قولته ليهو طيب،قال لي يلا تصبحي على خير وانزلي اشربي ليك عصير ولا اي حاجه م تنومي كدة ولو إحتجتي اي حاجه انا هنا دقي لي باب الغرفهه ماشي؟...💔هزيت ليهو راسي بمعنى كويس،طلع وقفل الباب،للحظهه فضلته واقفه وبعاين للباب مستغربه طبعا فيهو م عارفاهو الليله حاسي بشنو دة كمان ،بقيت اقول لنفسي العيله دي فيها شي م تمام ،براهم بتقلبنو😶
صهيب في الجانب التاني دخل غرفتو وإتصل تلفون وقال"ي روحي اهدي انا من الصباح في المستشفى كنت مع ابوي تعب شويهه،لا هو تمام الحمدلله بس شويه مضاعفات في القلب دخلناهو المستشفى،جيتي الشقهه انتي؟يعني لسسسه هناك ولا رجعتي؟طيب خلي بالك وانتي سايقهه،ي حبيبي والله نفسي اتكلم واساهر معاك بس مرهق شدييييييد اليوم ،اليومين دي هتكون صعبه شويه لاني معظم الوقت هكون مع الحاج في المستشفى وانتي عارفه الجوطه البتحصل بس اي وقت لقيت نفسي فاضي هنزل اشوفكك،وانا كمان ي روحي يلا تصبحي على خير🌸بعد فصل رفع حواجبو وقال اوووووووووففففف،
صحيت الصباح لبسته كريم وقعدتهه اصلي والباب كان فاتح وانا شايفه كريم ماشي بس كنت بصلي م قدرته اقطع صلاتي،طلع وانا بسلم كدة فجاهه اسمع كريم يصرخ جريت لقيتو واقالبيت، السلم وطقهه راسو في الحديدة على م اعتقد وفجاهه اشوف الدم جاري من جبهتو ،انا لما شوفته الدم خلاص جن جنوني بقيت اصرخ وهوو يصرخ وشايلاهو جات حبوبه جاريه قالت لي في شنو ؟لما شافت الدم في وشو قالت لي لا إله الا الله كرر علي ي بتي مالو؟قولته ليها وقع ي حبوبه وقع،لما شافتني ببكي وم قادرة اهديهو وكريم ببكي شالتو مني وجرت بيهو على غرفه امتثال ،قالت ليها امتثال اصحي اصحي شوفي الولد دة وقع كيف،امتثال صحت مخلوعه وقالت بصرخه كريم،دخلته وانا بصرخ وبقول ليهم اودني ولدي ادوني ولدي حيموت انا ماشه بيهو الدكتور شوفو الدم جاري في وشو كيف،وهو من شدة م صرخ لمن بقى م قادر يطلع صوت بس بتنهد،جات عمتي عواطف جاريه قالت لينا في شنو في شنو،قولته ليها ولدي ي عمتي عواطف وقع حيموت حيموت ي عمتي عواطف😭😭😭حبوبه قالت لي قولي بسم الله ي بتي موت شنو استغفري،قولته ليها ي حبوبه ادوني اشيلو ،امتثال قالت ليهم طلعوها بره ،قولته ليهم ولدي حصلت ليهو حاجه ساكت م ببكي ولا بعمل اي حركه ولدي م قادر يتنفس،امتثال قالت ليها عواطف طلعي شهد برة من هنا سرعه قولته ليك،عمتي عواطف جرتني طلعتني برة وقفلت الباب بقيت ابكي ،قالت لي اهدي ي بتي م كدة الشفع ديل في عمرهم دة اصلا بتحصل ليهم الوقعات دي بس م بتحصل ليهم حاجه،قولته ليها انا كنت بصلي وم قدرته اقطع صلاتي م غفلته منو دقيقتين بس وربي😭😭😭💔قالت لي ي بتي البكى م بحلو روقي دقيقه دخلت وخلتني واقفه ومتكيه في الحيطه وببكي،فجأهه اسمع بصوت صهيب بقول لي في شنو؟شهد؟رفعته راسي قولته ليهو صهيب ولدي،بديت ابكي،قال لي ولدك مالو في شنو؟قولته ليهو وقع،قال لي وقع كيف ومن وين و اسي وين ودوهو المستشفى؟قولته ليهو لا مع امتثال هنا،قال لي مع امتثال كيف ليييه م ودهو المستشفى مشى فتح الباب فجأهه اسمع صوت كريم بصرخ،جريت على الباب قولته ليهم ادوني ليهو ي اخوانا،امتثال قالت لي ي شهد ماف شي والله ببكي عشان المعقم حار بس واسي كويس لسسسه مخلوع بس ،ربطو ليهو شاش في مكان راسو ،عايزة امشي اشيلو منها صهيب شالو قال ليها خلوهو لي البطل دة ،اها كدة تعال وريني الرماك شنو دي الأرض دي؟