ضماني عليهو اكتر واخد نفس عمييييييييق وقال لي وعلى قدر الثقهه الجواك تجاهي دي انا متمسك عشان احصل على اضعافها عارفهه ي شهد انا بيك انتي وبثقتكك دي كأني حصدتهه الجنهه،فضلنا واقفين مسااافهه ونحن كدة بعدها رفعتهه راسي قولته ليهو طيب يلا امشي نوم عشان حتصحى بدري،قال لي طيب ماشي بس انا محتاج زول يصحيني ممكن انوم هنا علشان تصحيني بدري🙇🙆ضحكتهه ولزيتو قولته ليهو بصحى بدري وبجي بصحيك م ضروري تنوم هنااا،قال لي طيب طيب خلاص يلا تصبحي على خير 😂😂😂قولته ليهو وانت من اهلو،عايزة اقفل الباب مسكو وقال لي اسمعيني ،قولته ليهو اها؟قال لي م تنسي تصحيني هاااا،قولته ليهو حااااضر،قال لي وكماااان...قولته ليهو وكمان شنووو؟ختهه يدو في خدي عايز يقرب قولته ليهو تصبح على خييييير قلنا ضحكك وانا قفلتهه الباب...
رجعته رقدته وانا في بالي اني اصحيهو بدري ،وبالفعل صحيت بدري حتى كنت مخلوعه والبيت هاادي قلت خلاص شالتتي نومهه ونسيت اصحيهو طلعته مشيت على غرفتو فتحته الباب لقيتو في نايم،قولته ليهو صهيب بصوت عالي وخلعه م صحى ،قربته عليهو قولته صهيب اصحى الزمن خلاص ضربتو في كتفو فتح عيونو قال لي شهد،قولته ليهو انت نسيييت؟اصحى ،قال لي الساعه كم؟قولته ليهو م عارفهه،شال التلفون وعاين فيهو مسااافهه وختاهو قال لي الزمن بدري ياخ،قولته ليهو الساعه كم؟قال لي تعالي جراني رقدني جمبو ولفهه يديهو حوالي،قولته ليهو صهيب فكني دة شنو البتعمل فيهو دة،قال لي الساعه 5صباحاااا وم بعمل في شي بس خليك نايمه جمبي كدة عشان تصحيني يلا ولفهه يديهو حوالي اكتر ورجع نام وانا فضلتهه صاحيهه وبحول في عيوني يمين وشمال لغااايهه م جاتني غفوة كدة صحيت على حركتو هو ،فتحته عيوني لقيتو لابس ،اول مرة اصحى من النوم واشوفو قدامي وتعجبني هيبتو وهو قاشر كدة،عاينته للسرير لقيتو مغطيني وخاتي المخدة جمبي ،رفعته راسي قولته ليهو إتأخرتهه؟قال لي صباح الخير،قولته صباح النور،قال لي انا قولته ليك صحيني بدري م قولته ليك هلوسي بالحاجهه دي مصحياني من5 وقعد يضحكك،قولته ليهو وانا اعرف من وين،قال لي البركه في عدم معرفتك دي الخلتني انوم ساعتين جمبك عارفه حاسي إنها كانت اقصر ساعتين 😑💔نزلته من السرير قولته ليهو انت خلاص كدة طالع؟قال لي ايوة،قولته ليهو اهاااا طيب تمام ،قال لي ربنا يسهل دعواتك بس،قولته ليهو يارب،عايز يطلع وانا كنت وراهو على طول إتلفت علي وقال لي متفائل بيكم انا على فكرة،مسحتهه على قميصو بي يدي قولته ليهو إتفائل بالخير وربنا حيبارك ليك فيهو،قال لي م انتي الخير الأنا متفائل بيهو وباسني في خدي قال لي دي حقت كريم لانو شكلو لسسسهه نايم ،بقيت اعاين ليهو قال لي وحقتكك انتي عايز يقرب عشان يبوسني تاني قولته ليهو يلاااااأاااا بطل حركاتكك دي ياخ🙈😂👊💔 ضحك وطلع ،قولته ليهو شربتهه حاجه؟