،مشيت عليهو عايزة اشيل صهيب اتلفت ومسك يدي منو وبكل غضب اداني كف،
الكف دهه انا حسسني انو الدنيا دايرة بي اخماس في اسداس ،كاني مضروبهه بيد حديد م يد بني ادم،بقيت واقفه وبعاين ليهو وانا مصدومه ونفسي قايم وخلاص دموعي في طرف عيوني،قال لي الوداك العربي شنوو؟جات عمتي عواطف داخله قالت ليهو صهيب في شنو ي ولد،قال ليها ي امي اطلعي برة عليك الله اطلعي ،طلعت قفل الباب وانا ببكي،قال لي بتعرفي للعربي شنو انتي؟اساسا الطلعك الشارع شنو البلد دي بتعرفي ليها شنو ؟يعني حتى امي ولا حبوبه م كلمتيهم،الولد دة لو كانت حصلت ليهو حاجه الحيتحمل مسؤليتها منوووو؟ماشه مظاهرات على اي اساس انتي؟هو البطلعو ي دوب يقدرو بامنو على نفسهم انتي شايله ولدك وماشه مجنونه انتي م عندك عقل تفكري بيهو انتي؟اسي الولد دة لو م كان اتلقى ،لو الشالو دة مشى بيهو وم وداهو عربات الكجر كنتي حتعملي شنوو؟قولته ليهو خليني اشيل ولدي😭قال لي م بتشيليهو اوعى تقربي منو ولزاني،قال لي لما تبقي ام مسؤليه وبتعمل حساب لي ولدها بعداك شيليهو من بكرة بجيب ليهو حضانه تقعد معاهو انتي م عندي بيك شغله تطلعي مظاهرات ولا تموتي فيها انتي حرة لكن الشافع دة مسؤليتي غبائك خليهو بعيد عن الولد دة،قولته ليهو صهيب الله يخليك اديني ولدي ،عايزة امشي عليهو مسكني قال لي العربي دة م وااضح؟إتفضلي اطلعي من هنا ،قولته ليهو انت م عندك حق تشيل مني ولدي انت منو زاتك ،قال لي انتي الام الما مسؤله وانا الضربتي لي تبكي لما ضيعتيهو عرفتي انا منوو؟؟قولته ليهو معليش غلطانهه انا الضربته ليك المرة الجايه م حتتكرر،قال لي م حتكون في مرة جايه عشان انا لو شوفتهم معتقلنك قدامي م بعاين ليك مرتين،بقيت ابكي وانا ساكته وبعاين ليهو،قال لي امشي نومي بدل م تقيفي وتبكي ،قولته ليهو لو م اديتني ولدي من هنا م طالعهه قعدتهه ليهو في الأرض😭قال لي راحتكك،قعد في السرير ومسك تلفونو وبقى شغال فيهو وانا قاعدة في الارض وببكي وبعاين ليهو وهو ولا فكر يرفع راسو يعاين لي م حسيت بنفسي نمتهه في مكاني داك،صهيب لما شافني نومتهه قام دخل الحمام إستحمة وغير ملابسو وجا راجع عاين لي مسااافهه اتاكد إني نمتهه شالني من الارض ورقدني في السرير وجاب كريم رقدو جمبي ورقد هو ونااام،فتحته عيوني الصباح لقيتو نااااايم وكريم لسسسه كان نايم اتفاجأتهه بيه لافي يديهو حواليني،اتفكيت منو ونزلته شلته كريم وهو نايم وطلعته مشيت اوضتي وقفلتها بالمفتاح ،دخلته استحميت وطلعته صليت ومشيت جهزته لي كريم ولدي لبن واكلته لاني كنت جعااانهه شديد ورجعته نومته نوووم حتى م حسيت بنفسي انا نايمه كم ساااعهه الا صحاني صوت كريم وهو ببكي،فتحته عيوني لقيتو نزل وشرب اللبن الفي الكبايه وقعد يبكي،شلتو ونزلته بيهو تحت،لاقيت إمتثال لما شافتني قعدت تضحكك قالت لي شهد المتظاهرة،عاينته ليها وإبتسمته،قالت لي صهيب صاحي من الصباح شغال تعليمات لي ناس خالتي والحرس برة،،حبوبه جات قالت لي هي لاكن م بالغتي ي بتي والله انا الليله زعلانه منك زعل،قولته ليها حبوبه قالت لي ولا كلمه معقوله انا الفاكراك عاقله وفاهمه تعملي عمله زي دي؟خلي العقل دة على جنب م فكرتي في ولدك دة؟لا حول ولا قوة الا بالله ي بتي،فجاهه اسمع صوت ضحكهه احمد اتلفته عليهو لقيتو لسسه بضحكك جا شال كريم،قال ليهو اصغر ثائر فيك ي بلد امك ودتك الموكب قولتو لي 😹😹😹امتثال قعدت تضحك قالت ليهو غايتو شهد بالغت بوليغ هههههههههههه،احمد قال لي انتي كان عاجبك الوضع كدة كلمينا بكرة نجيبا ليك هنا اصبري بس،حبوبتو قالت ليهو انت كمان إنطم،حبوبه شالت كريم قالت ليها كرر علي وشو لسسه محمر دي امك البلدة دي،عمتي عواطف كانت ماف وهيا برضو ماف،فطرنا واتونسنا كدااا بعدها حبوبه نامت فضلنا انا وإمتثال جاتها مكالمه بقت تقول"وبعليي اسكتي بس من يوم امس انل لغايه الان بعطس والحساسيه قايمه علي،هههه ي بت نحن طلعنا بالجلاله وربي خلي لما نتلاقى احكي ليك بدرامات جوجو الخوافه شابكاني الموكب الموكب😹😹😹😹😹💔طيب تمام ماشي يلا سلام،قفلت الخط قولته ليها تاني سوقيني معاك😒قالت لي لسوقك وين؟قولته ليها المواكب😑قالت لي هسسسس سمعي خالتي سمعيها،قولته ليها انا امس اتوقعته اني اللقاك هناك،قالت لي اتوقعتي تقومي تشيلي ولدك معاك؟وبعدين اسوقك وين دي مسؤليه انا ي دوب متحمله مسؤليه نفسي،قولته ليها يوم الموكب بخلي ولدي لي حبوبه اها،قالت لي انتي عارفه صهيب من الصباح شغال تهزيئ ونبيح في الحرس علشان يمنعوك الطلعهه؟قولته ليها م جادة؟قالت لي وربي خليك قاعدة مع ولدك احسن انتي وراك شي نحن م ورانا شي هااا،قولته ليها عليك الله سوقيني معاك ،قالت لي ي بت اتلهي،بقيت اعاين ليها عين إنكسار،قالت لي طيب لما يكون في،لمن إتبسطتهه لما قالت لي كدة ،صهيب جا لقانا قاعدين عاين لي بي تحميرة طوالي لفته منو وشي،
