،
قال لي ي شهد اسألك سؤال تجاوبيني بصراحهه؟قولته ليهو اها؟قال لي انا ولا ولدك كريم؟؟؟قولته ليهو مالكم؟قال لي قصدي لو خيروك بينا الإتنين حتختاري منووووو؟؟قولته ليهو كيف يعني اختار بينكم والبخيرني بينكم شنوووو؟؟؟سكت،بعد مسااافهه قولته ليهو لو في يوم إتجبرته اختار بينكم حأختاركم الإتنين م عندي إستعداد اخسر اي واحد فيكم انتو نفسي الطالع ونازل،ضماني عليهو اكتر وقال لي "ونحن من غيرك م بنكون ابدااا،قولته ليهو صهيب ممكن اقول حاجهه؟قال لي احكي،قولته ليهو بكرة خلينا نمشي بيتكم،قال لي شههد،قولته ليهو انا عارفهه موقفك شنو بالذات من الحصل اليوم بسسس،قال لي شهد امي وانا بعرفها لما تصر على حاجهه بتعملها هي ع...قاطعتو قولته ليهو عايزاك تتزوج رنين صح؟ورنين دي منو هي؟دي البت الانت كنت معاها في علاقهه ،قال لي الوراك بالحاجهه دي منو انتي؟قولته ليهو انا م غبيه انا اصلا عارفه الحاجه دي وعمتي كأم معاها حق لأنو بجد البت بتستاهلك واي ام بتدور لولدها السمح وبت الناس التنافس بيها في المجتمعات،قال لي وانتي مالك ناقصاك يد ولا رجل؟م تقارني نفسك بزول انا بنافس بيك الدنيا كلها وبرضو ماف واحدة حتساوي ضفرك بالنسبهه لي،قمته من جمبو وقعدته وبقيت اعاين ليهو،قال لي مالك،قولته ليهو انت نفسك الكنت في يوم بتقول عكس كدة،انت نفسك الكنت بتقول إنو لو طلعته معي قدام الحرس حق البيت ساي يبقى دة شرف لي صح ولا انا غلطانهه؟مسح يدو بي وشو،قولته ليهو الحاجه الوحيدة الإتغيرت إنو انت نظرتك إتغيرت بس امك لأ،قام على حيلو وقعد معي في نص السرير وخته يدو في خدي و قال لي شههد حبيبي امي م بتعرفيها اكتر مني فهمتي؟م تبقي عنيدة ي شهد،قولته ليهو حتقاطع اهلك عشان موضوع تافه كدة؟قال لي م مقاطعه انا بس م عايزك إنتي تمشي هناك إمتثال وحبوبه لو عايزاهم بجيبهم ليك هنا وانا بمشي عادي بسلم عليهم وبتفقد احوالهم وكدة،قولته ليهو هئهه عايزة امشي انا كمان انا نفسي افهم انت م عايزني امشي ليييهه؟م انا في النهايه معاك وبعدين اكيد نحن م حنطول هنا صح؟قال لي شهد م تنقي دة بيتنا ،قولته ليهو كيف يعني؟قال لي كل حاجه عايزة تطلعي منها سؤال انتي؟نزل من السرير قولته ليهو ماشي وين؟قال لي النوم زاتو طار،فتح الدولاب ال حاجه في يدو وطلع البلكونهه،طلعته وراهو لقيتو واقف وبشرب في سجارتو لفيت يدي حواليهو قولته ليهو م اسفهه ولا اي حاجهه لاني م قولته حاجه غلط😞قال لي طيب لما م اسفهه عايزة شنو امشي نومي،قولته ليهو الصباح قرب يصبح ،قال لي اساسا،سكتته مسااافهه قولته ليهو عايزة سجارة،بدون تردد قال لي هاك،على طول مسكتها منو واخدته لي جررهه بعدها بقيت اكح،مسكها مني قال لي جنيتي انتي؟