قال لي لا،قولته ليهو طيب دقيقهه اعمل ليك حاجه تشربها قال لي لا م عايز،قولته ليهو م تطلع جعان كدة م حتاخد وقت،قال لي اساسا متأخر ف شنووو اكسري الحنك نزل مشى على الباب وانا مشيت فتحته التلاجه لقيت عصير منقه جاهز كبيتو ليهو في كبايه وجريت وراهو لحقتو وهو متحرك بالعربيهه ،لما شافني واقفه من غير توب ملامح وشو اتغيرت لانو الحرس واقفين بقى يقول لي خشي جوة،وانا مادة ليهو الكبايه وبقول ليهو تعال، نزل وجا غضبااان قال لي م قولته ليك م عايز انا المطلعك شنوو. كدة خشي يلا،قولته ليهو العصير،قال لي ادخلي بعدين نتفاهم،دخلته قال لي عنيدة كدة مالك انتي😒قولته ليهو يعني عشان م عايزاك تطلع ...قبل م اتم كلامي شال كبايه العصير شريها ومسكني الكبايه قال لي مرتاحهه كدة؟يلا م اشوفك تاني بالشكل دة برة فاهمهه ،قولته ليهو خلاص م تنهر😑😒طلع خلاني وانا صارة ليهو وشي،بالنهار ونحن بنشرب في الجبنه مع ناس حبوبه وإمتثال إتصلته على حبوبه في البلد لاني الصباح م اتصلته علي،سلمت علي وكانو مجتمعين ناس الحله كلهم ادتني سلمته عليهم من ضمنهم هبه قالت لي سامي مشى الخرطوم قبل تلاته يوم وجا امس،قولته ليها كذااابهه ليييهه م جاني ولا كلمني الغريبه كنت بتكلم معاهو قبل اسبوعين يغسي عليهو ،م بجي يشوف ولد اخوهو،قالت لي جا يشيل ادويهه لي عمي جيتو كانت مستعجله وهو زاتو خاف اهل راجلك يتحسسو من جيتو وكدة عشان كدة م مشى عليكم،قولته ليها لالا ياااخي م بتحسسو ولا شي،قالت لي م جايانا انتي تاني ولا شنو لقيتي المدينهه دي ونسيتينا ي شهد،سرحتهه فترة قصيرة وهي بقت تقول لي الوو،الوو،قولته ليها قريب إن شاءالله قريب اكون معاكم،قالت لي طبعا خالك التاج داير يخطب بت ناس عوض الصغيرة،قولته ليها اي كلمني امس بس م قال لي اي واحدة فيهن؟قالت لي بسمات الصغيرة ياخي ،قولته ليها اهااااا عرفتها بالجد عااد خالي م عزااال لكن،قالت لي بقت سمحهه سماحهه والجسم دة يسووو كدي هي زاتها قدرت تركز خالك ابو عين طايرة دة يختي،قعدتهه اضحكك قولته ليها والله ي هبه ي حليلك مشتاقه لونستك شديد يااخي،قالت لي م بتلحقيني المهم اسي عليك الله حاولي تعالي ،قولته ليها جايه والله إن شاءالبه،قالت لي يلا مع السلامه م اطول عليك،قولته ليها طيب إن شاءالله،قفلتهه منها قعدته اتونس مع إمتثال وهي فاتحهه تلفونها فجاة جابت صورة كدة قالت لي الله الطقم الرجالي دة خراااافي،قولته ليها حلوو شديييييد عاينته فيهو مساااافهه قولته ليها بكم اسي دة؟
