مني😭💔قال لي هششش خلاص ي شهد القصهه حصلت وإنتهت،قولته ليهو م عارفهه لو م إنت كان الحيحصل شنو،ضماني عليهو اكتر وقال لي وانا م عارف لو حصلت ليكم حاجه كان ممكن يحصل فيني شنوو ي شهد بجد م عارف لما عمو حسن البواب اتصل علي وكلمني انا عقلي اتجمد حسيت إنو الدنيا وقفت خلاص بقيت م قادر افكر وصدقيني كنت جاي سااي ولو جيتهم ساي كنت حأخربها وحتكون خصم عليكم عشان كدة اول م دخلتهه البلد فتحتهه بلاغ عشان اضمن سلامتكم اول💔قولته ليهو اليوم دة الله لا عادو يخخخ😭😭قال لي لكن ي شهد لما شالو كريم لييييهه لحقتيهو ومشيتي وراهو؟ليييييهه م إنتظرتيني اجي ي شهد؟متوقعهه إني م ممكن احلها؟ولا م اجيب ليك ولدكك؟قولته ليهو م كدة ي صهيب بس ديك لحظه خلعهه وولدي بتشال مني قدام عيوني دايرني اخليهو ؟م بقدر اخليهو وانا عارفهه نوايا عمتي عواطف دي😭💔قال لي شهد اسألك سؤال تجاوبيني بصراحهه؟قولته ليهو اها؟قال لي انا ولا ولدك كريم؟؟؟...💔
#كسرهه
لو م عندي اسبابي الخاصه المنعتني اكتبها م كنت إعتزرتهه ،ناس تاني اكتبيها كاملهه وم تشحتفينا وتحرقي روحنا دي اخر قصهه وتاني توبهه والله م هكتب اصلا لا كاملهه لا اجزاء ولا شحتفهه ربنا يقدرني واخلص الفي يدي دي بس 👍
#نتلاقى®