انت ي دووووب رجولك شايلاك ياخ😹قعدو يضحكو،حبوبه قالت ليهو والله على قولتك ي دوب يمشي كويس ،امتثال قالت ليهم الولد دة ادوهو عين والله ي اخوانا امس ونحن دخلين المستشفى كلها تعاين ليهو وشافع زي دة م اي زول بشوفو بقول ماشاءالله ،حبوبه قالت ليها هي زاتها شهد دي غبيانه بتلبس الولد دة ملابس صغيرة ،دايرة اتكلم معاها في الموضوع دة كنت انا،عمتي عواطف قالت ليهم اسي انا طالعه السوق بجيب ليهو معي كمون اللبسو ليهو في رقبتو دي💜فجأهه بدا يبكي تاني صهيب قال ليهم انا بطلع بيهو اخد لفه واجي يمكن زهجتو دي تفك،حبوبه قالت ليهو اي ي ولدي سوقو،شالو مشى بيهو ،حبوبه قالت لي تعالي ننزل تحت ي بتي م تقلقي ولدك كويس واسي بجي،نزلته قعدته معاهم وانا مقلقه واطقطق في يدي وكل شويه اطلع برة اقيف شويه غير الحرص م بشوف شي برجع ادخل،لغااااايه م ااخر لحظهه رجعتهه اوضتي ووقفته في بلكونتها ،بعد ساااعه كدة شوفتو جا داخل بعربيتو ،انتظرتهه مسااافهه لما م جا مشيت على اتجاه الباب اول م فتحتو لقيتو في وشو ،بقيت اعاين ليهو كان شايلو في كتفو ،قال لي بصوت واااطي نايم دخل رقدو في السرير لما بدأ يبكي بقى يطبطب عليهو ،لما سكت رفع يدو واتحرك من جمبو براحهه قال لي بصوت وااطي كويس م عندو شي م تشيلي همو،قولته ليهو بجد؟قال لي والله وديتو الدكتور قال لي وقعه عاديه وجرح بسيط زي م قالت امتثال،قولته ليهو طيب،قرب مني وختهه يدو في كتفي و قال لي اعملي ليهو حساب انتي وخلي بالك منو بس،رجعته منو خطوتين وبقيت اعاين ليهو ، خطى نفس الخطوتين الخطيتهم انا وبقى يعاين لي في عيوني،خته يدو في خدي وقال لي خليك متأكدة إني م هخلي اي حاجه كعبهه تحصل ليك لا انتي لا ولدك،عايزة انزل ليهو يدو مسك يدي قال لي يمكن الفترة الإتعرفنا فيها ببعض كانت غلط وانتي اخدتي فكرة سيئه عني بسس بقولو الزول لو م عاشرتو م تحكم عليهو صح؟وانتي لسسسه م بتعرفيني وانا عارف الفكرة المكوناها لي انتي في راسك بسس...فجأهه حبوبه قالت لي شههد،قوله شهد دي اتفكيت منو ،قولته ليها ايوة ي حبوبه،حبوبه فتحت الباب لقت صهيب واقف وانا مخلوعه ومتوترة،قالت ليهو صهيب انت هنا،قال ليها جبته كريم وصحى من النوم فجأهه ورجع يبكي ي دوب نام وسكت،قالت ليهو ي حليلو خلعه الوقعه لسسسه باقيهه فيهو،هاك دة الكيس بتاع الحلاوة والألعاب الجبتو ليهو معاك خليتو تحت امسكي ي شهد،مسكتو منها ،قالت لي نحن طالعين المستشفى نشوف عمك دة انتي م بتقدري عشان ولدك خليك هنا ،قولته ليها طيب،قالت ليهو صهيب انت م ماشي ي ولدي؟قال ليها ماشي ي حبوبه بس اجهز وبلحقكم انتو ماشين بعربيه امتثال؟انا هنا قلبي طار من الخوف،قالت ليهو اي مارقين مع امتثال،قال ليها طيب نتلاقى هناك،قالت ليهو خلاص كويس،والمشكلهه انها طلعت وقفلت الباب وراها،بقيت ماسكهه في الكيس وضاغطه عليهو،قال لي طيب انا هطلع عشان ححصل الجماعه ديل عايزة حاجه قبل م امشي؟هزيت ليهو راسي بمعنى لا،قال لي طيب اتصلتي على اهلك؟قولته ليهو لا،مشى فصل التلفون من السلك وفتحو وجابو لي قال لي حافظه رقم زول من بيتكم؟قولته ليهو ايوة ،قال لي مليني ليهو ،بقيت املي فيهو بعدها ضغط على حاجه كدة ووقف مساافه بعدها قال لي داخل هاك،مسكته التلفون كان في جرس شويه كدة اسمع صوت خالي التاج وهو بقول مرحب،قولته ليهو خالي التاج،قال لي شهد،قولته ليهو خالي كيفك والله مشتاقين وناس البيت كيفهم كلهم مالكم م بتسألو مني ومن ولدي و...بقيت اتكلم معاهو وانا م حاسه بروحي وببكي،قولته ليهو عايزة ناس حبوبه وعماتي اسلم معاهم قال لي اسي انا في السوق بعدين لمن ارجع بديك ليهم،قولته ليهو خلاص اتصل علي هنا في الرقم دة زاتو وسلم على ناس حبوبه سمح،قال لي يصل تب إن شاءالله وانتي كمان وصلي تحياتنا لأهل راجلك والوليد خلي بالك منو،قولته ليهو كويس،بعد فصلته منو لقيت صهيب مافي شكلو طلع بعد م انا بديت اتكلم،وبالفعل المساء رجع واداني حبوبه وعماتي وكانت معاهم مريم اتكلمته معاهم مسااااافهه قريب ساعه بعدها حبوبه قالت لي انا زاتي عندي رقم جابو لي التاج بعدين بخليهو يتصل ليك عليهو منو شان تتصلي علي يومي تطمنيني عليك،قولته ليها كويس،بعد اسبوع خرجو ابوهم جابوهو البيت ،وكلهم بقو متلمين حتى تعاملهم مع بعض اختلف بسبب مرض ابوهم دة وبقو يتلمو يقعدو في الهول حقهم ويتونسو واحيانا بقعدو في الحديقه برة بشربو شاي العصر وكذاااا..