قالت لي م شايفهه السعر كدة دقيقه ،قالت لي بي2500لكن بالجد يستاهل،قولته ليها بكون كل المقاسات؟قالت لي عايزاه لي صهيب ولا شنو انتي😂🙆قولته ليها بي خجل اي🙈قالت لي يعني اطلبو ليك؟قولته ليها بجيبو لغاايهه هنا؟قالت لي على طول،قولته ليها طيب السمني المايل للبيج العربيهو تشكيلات خفيفهه دة،م عايزة الفيهو اسود دة،قالت لي اي السمني خرااافي ،قولته ليها بصل متين؟قالت لي م عندي فكرة دقيقه اتصل عليهم،إتصلت عليهم بعد م سلمت عليهم وكذااا سالت من الطقم ،قالت ليهم طيب لو في طلبيات اليوم طالعه ممكن توصلو لي معاها؟ااايوة،طيب بس عايزنو لي زول طويل وعريض من فوق يعني م عريض شديد ،طيب تمام اهم شي الطول،ايوة دة رقمي،العنوان اكتب عندك....طيب تمام إن شاءالله،يلا سلام،قفلت قالت لي الحمدلله الإتصلنا اسي عندهم طلبيهه طالعهه محظوظين هههههه😂💔قولته ليها طيب حامشي اجهز القروش،قالت لي دقيقهه عندك انتي؟قولته ليها اي عندي ،مشيت جهزتهه القروش،جيت نازله لقيت بت قاعدة كانت حلاتها ولابسه اخر فستان فظيعهه عيونها واسعه ومكياجها خرافي،جيت اسلم عليها قامت على حيلها وضمتني وسلمت علي سلام معرفه هي شكلها م غريب علي بس م متزكراها،حبوبه قالت ليها اهلك كيف ي بتي إن شاءالله طيبين؟قالت ليها الحمدلله تمام ي حبوبه بسالو منك،إمتثال قالت ليها قبل كم يوم مشينا المحل بتاع نبأ انا وشهد وصهيب سالتها منكك عشان من هيا مشت م شفناك،قالت ليها تسلمي لي ي إيمو م بتقصري عارفاك💜عمتي عواطف قالت ليها تجي في اي وقت ي بتي حتى لو هيا مافي البيت بيتك وانتي بتنا م الا هيا تكون قاعدة في اي وقت حبيتي تجي تتفضلي على طول م تنقطعي مننا،ضحكت قالت ليها حبيبتي ي خالتو حاضر م حنقطع منكم والله😻💜قعدتهه وانا ساكته وهم بتونسو وكريم لافي من هنا لي هنا ،قامت عمتي عواطف قالت لي انتي م تمسكي ولدكك دة،البت قالت ليها خليهو ي خالتو اصلا نحن بقينا اصحاب خلاص ولا م كدة ي بيبي😘قولته ليهو تعال ي كريم،قالت لي والنبي خليهو اصلا دة حال الشفع م بحبو قعدة سااااي هههه،حبوبه قالت ليها والله عامل لينا حركة في البيت زاتو الله يغطي عليهو،امتثال قالت ليها كيمو دة حقنا كلنا ولا م كدة ي كيمو هااااا،هزة ليها راسو بمعنى ااي لما قعدت تضحكك ضحكك معاها،
قالت لي هو عمرو كم ؟امتثال قالت ليها سنتين صح ي شهد؟قولته ليها ايوة سنتين ،
قالت لي ماشاءالله ماشاءالله عليهو ربنا يغطي عليهو طيب إنفصلتي عن ابوهو ولا شنووو؟قولته ليها لا ابوهو متوفي,قالت لي ربنا يرحمو واسي اهل ابوهو خلوك تشيليهو عادي كدة بعد م اتزوجتي صهيب ،يعني م عاملين معاك مشاكل عشان في اهل م برضو الحتهه دي
عمتي عواطف قالت ليها هو نحن اهل الولد الما معرس من قبل قبلنا الحاجه دي هم البمنعهم شنووو وبعدين م تصغيرا لاهل شهد لكن ولدهم بتربى في الخرطوم دي براها حاجه يمكن تكون فوق توقعاتهم،
البت قعدت تضحكك ،امتثال قالت ليها كيف يعني فوق توقعاتهم ي عواطف قولي كلام معقول وعاينت ليها بي تحميرة💔💔💔
قالت ليها انا م قصدي شي لكن...