قولته ليهو زيكك😑رمى السجارة وعفصها وشالني قال لي مشكلتك م بتفتري للصباح حنفضل على الحال دة ودخل الغرفهه ورقدني في السرير ورقد قال لي يلا نتخمد احسن💜نمنا فترة طويلهه حتى م حسينا بروحنا ،اليوم كلو فضلنا نايمين بدون مبالغهه صحينا بعد الضهر على صوت كريم وهو بصحي فينا وببكي،فتحته عيوني عاينته ليهو ورجعته غمضتهه عيوني،كنت فترانهه بشكل م طبيعي،صهيب قام شالو وانا كملتهه نومي ،صحيت تقريبا بعد العصر على صوت صهيب وهو بصحي فيني،فتحته عيوني قال لي يلا حبيبي صح النوم قومي اكلي ليك حاجه من امس م ماكله،قولته ليهو جسمي واجعني شديييد ياخ،قال لي عارف بس لما تدخلي تستحمي حتصحصي والفتور حيقل ،بقى يجرني من انفي زي م بعمل انا وبفتح لي عيوني بصوابعو حركات شفع بس😂قولته ليهو صهيب ياخ،قعد يضحكك قال لي يلا قومي فتحته عيوني لقيتو ماسك التلفون وبصور رجعته غمضته نكش لي شعري تاني فتحته وهو بضحك،قمته رقدتهه في رجولو ولفيت يدي حواليهو،قال لي قولتي كدة احسن؟تاني رفعته راسي ورقدته في صدرو قولته ليهو هنا احسن💜🙇بعد مسافهه حسيتو شايلني فتحته عيوني لقيتو داخل بي على الحمام دخلني الحوض وفتح فيني المويهه قال لي انا شايف إنو هنا احسن😂😂😂😂😂😂😂😂😂😂قولته ليهو صهييييب ياااااخ😭قال لي صهيب في عينكك انا جعاااان منتظرك من قبيل تصحي عشان ناكل وانتي نايمه تستحمي ولا احممكك بنفسي🌚قولته ليهو حممني 😒عايز يجي علي رشيتو قولته ليهو اطلع يلا كمان صدقتهه،طلع وهو بضحك،بعد م طلع بقيت اقول لنفسي بحبو يخواني بحبو شدييييد،بحبو اكتر من نفسي حتى😭بعد م خلصتهه حمام سرحته شعري ولفيتو إتنين و طلعته لقيتهم بشاهدو في التلفزيون،قولته ليهم صباح الخير😒😅صهيب ضحكك قال لي كريم عاين ماما الكسلانهه ؟عاينته ليهو بغيظ،جيت بوستهه كريم مسااافهه قولته ليهو ماما إشتاقت لجضوم ولدها،صهيب قال لي البوسهه دي للولد بس؟قولته ليهو ااااي،جيت قعدته جمبو قال لي لسهه نعسانهه؟قولته ليهو انت خليت فيها نعاس بحركتكك دي غلطانهه انا الفاكرة المكان مكاني وانوم فيهو براحتي😒ضحكك قال لي هو فعلا مكانكك عندك راي غير كدة😁وبعدين انا جعان ياخ😅قولته ليهو وانا شهد إتشرفنا ي جعان🙊قام على حيلو قال لي والله انا الغلطان م انتي😒مشى المطبخ لحقتو لقيتو طالب دليڤري كرسبي وبيتزا الإتنين مع بعض،قولته ليهو شكلك جعان شديد😂قال لي اكتر من جعان ياخ قعدنا وجا كريم ،بعد م خلصنا اكل قولته ليهو نجهز نفسنا علشان نمشي بيتكم؟قال لي شههد انتي لسهه؟قولته ليهو بصوت طفولي حبيبي الله يخليكك😢قال لي اها اكتلي لي حيلك عشان اوافق 😒لفيت يدي حوالين رقبتو قولته ليهو الله يخليكك يعامل دقنكك السمحهه دي 😔ضحكك قال لي والله ي شهد إنتي بكااشهه خلاص😂😂😂😂😂💔قولته ليهو اها نجهز؟قال لي طيب بس انا طالع عندي مشوار قر...قبل يخلص كلامو قولته ليهو لا انت كذاب م حتجي اسي😭😭😭😭😭😭قال لي وحياة الخلقني حكايه نص ساعه بس وبجي راجع اسوقكم م بتأخر ،قولته ليهو والله ي صهيب تكذب علي بزعل منكك وم بتكلم معاك تاتي😭😭😭 ،قال لي حاضر،بعد م طلع لبسته كريم ولبستهه شويه كدة جرس الباب ضرب قولته خلاص معناها دة هو فتحته الباب لقيتها جارتي المقاصداني الضربها راجلها ديكك،سلمت علي وكانت شايله صحن في يدها فضلتها بقينا نتونس وشويه تشاغل في كريم حسيتها طيبأااانهه ومسكينهه شديد،قالت لي شكلكم طالعين م أأخركم،قولته ليها لالا والله نحن فعلا طالعين بس منتظرين راجلي لسهه م جا زاتو هههه،قالت لي جيت اعتزر ليك عن الحصل قبل يومين والحاله الدخلتو فيها بسببي ،قولته ليها لالا العفو ياخ م مشكله إن شاءالله بس م يكون عمل فيك حاجهه بعداك ،ضحكت قالت لي دة العادي عندنا طبيعي نحن في الحالهه دي بس م حصل الجيران سمعونا الا اليوم داك إيييييييكك انسي بس ي بت امي دراماتنا كتيرة وم بتنتهي😂😂😂😂😂إستغربتهه طبعا يعني زول بنضرب وبتهان وبتبشتن كدة ولسسسهه عندو روح بضحكك💔قولته ليها سبحان الله والله لييييهه كدة ياخي حاولو حلو مشاكلكم براحه ،قالت لي براحه وين ي بت امي الرجال لما يتقلبو م بعرفو بالراحه،قولته ليها طالما طبيعي بضربك كدة وم بقفلك امشي اهلك اهلك وين خليهم يشوفو ليك حل ي إما يختو في كراسي ادبو ي إما يمسكوك عندهم مع إحترامي ليهو بس النوع دة من الرجال بكونو مرضى نفسسين صدقيني انا عدة علي النوع دة قبل كدة،قالت لي م المشكله إنو ضامن اهلي م بعملو لي شي وانو انا م بلجأ ليهم لأنو إتزوجتو بالمحكمهه ،كنا بنحب بعض من الجامعه واهلي م وافقو عليهو لأسباب كتيرة وقمته عقدته بالمحكمهه ومن اليوم داك لا سلام لا كلام مع اهلي وهو طبعا إتغير توتلي بعد العرس بقى م عندي خيار إلا اقعد معاهو واستحمل البجيني بس،طبعا انا هنا لساني إتشل م عرفته اغلطها م عرفته اقول ليها شي،والبت سمحهه سماح والحنه والدخان دي تسوي كدة من جسمها،قالت لي انا اقوم امشي والله ي دوب جايهه من الدوام زي م شايفهه غيرته طبخته لي محشي قولته اجي عليك واضوقكم منو بما انو م حصلت لينا فرصه تعارف هههه،قولته ليها تسسسلمي ياخ م قصرتي يعني شغالهه؟قالت لي اي والله بطلع الصباح بجي راجعه بعد العصر والله،قولته ليها لا ياخي،ربنا يعينك ي ستي،قالت لي اللهم اميين يلا استأذن انا وانتي كمان حاولي تجيني عليك الله ،قولته ليها حاضر إن شاءالله والله💜وصلتها الباب جات من الشقه الجمبنا مرة وبت طالعين سلمو عليها،قالت ليهم متين الجيهه؟المرة قالت ليها امس بالليل والله اخباركم كيف عاملين؟قالت ليها تمام الحمدلله م عندنا عوجه،قالت ليهم طبعا دي جارتنا الجديدة واشرت علي وكريم كان واقف جمبي،جات المرة بكل بشاشه سلمت علي والبت كانت كبيرة يعني في عمري كدة شالت كريم وبقت تتكلم معاهو بلغه الشفع ديك وتبوس فيهو وكذاا،المرة قالت لي شرفتو والله حبابكم ،قولته ليها تسلمي ،البت قالت لي هاي ازيو وباستني بجاي وبجاي،قولته ليها الحمدلله وانتي؟قالت لي زينهه م عندي عوچهه،البت كانت عينه البنات الحناكيش وراقين ديلك،في وقفتنا دي الاصانصير وقف صهيب جا طالع منو إتفاجا زاتو،قال السلام عليكم،قالو ليهو وعليكم السلام المرة قالت ليهو إزيكك ي ولدي،قال ليها الحمدلله ي خاله كيف إنتي؟قالت ليهو كويسه والله م فقدتهه خالتكك؟قال ليها فقدتك والله يااخ،ضحكت قالت ليهو كضاب😂😂😂قعد يضحك قال ليها معقوله ي خالتي ياخ ههه،قالت ليهو المدام منورة البيت كمان إن شاءالله المرة دي تكون مدام جدجد،بقيت اعاين ليها بإستغراب هي قصدها شنوو؟،قال ليها الله ينور ايامك ي رب تسلمي💜كريم قال ليهو بابااا صهيب شالو قال ليهو اها جاهز قلتهه لي ،يلا ي جماعهه عن إزنكم نحن طالعين لينا على مشوار كدة،قالو ليهو إتفضل ،قولته ليهم يلا مع السلامهه💜قالو لي الله يسلمكك ي رب💜طلعته وراهو