انا الشي المحيرني انو صهيب بقى تعاملو غير شديد ،يعني إهتمام وبحاول يفتح معي مواضيع لما يلقاني قاعدة براي،في يوم انا قاعدة في المطبخ بقشر في بطاطس هو جا داخل يشرب مويه،قال لي مع جوطه المطبخ وكدة،هزيت ليهو راسي بمعنى ايوة،قال لي البطل بتاعي وين؟قولته ليهو مع احمد تحت ،قال لي طيب وامي وين؟قولته ليهو جاتها مكالمه مشت فوق،قال لي وطيب حبوبه وين؟قولته ليهو حبوبه مع ابوك في اوضتو،قال لي طيب وإمتثال،قمته على حيلي فتحته الماسورة في البطاطس قولته ليهو إمتثال مع احمد تحت ومحمد في المستشفى إتلفتهه وراي عايزة اشيل السكينه لقيتو واقف وراي مباشرة،قال لي طيب انا مكانتي وين بالنسبه ليك انتي ك شهد بس،اتخلهتهه وقلعته ليهو عيوني، وهو بيني وبينو سنتمترات بس،قولته ليهو عايزة اشيل السكين انا وتاني لو سمحته م تحاول تستغل المواقف وتقرب مني كدة الحركه دي اعملها مع نوعك البتمشي معاهو المطاعم داك ماشي؟!لزيتو وشلته السكين وبقيت اقطع في البطاطس وانا متوترة لمن برجف وهو واقف لسسه،قال لي النوع الانتي بتتكلمي عنو داك حاجه وانتي حاجهه ،قولته ليهوفي الحالتين م بهمني انا في الأول والأخير قاعدة في البيت دة م على زمه راجل لا انا قاعدة على زمة ولدي،عمتي عواطف جات داخله قالت ليهو صهيب جوعته ولا شنوو؟قال ليها والله ي امي جوعت شديد ومرت ولدك مصرة انها تتغلى وتشتغل على اقل من مهلتها،ضحكت قالت ليهو م في اكل في التلاجه طلعو دخلو المايكرويف،قال ليها خلاص جهزوهو لي وانا في غرفتي ،قالت ليهو كويس،طلع وانا متغااظه من كلمه مرتي القالها دي كيف،خلصته تقطيع البطاطس بقيت ابشر في الجزر ،عمتي جهزت الصينيه،قالت لي شهد هاك عليك الله وديها ليهو،قولته ليها بخلعه انااااا؟قالت لي البطاطس في النار لو خليتو بحرق،قولته ليها لا انتي وديها وانا بحمرو ليك،قالت لي لا والله من قبيل شغاله في المطبخ انتي امشي وديها ليهو وارتاحي انتي زاتك،حمرته دنقرته شلتهها ووديتها ليهو ،دقيت الباب عايزة اختها في الأرض وامشي الباب فتح بقى يعاين لي،قولته ليهو عمتي جهزت ليك الأكل،قال لي بإبتسامه يعني م انتي؟إتلفتهه منو قولته ليهو هاك ،قال لي طيب ممكن تجي تاكلي معي لأنو كتير علي براي،قولته ليهو لا م دايرة انا امسك،قال لي طيب شال الصينيه وانا اتحركته من جمبو ،
دخلته اوضتي اخدته لي نومه صحيت كأني كنت بحلم بي انو كريم ببكي،لبسته توبي وطلعته بره لقيت الشمس قربت تغيب وصهيب بلعب مع كريم وامتثال بالكورة امتثال بتشوتها ليهم وبتخلي كريم يجري يجيبها ليهو ،واحمد في المسبح بصفر وبقول ليهو يلا ي كيمو يلا ،وصهيب بقول ليهم ياخي فتر فتر والله وهو بضحكك وبلحق كريم وبشيلو في رقبتو وبشوت ليهم الكورة وكريم عاجباهو الحركهه ويضحكك ،امتثال قالت ليهو م تعلمو الكسل خليهو يجري يطلق رجلينو دي شويه،قال ليها جاب ليك الكورة دي اكتر من عشرة مرات كل مرة في اتجاه دة فات كريستيانو زاتو ياخ صح حبيبي؟نزلو وباسو مساافهه قال ليها شايفه قال اي ،هو في الواقع مافي كراهيهه غو حقد جواي تجاهو بس م عارفه م بقدر اتعامل معاه زي م بتعامل مع البقيهه ابدا💔💔
الوضع استمرة حوالي 4شهور ودخلنا على الشهر الخامس بنفس الوضعيهه،وتعامل صهيب ابدا م اتغير بالعكس كان كل يوم ببقى افضل حتى انا اقنعتهه نفسي بي انو انا م مفروض اتعامل معاهو بطريقه زفته ،خصوصا انو خلاص كريم اتعلق بيهو شديد اكتر من احمد حتى وبقى م بنزل منو لما يلقاهو ومعظم الوقت بقول لي جهزيهو جاي سايقو معي واحيانا بقول لي اجهزي نطلع الحته الفلانيه لما اقول ليهو لا بكلم امتثال عشان نطلع مع بعض وكذااا،م عارفه بس حسيتو اتغير شدييد اتولدت ثقهه جواي تجاهو،بقى تعاملي معاهو طبيعي،بتسبل بي كريم وبجي الغرفه يقعد بالساعات بس عشان يتونس معي،واحيانا بنوم كريم في غرفتو وبنوم معاهو علشان انا اجي اشيلو بالليل وبتعمد يعمل كدة،يعني عدت علينا ايام شبه حلوة،ايام حسيت فيها بالراحه النفسيهه حبتين وبقيت احسن ،حسيت انو الحياة بدت تبتسم لي بجد،في يوم صهيب شال كريم ومشى