،لما قال كدةقولته ليهو بإنفعال خلاص موافقه انا ي خالي،سكت مسااافه وهو ماسك التلفون قال لي متأكدة؟قولته ليهو ايوة،قال لي اي ي بتي الزول يفكر بعقل ويحسبها صح الحياة دي فرص والفرص كل م الواحد إستغلاها صح كل م وصل القمهه💜وإن شاءالله انا اضمن ليك بنسبه ميه في الميه الناس ديل م بتجيك معاهم اي عوجهه💜
بعد القرار دة حسيت بنفسي إنهرتهه،م عارفه نفسي انا عملته كدة ليييه وكيف،يمكن الضغوطات ويمكن ويمكن ويمكن،اللي انا كنت متأكدة منو انو انا داخله في دوامه صراع نفسي جديدة،والمرة دي إستحالهه تعدي على خير،انا الحياة واقعيا بالنسبه لي وقفت بعد سعد،وجواي حياتي ميته وإذا في سبب انا مديني ذرة طاقه فهو كريم ولدك اللي انا بتقوى علشانو ،واهلي م قادرين يستوعبو ميته سعد دي عامله جواي شنو ،ف حتى المرة دي إستسلمته،اساسا انا متين م استسلمته لواقع الضغوططات البتحصل لي في حياتي؟دايما انا لا حول ولا قوة لي،ودايما في حاله فشل وحظ سيئ حتى ابسط الحجات البيشعها اي بني ادم انا اتحرمته منها،وماف زول بحس بحجم الصراع اللي انا بعيشو بعد م اطلع من كل تجربه وخساره،م بخلوني اخد وقتي ولا اعيش وجعي إلا وهم فارضين علي حياة جديدة مفروض انا اعيشها،هم م عارفين انو الحاجه دي بتولد جواي تراكمات بتأزمني نفسيا 💔
بعد اسبوع خالي التاج قال لي حبوبه جهزي البيت عشان الناس ديل جااين،قالت ليهو هي ي ولدي بالسرعهه دي لكن؟قال ليها اها اعمل شنو قالو جاين اقول ليهم م تجو؟قالت ليهو اها طقم الكراسي رفعوهو ليك؟قال ليها اي بصلن الليلهه ،الصالون خلوهو نضيف عشان لمن يصلن دخلوهن طوالي،
قالت ليهو سمح💜
في نفس اليوم دة جاني سامي وهبه،سلمو علي وشال كريم وبقى يلعب معاهو،وكريم دة كان متعلق بي 2خالي التاج وسامي،إستحاله يضحك مع زول الا معاهم علشان بلعبوهو وكذاا، وهو بلعب فيهو وكريم بضحكك بأعلى صوتو بقيت سرحانه فيهو وبقول ي ربي كريم حيلقى احن على عمو سامي منو؟ي ربي حيضحك الضحك دة على الدوام ولا لأ ي ربي؟
قال لي طبعا خالك التاج جاني وحكى لي الحاصل كلو واخد راي،قلته ليهو الحاجه دي طالما بتضمن لينا مستقبل كويس لي شهد وولدها م بنأباها ابدا،اهم شي عندي في الدنيا دي انكم تكونو بخير ي شهد،ودي فرصهه كويسه ليك ولي كريم من كل النواحي،ولدنا عايزنو يتعلم كويس ويشيل لينا شهادة يرفع بيها راسنا وراس ابوهو ربنا يرحمو، ونحن زاتنا م بنخليهم حنخت ليهم شروط عشان لا انتي ولا كريم حاجه هينهه بالنسبهه لينا💔
من كلامو عرفته رايو شنو في الموضوع وم عندو اي إعتراض عليهو من هنا انا خلاص يئسته لانو سامي دة كان البني ادم الوحيد الإتوقعتو يقيف معي او يرفض او ردة فعلو مفروض كانت تكون غير بس حصل العكس💔
بعد تلاته يوم بالزبط خالي التاج بالليل جاب الخدار وخروفين واي شي ،قال لناس حبوبه دايركم تعملو لينا اكل يشرف الناس الجاين دي م عادين ازبطو لينا اصناف كويسهه،والخروف التاني دة دايرنو شيهه بس م دايرين فيهو اي شي تاني،،عمتي هويدة قالت ليهو بجو متين ي التاج؟قال ليها م معروف المهم هم جاين وم دايرين اااااي تقصيير،البارد دة رصوهو في التلاجه تحت من اسي عشان بكرة يكون بارد شديد وي رحمه التلاجه حقتكم املوها مويه من اسي الصباح الحفاظات دي تكون ملانه،
