فتحته الرساله لقيت كاتب رد للحاله بتاعتي قايل فيهو "إتصلتهه عشان اقول ليك ربنا يرحمهه ويطيب ثراه إن شاءالله ي رب ،طبعا إستغربتهه بس إتجاوزتو وم رديت عليهو،
بقيت افكر في كلام عمتي فتحيه واقول كل م احاول اتخلص من مشكله بتجي البعديها بتقع على راسي قبل م احل القبليها اعمل شنو ي رب انا،طالما الناس دي بتفكر كدة معناها انا لو إتطلقته من صهيب او كلمته اهلي بطبيعه الحاصل بينا مصيري هيكون إني أتزوج سامي م بقدر اثق في اهلي ولا بقدر لثق في عمتي فتحيهه ممكن تعمل شنو زي م عرسو لي صهيب الابوهو إتسبب في موت سامي وإستغبوني م حيغلبهم يعملو معي نفس الشي المشكلهه انو هم ناس انانييين في الاول كانو بفكرو في حالتهم الماديهه الكانت الحتتصلح من ورا الزواج دة وبعد م إتصلحت وامورهم زبطت قلبهم حن على ولد ولدهم وبقو عايزنو وبالمرة اتزوج ولدهم اللي هو اخو راجلي وراجل صحبتي علشان اجيب ليهو اولاد ،طبعا م حيفكرو في إحساسي انا بالحاجه دي ولا إحساس هبهه لانو ازمة الضمير متمكنهه منهم حسبي الله عليهم ياخي ي رب الأيام الجايهه دي تعدي على خير بس ،من هنا قررتهه إني ابدا م احكي لي اهلي بالحاصل بيني وبين صهيب رغم اني كنت عايزة عرس خالي يعدي وبعدين احكي لي حبوبه وزي م حصل في عرستي الاولى اتطلق بس بعد السمعتو دة م حقدر اعمل كدة مستحييييل اقبل ابقى ليهم الورقهه الرابحهه في كل مرة،
عدت الأيام والتجهيزات لي عرس خالي مستمرة وانا زاتي حبوبه حبستني بقت تجبرني اتدخن وكل يوم عامله لي خله نشأ وكذاا ،قالت لي علشان لما راجلك يجي يسوقك م يجي يسوقك مبهدلهه،فضل للعرس تلاته يوم وانا خلاص حار بي الدليل م عارفه بعد العرس دة اعمل شنو واتعذر بشنو عشان م ارجع خصوصا انو عمتي فتحيهه تلميحاتها كترت وناس الحله برضو بدو ينقو مالها م رجعت و...
في الجانب التاني في بيت ناس صهيب كانو كلهم ملموين،إمتثال قالت ليهم يوم الجمعه عرس خال شهد،عمتي عواطف قالت ليها ربنا يتم ليهو على خير،
إمتثال قالت ليها م ماشهه معانا؟؟
عمتي عواطف قالت ليها امشي معاكم؟الماشي منو فيكم؟احمد قال ليها انا قدام غايتو،إمتثال قالت ليها وانا ومحمد خالتي دي الحركه شويه صعبه عليها يمكن هناك الجو م ينفع معاها و...حبوبه قالت ليها منو القال ليك والله ماشه دة واجب كيفن م امشي يعني البت مرت ولدنا والراجل خالها،عمتي عواطف قالت ليهم الماشي كلو عليهو يسهل وعلينا يمهل امشو،
امتثال قالت ليهو احمد صهيب ماشي؟قال ليها لكن م اظن صهيب يمشي لانو رجلو مجروحه بعد الخياطه الخيطوها ليهو دي م اعتقد غايتو،
حبوبه قالت ليهو هو زاتو ولد مجنون سااااي في زول بقيف للبنبنان دة،احمد ضحك قال ليها ي حبوبهه إسمو بومبان وبعدين لو م وقفنا ورجعناهو ليهم الناس دي حتتمكن مننا عشان كدة نحن بنرجعو ليهم عشان م نديهم فرصه فينا،