بيهو غرفتو الكلام دة بالليل ،انا بعد م صليت وقريت كم ايه من سورة البقرة وخلاص عايزة انوم قلت امشي اجيب ولدي ،فتحته باب الغرفه لقيت كريم نايم وصهيب راقد جمبو وبتكلم بالتلفون،اول م شافني قفل الخط وبقى يعاين لي ،م ركزته معاه جيت اشيل ولدي تلفونو ضرب،عايزة ارفع صهيب من السرير،شالو رقدو بالإتجاه التاني ،قولته ليهو في شنو مالك عايزة ولدي اناااا، جراني من يدي ورقدني جمبو في السرير،بقيت اتقالع معاهو قولته ليهو صهيب انت م واعي دة شنو البتعمل فيهو دة،قال لي يعني الواحد لما يكون عايز ينوم وسط مرتو وولدو ببقى م واعي؟قولته ليهو صهيب فكني خليني انزل،قال لي ماف نزله ،قولته ليهو هتنومني معاك بالغصب؟قال لي زي م تسميها سميها ،قولته ليهو عاين تلفونك بضرب شيل تلفونك اتكلم كلامك والعب لعبك وخليني انزل،قال لي قولتيها براك الفي التلفون دي لعبه بس انتي بالنسبه لي حقيقه وجزؤ من واقعي الما بقدر اتجاوزو فهمتي،بقى يمشي يدو في خدي وهو بعاين لي وانا خلاص عايزة ابكي،قال لي والله م هعمل شي ولا حغصبك على شي بس خليك هنا ممكن؟ عايزة انزل جراني ولفه يديهو حواليني قال لي بطلي عنادك وقوة راسك دي،بعد مصارعه معاهو ودموع نمتهه في محلي من شدة م كان ماسكني ومصر على انو انوم معاهو في سرير واحد،صحيت على صوت كريم وهو بلعب،فتحته عيوني اشوف صهيب راقد ومقعد كريم في بطتو وبرفع ليهو في يديهو زي الكأنو بريض فيهو كدة وكريم يضحك،صهيب بقول ليهو يلا قول بابا،ارح قول بابا،كريم فعلا قال ليهو بابا،صهيب قال ليهو تاني تاني يلا بااااباا،قمته على حيلي من الخلعه والتوب بتاعي كان مفكوك وم لابساهو،صهيب عاين لي بإبتسامه قال لي كريم عاين ماما صحت يلا قول لماما صباح الخير،كريم قال لي مااااماا وضحكك،صهيب قال لي صباح الورد،لبسته توبي وانا مغبونهه منو وطلعته حتى كريم م شلتو،م حصل زول قرب مني بالإسلوب دة من وفاة سعد الا هو، وانا بستحمى قلت لنفسي بس غريبه م عمل معي شي غلط،م فكر يقرب مني بطريقه كدة خلتني اقاومو،حتى انا لما لقيتو مصصر على انو يرقدني جمبو وقال لي هغصبك على حاجه اتطمنت وإستسلمت بناء على كلامو وفعلا هو م عمل شي في حين انو حتى لو عمل دة حق من حقوقو،نزلته لقيت امتثال في المطبخ،قولته ليها صباح الخير،قالت لي صباح النور وين انتي نايمه مشيت غرفتك امس بالليل لقيتك مافي والصباح برضو لقيتك مافي رحلتي مع صهيب ولا شنوو😹😹😹حسيت بالإحراج طبعا ودخلته في ظفوري،قولته ليها ود اختك المجنون دة امس جبرني انوم معاه في غرفتو م خلاني اشيل ولدي،قالت لي صهيب واااي دة مجنون بعملها😹😹😹😹😹💔بقيت اعاين ليها وهي بتضحكك،قالت لي خلاص م حضحكك هههههه،المهم الخبر الحلو هيا الليله جاايهه اخيرا😍قولته ليها بجد؟قالت لي والله،قولته ليها تصل بالسلامه يااخي،قالت لي طبعا بعمل ليها في كفته وصينيه مكرونه بالبشاميل روحها ونفسها فيهم،قولته ليها ظريف اساعدك في حاجه؟قالت لي ونسيني بس وهاك قطعي لي الشمار الاخضر دة عليك الله ،طبعا سارة من الصباح تغسل لو عندك ملابس طلعيها ليها،قولته ليها م عندي والله امس غسلته ملابسي وملابس كريم،قالت لي انتي كويسه بتغسليهم اول بأول💜ونحن قاعدين جو حبوبه وعمتي داخلين شكلهم جاين من السوق،حبوبه قالت لينا تعب التابا واليابا،قولته ليها حبوبه تعالي اقعدي هنا ،شلته منها الأكياس،عمتي عواطف قالت لي شهد صباح الخير اها هيا م اتصلت؟امتثال قالت ليها بري والله،قلعو تيابهم وقعدو جا صهيب شايل كريم ويلعب فيهو،قال ليهم صباح الخير ي جماعه،امو قالت ليهو صباح النور،حبوبه قالت ليهو كيف اصبحتهه ي ولدي؟قال ليها والله ي حبوبهه مبسوووووط ياااخي مبسووووط شدييييد ياخي،طبعا بتكلم وبعاين لي،امو قالت ليهو خير ان شاءالله الباسطك شنو كدة الليله،حبوبه قالت ليهو هي ي يابا عساك دوم مبسوط كدة ،قال ليها امييين ي حبوبه انتي بس ادعي يخخخ،امتثال بقت تعاين ليهو وتعاين لي وتضحكك،قولته وييييي دي تكون فهمت كلامو غلط لا يااخ😭💔جهزنا الاكل والعصير وكل حاجه ،اثناء م انا بدخل العصير الفريذر فجأة اسمع صوت صراخ عاااااااالي،طلعتهه مخلوعه طبعا فجأهه اشوف واحدة حاضنهه حبوبه وبتقول ليها والله والله والله ي حبوبه شووووووووووق،وحبوبه تقول ليها حمدلله على سلامتك ي بتي حمدلله على سلامتكك شرفتي ي بتي ونورتينا والله البيت من غيرك م ليهو طعم،وفجأهه اتكررت القصه مع عمتي عواطف واتفتح موال بتاع بكاء،بعدها إمتثال بنفس النمط وعليهو صراخ واحضان و...