البت قالت ليها خالتوو قصدها انو ناس الاقاليم بطبيعه حالهم ناس على قدر حالهم ومساكين يعني في ناس عمرهم م بكونو شافو الخرطوم دي بعينهم وم بكونو شافوها بعينهم فعلشان كدة اكيد حاجه زي دي بتكون فوق توقعاتهم💔
قولته ليها بالعكس نحن عندنا قناعتنا التامة بالبيئهه النحن عايشين فيها وصراحه م بنقارنها بأي حتة تانيه وعامل القناعه مهم عارفه لييهه،اقرب مثال انتي اسي من الخرطوم سافرتي امريكا حتحسي انو السودان كلو ولا شي مقارنه بي امريكا دة في حاله انك زوله غلبك خفيفه وبتجيك صدمة حضاريه في اقل شي واقل شي ببهرك ،لكن انا اليوم تقريبا عندي 10 شهور واكتر عايشهه في البلد دي وبطلع بس م حاسهه بالرهابهه في شي منها ابداااا يعني ااايوة اتأقلمته على الوضع لأنو واقع مفروض انا اتعايش معاهو بس لو خيروني بين الواقع دة وبلدي الجيت منها اكيد الاولويهه حتكون لبلدي،إمتثال قالت لي بالزبط كدة وبعدين يعني كلنا من الأقاليم دي وجمعتنا المدينه دي لظروف حياتنا بس في النهايه الاصل ثابت يعني لما اقرب زةل يسالم انت من وين؟بتقول انا اصلي من الحته الفلانيهه لكن عايش في الخرطوم،
عمتي عواطف قالت لينا عملتو قصهه من الموضوع ساااي م قلنا شي☺ فجاة صهيب جا داخل قال السلام عليكم ،حبوبه قالت ليهو اهلا اهلا ي ولدي،وقف مسااافهه لما شاف البت حتى ملامح وشو إتغيرت،وقفت على حيلها قالت ليهو اهلين ومدت يدها،شال كريم قال ليهو اووووو ولدي إزيك ياخ مشتاق لي ولا لأ ها،قول مشتاقين يلا ،اليت ملامحها لمن اتغيرت بعد الحركه دي سلم عليها قال ليها كيفكك تمام،قالت ليهو الحمدلله وانت؟قال ليها بخير م عندي عوجه،قالت ليهو وينك مختفي كدة،قال ليها م مختفي والله،قالت ليهو والله؟طيب م بترد على مكالمات ولا مسجات ولا اي شي لييييهه يعني قصدكك سافهني شايفهه ي خالتو بقولها في وشي من غير خجلهه،قال ليها معناها م شوفتهم بس،عمتي عواطف قالت ليهو عاد اتلومتهه شديد اسي دي بت بسفهوها ي جاحد النعمهه،امتثال بقت تعاين ليها بغييييظ ،حبوبه قالت ليهو الليله مشيت وين ي ولد من الصباح،قال ليها عندي شغلهه كدة قضيتها وجيت راجعه تعال ي كريم يلا اوريك جبتهه ليك شنو في الكيس دة كلو حقكك طبعا م تدي معاك زول فااااهم،شالو وطلع بيهو فوق،
فجأة إمتثال جاتها مكالمه ردت عليها،قالت طيب طيب ماشي جايه عليك ادخل على طول اايوة،طيب قامت على حيلها قالت لي شهد تعالي،طلعتهه وراها قالت لي بتاع التوصيل جا طبعا،قولته ليها بجد،قالت لي قريب تعالي نقيف ليهو برة،مشينا وقفنا شويه كدة اتصل عليها وصفت ليهو تاني جا بي موتر سلمنا الكيس وشال القروش ورجع،ونحن داخلين قالت لي اسمعي المعولقه القاعدة جوة دي م تركزي معاها ظابط؟قولته ليها ليييه مالها؟قالت لي طايرة ليها ساااي م علينا بيها المهم حتديها لي صهيب اسي؟