،البت كانت حلوووووووووووتهه شديييييييد لابسه بنطلون ضيييييييق ومكفكف من تحت وقميص وجزمه وفاكه شعرها ،قلعته الجزمه قالت ليهم بابا حبيبي وين ووين السجم ديل صهيب ،محمد واحمد وينهم،امها قالت ليها كلهم مافي وابوك دة مكتبو لسسسسهه م جا،قالت ليهم اهااا كيفكم يااخي وربي مشتاقين مشت على حبوبتها قالت ليها حبوبه ياااخي مشتاااااااااقاك شوق م عادي وباستها في راسها وساقتها قعدتها في الكنبه ورقدت في رجولها وبقت تتونس معاها،رجعته المطبخ جات امتثال قالت لي شهد هيا جات م سامعانا بنصرخ كيف مالك م جيتي،قولته ليها م حبيت اقطع ليكم اللحظات الاسريه وكذااا،قالت لي انتي هبله تعالي سلمي عليها يلا قومي تعالي،ونحن طالعين فجأهه نسمعها بتصرخ،لما وصلنا شفناها جاريه على صهيب وهو شايل كريم،وفجأهه شالت كريم وبقت تبوسو في جضومو قالت ليهو وبعلي من حلاوتو وبعلي احلى من في الصور والفيديو ويييييييييي من الجضوووووم يخوااني 😻😻😻صهيب قال ليها على فكرة انا هنا،انا اخوك الاسمو صهيب الزمااان داك متزكراني ولا لسسه مع جضوم كريم؟قالت ليهو هييي نسيييت وحضنتو قالت ليهو مشتاااااااااااااااااقيييييييييين والله مشتاااقين شوق م عادي،قال ليها قبل كم شهر كنت معاك ويومي ماعطاني مكالمات فيديوخلي مشتاقين😒قالت ليهو غلطانه انا البتصل عليك ي غياظ وجرتو من مناخرو،مسكها من جضومها قال ليها ولا فاضيات لحقات كريم زاتو😹😹😹قالت ليهو والله واجعني من يوم م علقته عليهم م شافو العافيهه😹امتثال قالت ليها لو خلصتي سلام على اخوك الماعطاهو يومي سلمي على شهد،اتلفتت علينا عاينت لي مسااافهه قالت لي انتي شهد ام كريم؟قولته ليها ايوة،قالت لي اهلين كيفكك؟قولته الحمدلله بخير وانتي؟قالت لي تمام م عندي عوجهه💜
سلامها كان مسيييخ وباااارد شدييييد لمن انا اتحسستهه من نفسي كاني كنت معاها اسي ،حتى امتثال حست بي بس م ركزت،وهي ماشهه قالت لي صهيب لوكال شدييييد ي جاكس ياخ اتسيكتهه تسيكهه عجيبهه،صهيب عاين لي وضحكك وقال لي كريم يلا امشي لماما فترتني زاتو ياخ🔥💔انا إتضايقتهه شديييد مع اني م فهمته كلامها القالتو وهي طالعه بس ضحكه صهيب وعينو لي خنقتني،رجعته غرفتي من الزعل حسيت بنفسي م قادرة اتنفس حتى،لما جا زمن الغداء نادوني قلت ليهم م عايزة غداء انا بطني ملانه،جاني صهيب قال لي م عايزة غداء لييييهه؟قولته ليهو بطني ملانه انا،قال لي بطنك ملانه اكلتي شنو من الفطور الكان قبيل داك؟قولته ليهو صهيب والله انا م عايزة ،قال لي كلهم منتظرنك تحت عشان تجي تتغدي لو م نزلتي انا كمان م نازل،قلته ليهو صهيب،قال لي يلاااااا مسكني من يدي وضغط عليها،قولته ليهو طيب بس البس لي توب كويس،قال لي يلا منتظرك ،قولته ليهو حالبس التوب وبلحقكك كريم زاتو نايم م حتأخر،قال لي لا قدامي،طلعته التوب من الدولاب بقيت اعاين ليهو،قال لي العين دي قصدك بيها اجي البسو ليك يعني😌قولته ليهو وشك على الباب،ضحك قال لي والله انتي تحيري،اتلفت بعد م خلصته اتلفت علي لقاني وراهو قولته ليهو يلا،قال لي رايك شنو نتغدى برة طيب ،قولته ليهو الناس تحن منتظرين يلااااا،نزلنا وهو بتكلم معي وبقول لي عويرة كيف في زول بعزموهو برفض العزيمه،قولته ليهو مش انا رفضتهه؟قال لي اي،قولته ليهو يبقى في🐸قعد يضحكك قال لي زكرتيني فيلم،هم شافونا لما بنتكلم وبنضحكك وكانو مركزين معانا حسيتهم لما وصلنا كلهم بعاينو لينا،امتثال قالت لي في زول اسي قال م عايز ياكل واسي حنسوهو ونزل،حسيت بالاحراج لمن دوختهه،قامت هيا قالت ليها مع الموضوع م بستاهل تحنيس يعني الواحد بطنو دي م بحنسوهو عليها الدراما م حبابها،امها عاينت ليها وقرصت ليها عينها ،قالت ليها مااام،امها قالت لينا يلا سمو ي جماعه،الأكل حسيتو إتحنضل علي اساسا م حبيت انزل لاني حسيتها م حبتني ولا طاقتني علشان كدة قلت م انزل،اكلته شويه وقمته قولته ليهم بالهنا،بقو يحلفو فيني ابيت اصريت على اني شبعته ورجعته غرفتي،وانا قاعدة وبشاهد في التلفزيون جا صهيب داخل وشايل ليهو صحن رز بالكستر ومعاهو ملعقتين،لقاني مشغله قناة كدة شال المقعد المتحرك و قعد جمبي في السرير وخته الصحن فوق للسرير،قال لي انا متأكد انو القناة الانت مشغلاها دي اسي لو قلته لي حصل فيها شنو قبل دقيقتين من دخلتي م حتجاوبي،قلته ليهو ليييه،قال لي عشان بالك م هنا ،انتي متضايقهه من كلام هيا صح؟قلته ليهو ابدا والله،قال لي بجد؟قولته ليهو خالص خالص،قال لي م تركزي معاها اصلا هي بتدي في الوش بس قلبها ابيض لو اتعمقتي فيها حال الاعلاميات زي م عارفهه،قولته ليهو فعلا هي ماشاءالله عليها،شال ملعقه رز بالكستر وأكلني ليها قال لي م عايزك تضايقي من اي شي بحصل حواليك اتفقنا؟قولته ليهو طيب،قال لي هتاكلي ولا أااكلك؟قولته ليهو اساسا م عايزة،بال لي لا انا جبتو على اساس انو ناكل مع بعض ف بلييييز ،قولته ليهو طيب،بدينا ناكل واكلته لمن م حسيت بنفسي وهو بتونس معي وشاغلني بالونسه وكذاا ،بعدها قال لي انا طالع عندي مشوار يمكن اتأخر لي اخر الليل عايزة حاجه قبل اطلع؟قولته ليهو لا،قال لي طيب يلا سلام،
عدت يومين اصحاب هيا البنات بقو يجوها في البيت وانا اصلي م كنت بطلع عليهم بحبس نفسي وولدي في الغرفه ،في يوم كنت في المطبخ وانا طالعه الجرس ضرب وسارة مافي كانت في اجازة وسامعه هيا بتكورك وبتقول افتحو الباب ي التحت م سامعنو يعني ،مشيت فتحته الباب لقيتهم بتين حلوات تقول بنات حور،واللبس والشعر وكل شي حاجه كدة خرافيهه،سلمته عليهم وقولته ليهم اتفضلو،جات هيا نازله وهم داخلين،قالت ليهم م كان تجو ي سجم علشان اموتكم،وسلمت عليهم ،واحدة منهم قالت ليها امس نسيت وصلتي هنا ،قالت ليها عارفه قاعدة عندي فوق،وهم طالعين قالت لي شهد جيبي لينا مويه في جك فوق،قولته ليها طيب،مشيت شلته ليهم كبابي في صينيه ومويه في جك وشلتها وديتها ليهم،لما وصلته قريب للغرفه فجأهه اسمع واحدة فيهم بتقول "م قادرة اوقف بكاء م قادرة انااا والله من لحظه م عرفته وانا مصدومه،معقوله عمو سمير يعمل كدة في صهيب ويختو في موقف زي دة ليييه بس وعلشان شنو،هيا قالت ليها ي بت انتي هبلهه ولا حاجهه،البت لوكال شديد فكرك صهيب هيخليك عشانها؟قالت ليها قصدك شنو انتي؟قالت ليها صهيب م حكى ليك؟قالت ليها لا،قالت ليها طيب كل شي في وقتو حلو ،قالت ليها قصدك شنووو انتي؟قالت ليها كل شي في وقتو حلو حتفهمي كل حاجهه بعدين بس انتي بطلي بكاء وهبل عايني لنفسك مرتين وعايني ليها هي في مقارنهه ؟التانيه قالت ليها بالزبط كدة فكري بالمنطق وبعدين واضحك صهيب م حكى ليك عشان م يجرحكك لانو هو زاتو إتختهه امام الأمر الواقع زيو زيكك،دقيت ليهم الباب هيا قالت لي ادخل،دخلته قولته ليهم المويه اتفضلو،البت الكانت بتبكي عاينت لي من فوق لتحت ومسحت دموعها،طلعته وانا جواي إستفهامات كتيرة بس لقيت نفسي بقول وانتي مالك ي شهد في النهايه صهيب اااخر إهتماماتكك،بس هيا كان قصدها شنو لما قالت ليها حتفهمي كل حاجه في وقتها؟فكرته كدااا م لقيت جواب للموضوع ولقيت افكاري مشوشه إتجاوزتو وقلته ئهه ي شهد بتكون بتهدي في صحبتها بس،عدة شهر وصهيب تعاملو معي اصلا م اتغير بالعكس،في يوم جاني بعد العشاء كدة قال لي شهد ممكن نطلع مع بعض شويه ،قولته ليهو ليييه؟قال لي متضايق شويه وعايز اتكلم معاك بس م في البيت هنا،قولته ليهو طيب بس كريم نايم ،قال لي نوصي عليهو امتثال تراقبو،قولته ليهو طيب،لبسته وطلعته معاهو،ركبنا العربيه مشينا مسااافهه وهو كان بشرب في السجاير من طلعنا ،بشرب وهو ساكت وم كنت قادرة اتكلم معاهو ،لما حسيت السكات طال قولته ليهو في شنووو؟سكت،قولته ليهو انت سايقني عشان تسكت،قال لي م عارف بس انا متضااايق شديييد ،قولته ليهو من شنو بسس؟قال لي من كل حاجه ي شهد انا مخنووووق ،مخنووووووق شديييد فهمتي،قولته ليهو طيب قول لي السبل شنو بالزبط الحاصل شنو؟قال لي شهد انا اليوم وصلتهه28سنه وم عامل اي شي في حياتي دي م عامل اي إنجاز ،اي كل حاجه متوفرة عندي بس انا م مبسوط من نفسي ابدا ي شهد،عايز اشتغل واعمل دخل لنفسي،