قولته ليها بكرة الجمعه بجهزها وبختها ليهو مواعيد الصلاة،قالت لي ظريف،دخلنا لقيناها ماف،انا على طول طلعتهه فوق عشان اوصل الكيس غرفتي دخلتو وطلعته مشيت غرفه صهيب اول م فتحته الباب لقيتها بتقول ليهو مفروض ترد تفهمني الحاصل يعني م ممكن الحركات دي انا إفتكرتك حاصله عليك حاجهه،رجعته خطوة وجريت الباب على طول وفضلته واقفهه،صهيب قال ليها انا كويس ي رنين،قالت ليهو دة جوابك ؟قال ليها عايزاني اقول ليك شنو يعني م فعلا انا كويس،قالت ليهو صهيب بطل الحركات البتعمل فيها دي ،قال ليها طيب،قالت ليهو وبعدين انا اشتقته ليك والله العظيم😢💔قال ليها نتفاهم بعدين لانو اسي شينه في حقي وفي حقك تدخلي علي الغرفهه كدة وناس بيتنا قاعدين تحت دي شنو حركات الانتي فيها دي؟قالت ليهو والبتعمل فيهو دة م حركات شفع؟قال ليها طيب ي رنين ممكن تطلعي اسي؟انا على طول مشيت دخلتهه غرفتي وقفلتها علي قعدته مسااافهه نص ساعه كدة نزلته تحت لقيتها قاعدة والمغرب اذن خلاص ،جهزنا الغداء قعدت إتغدت وتشيل وتتظارف وصهيب يحمر ليها ،بعد م خلصنا غداء نقلت معانا الصحون وحلفت الا تغسل العدة ،امتثال قالت لي خليها تكون ريحت سميرة منها،غسلتها زين بعدها طلعت عمتي عواطف قالت ليها العدة الما غسلتيها في بيت ابوك غسلناك ليها نحن اعفي لينا ي بتي،قالت ليها العفو ي خالتي،شربت الشاي بعدها قالت ليهم انا ماشه،لو سمحتي ي خالتو ممكن شنطتي دي ،شالت الشنطه طلعت تلفونها وقالت ي الله ياخ تلفونك قافل وشحني م معي،عمتي قالت ليها مالك ي بتي؟قالت ليها ماف شي بس تلفوني قافل وشحني م معي كنت عايزة اطلب ترحال عشان انا عربيتي في الصيانه م جيت بيها،عمتي قالت ليها معقوله ي بتي ميه عربيه في البيت وتطلبي ترحال الكلام دة م ظريف منك بزعل منك والله ،قالت ليها م لكن ي عمتو،قالت ليها م لكن ولا شي صهيب يوصلك ،صهيب بشرب في الشاي وقف وبقى يعاين لي امو،قالت ليها يوصلك ويجي راجع،قالت ليها جا اسي م عايزة اتعبو معي اناااا،قالت ليها تعبك راحهه ي بتي عيب منك الكلام دة،رجعت تلفونها قالت ليها طيب اقوم امشي انا عشان إتأخرتهه ،يلا ي خالتو اجيكم في وقت اوسع إن شاءالله وباستها يمين وشمال وجات لي حبوبه نفس الشي ولي امتثال ولي انا قالت لي م قعدنا اتونسنا كتير بس بينا الوقت ي شهودة😘 مش اسمك شهد،قولته ليها ايوة☺قربت من كريم قالت ليهو باياات حبيبو ،صهيب شال كريم في صفو قال ليهو يلا،طلع معاها طلع مفتاح العربيه فتح التأمين قال ليها اركبي،فتحت الباب وركبت قدام مشى لواحد من الحرس قال ليهو امسك مفتاح العربيه دة الزوله دي وصلها بيتهم تمام؟
الحرس قال ليهو طيب،جاها بإتجاه القزاز دقه ليها نزلتو قال ليها الزول دة حيوصلك انا زي م شوفتي جيت تعبان شويه وم قادر اخطي خطوة برة البيت ،ملامح وشها إتغيرت360 وعيونها رقرقت،قال ليها لكن ،قالت ليهو بس انا م خلصتهومعاك كلامي وعا...قال ليها بيناتنا تلفونات تمام؟يلا سلام،الولد ركب وإتحرك بالعربيه والبت عايزة تموت من الزعل،
انا وحبوبه وإمتثال قاعدين إمتثال قالت لينا اصلي م ردتها البت دي،حبوبه قالت ليها المياصهه والهنجكهه الكتيرة في البت م سمحهه بتمسخها