قال لي شهد انا اليوم وصلتهه28سنه وم عامل اي شي في حياتي دي م عامل اي إنجاز ،اي كل حاجه متوفرة عندي بس انا م مبسوط من نفسي ابدا ي شهد،عايز اشتغل واعمل دخل لنفسي،عايز احس بنفسي زول مسؤل زي زي اخواني الكبار ،زي هيا،شهد انتي عارفه انا خريج هندسه معمار وعندي سنتين وللأن م عملته ولا شي وم خطيت اي خطوة في حياتي،عايش كدة بين الجبنات والشيش والرحلات ،يعني لما ازهج بقطع تزكرة وبسافر اقرب مكان بس حتى وانا بعمل الحجات دي م مرتاح ي شهد ،اخد نفسس عميييييق وولع ليهو سجارة شلته منو السجارة قولته ليهو دي م بتحل ليك مشكله ،قال لي بتريحني،قولتهه ليهو لو بتريحكك م كنت هتشكي لي ،قال لي طيب اعمل شنو بس قولي لي،قولته ليهو طيب عايز تعمل شنو؟قال لي م عارف،قولته ليهو كيف يعني؟قال لي عندي مشروع في بالي بس م عارف فجأهه خطر على بالي وم عارف كيف وكيف هل حيظبط ولا لا،حاسي بنفسي جاهز وم جاهز،قولته ليهو مشروع شنووو؟قال لي حتقيفي معي؟انا محتاج مساعدتك فيهو،قولته ليهو شنو قول لو بقدر اساعدك اكيد هساعدكك،قال لي عايز اعمل مشروع في بلدكم هناك ،عايز ازرع محصول بحيث انو في سنهه واحدة يكون عملته مصدر دخل كويس،قولته ليهو وانا هقدر اساعدك كيف؟قال لي انا معي القروش بس م لدرجه انها تخليني اااجر او اشتري قطعه ارض،القروش العندي ي دوبها تكفي إحتياجات الزراعه والناس الحيشتغلو فيها،فانا محتاج قطعه ارض ازرع عليها وفيما بعد ممكن ادفع إيجارها ،قولته ليهو صهيب دي حاجه في قمه البساطه واكيد انا معاك للنهايه كمان دامك عايز تبدأ من الصفر ،انا اساسا ابوي لما اتوفى خلى لي قطعه ارض،وجدي خلى لي كذا قطعه ،لو انت جادي انا م عندي مشكله ،اكتر واحدة ارضها كويسه هكلم خالي التاج يجهزها ليك،قال لي بجد ي شهد؟قولته ليهو والله جادة دي م حاجه بهظرو فيها،قال لي م حتقدري تتخيلي انتي بكدة هتكوني عملتي فيني معروف قدر شنو،قولته ليهو م تشيل هم ان شاءالله هيحصل كل خير وتتوفق💜عدت يومين على الكلام دة وهو م سألني ابدا،مشيت انا لقيتو قاعد براهو في الحديقه وبشرب في قهوة ،قولته ليهو صهيب،قال لي ايوة،قولته ليهو انت بطلتهه؟قال لي شنووو؟قولته ليهو الموضوع الفاتحتني فيهو قبل يومين،قال لي لا ابدا،قولته ليهو طيب عملته شنووو؟قال لي شهد انا منتظرك انتي تفاتحي اهلك في الموضوع اكيد طبعا انا م همشي اقول ليهم انا عايز ارض بتكم عشان ازرع فيها،قولته ليهو طيب برجع ليك بعد شويه،مشيت شلته التلفون اتصلته على خالي التاج وحكيت ليهو الحاصل،م قولته ليهو انو صهيب هو الطلب مني كدة لا قولته ليهو انا اديتو الفكرة دي وهو وافق عليها،قال لي ي بتي جدا ابشري تب،اصلا ارااضيك في الحفظ والصون وم نقص منها متر،قولته ليهو طيب انا دايراكم تدوهو ارض مشروع جدي الكبير،الدايما زراعتعا بتكون ناجحه عشان الارض كويسه وكدة،قال لي طيب ابشري إعتبري الموضوع انتهى،رجعته لي صهيب لقيتو مافي،انتظرتو لغاايه المساء لما م جاء إتصلته عليهو كان في مكان جوطه شديدة كدة،قال لي ايوة ي شهد في حاجه،قولته ليهو اتصلته عليك عشان اقول ليك انو كلمته خالي انا ووافق قال م عندو مشكله،قال لي ومتصله علي اسي عشان كدة يعني م قادرة تنتظري لمن ارجع،قولته ليهو م الزمن اتأخر عشان كدة،قال لي طيب طيب،قفل الخط قولته دة مالو؟؟؟م علينا المهم انا العلي عملتو انا بس حنيت على حالو م اكتر، الصباح صحيت على صوت دق في الباب ،نزلته فتحتو لقيتو هو قال لي صباح الخير،قولته ليهو صباح النور،قال لي معليش صحيتك من النوم،قولته ليهو لا م مشكله عادي،قال لي في موضوع المشروع القولتو ليك عشان كل شي يكون قانوني وم يكون في جاي ولا جاي عايزك توقعي لي على الورق دة بإعتبارو زي عقد الإيجار ،يعني كأني مؤجر منك الارض دي وبملك عليها كل صلاحياتها ،قولته ليهو طيب ،قال لي اتفضلي،فتحته الورق وهو وصف لي اوقع وين،قولته ليهو اوقع كيف؟قال لي م بتعرفي تكتبي؟قولته ليهو بعرف قال لي طيب اكتبي حرفك الاول وعليهو شخبطهه بس،قولته ليهو طيب،بالفعل دة الحصل،مضيت على كل حته قال لي امضي عليها ورجعته ،في نفس اليوم دة بالليل التلفون ضرب،رديت لقيتو خالي التاج،سلم علي وكدة وسألتو عن اخبار ناس حبوبه وسامي وكدة قال لي كويسين م عندهم عوجه،حسيت بنبرة صوتو م تمام قولته ليهو خالي مالو صوتك ملتهب ولا شنووو؟قال لي لا م ملتهب والله ،اها اتصلته عليك داير اسألك،قبل شويه جاني محامي تابع لناس حاج سمير شايل ليهو ورق كدة م بعرفو قال انتي موقعه عليهو ،قولته ليهو اي ي خالي دة ورق موضوع المشروع القولته ليك صهيب داير يعملو في الارض،قال لي لكن ي بتي انتي متأكدة من قرارك دة؟قولته ليهو اي ي خالي متأكدة م هو اصلا حاجه بتنفع بيها،مدام الارض قاعدة فاضيه خليهو يستفيد منها هو،قال لي يستفيد م اعترضنا لكن..سكت مسافه قال لي خلاص كويس في الأخير الراي رايك دي اغلى ارض عند ابوي الله يرحمو وعشان هي غاليه عندو خلانا كلنا وورثك ليها،قولته ليهو عااارفه والله ي خالي ،قال لي ابشري طيب الله يكتب ليهو فيها الخير ويوسع رزقو فيها،قولته ليهو امين ي رب💜بعد م قفل رجعته لي صهيب م رد علي،قولته يمكن بعيد ،عدت يومين م جا البيت،حبوبه قالت ليها انتي ي عواطف الولد دة ليهو يومين لا حس ولا خبر مشى وين تاني كمان،قالت ليها والله ي امي علمي علمك انا زاتي بتصل عليهو م برد،امتثال قالت لي م قال ليك ماشي وين ي شهد؟قولته ليها لا والله،لكن عندو موضوع كدة فاتحني فيهو شكلو مشغول بيهو اليومين دي،كلهم بصوت واحد قالو لي مشرووووع؟امو قالت لي مشروع شنو دة كمان؟قولته ليها م حكى ليكم بيهو؟حبوبه قالت لي يطرشنا ي بتي،قولته ليهم انا م متأكدة لكن بجي هو بحكي ليكم عندو،امتثال قالت لي والله كان صهيب عايز يبقى بتاع مشاريع دي حاجه كويسه المهم ي جماعه اها موضوع عرس ناس الإدريسي ديل كيف؟جات هيا نازله وبتتكلم بالتلفون قالت اوك اوك باي،Cu حبوبه قالت ليها يسوسو راسك دة النهار كلو تتنوضمي مالك ي بت انتي؟عمتي عواطف ضحكت ،قالت لي امتثال هو العرس يوم شنو؟قالت ليها الجمعه،قالت ليها انتي جادة؟والليله التلاتاء يعني يومين بس قدامنا،امتثال قالت ليها تخيلي؟هيا قالت ليها عرس منو؟قالت ليها عمك عبدو الادريسي ،قالت ليها بجد؟واحد من اولادو ولا شنو؟قالت ليها اااي،قالت ليها كان نفسي لما ارجع السودان احضر عرس ياخ طولته م حضرته لي عرس وانتي ي امتثال م دايرة تتخارجي عشان نتبهرج في عرسك ياخ،امتثال قالت ليها اتخارجي انتي ي السمحهه 😒هيا ضحكت قالت ليها خالتو خالتو ريلاكس م تتحسسي،المهم في عرس والواحد حيحضرو وكدة،يوم الخميس صهيب جا العصر كدة حتى انا اتفاجأتهه بيهو جا في الغداء كانو كلهم ملموين الا ابوهم ماف قعدنا وإتغدينا ،ومع الونسه وكدة محمد قال لي والله ي شهد لو جهزتي لينا شاي ظريف كدة نهضم بيهو بدل المياه الغازيه دي يكون احسن، قولته ليهو حاضر،امتثال قالت ليهو وانا عامله كيك ظريف حجيبو ليكم مع الشاي جمعه زي دي بتحصل في السنه مرة، جهزنا ليهم الشاي والكيك وجبنا ليهم ،قولته ليهم انا طالعه اصحي كريم دة من النوم من قبيل نايم،احمد قال لي فتران من الشغب البعملو خليهو نايم احسن،قولته ليهو بالليل حيساهر بي وم حينوم عشان كدة،محمد قال لي كيمو شغب يااااخ ،قولته ليهو شغب سااي،حبوبه قالت لي سمح اقعدي اشربي الشاي عشان لو صحيتيهو م حيخليك،قولته ليها م عايزة والله ي حبوبه إتغديت اسي م بقدر اشرب ساي تاني،محمد قال لي بالعكس بهضم ليك اسمعيها مني انا ك طبيب،قولته ليهو لا والله م عايزة،قال لي طيب راحتكك ،خليتهم قاعدين وطلعته فوق لقيت كريم في سابع نومه ،قدر م قلبتو وحاولته اصحيهو يتمغى لي مساافه ويتقلب يمين في وشمال ويرجع ينوم،نص ساعه انا بحاول اصحى فيهو وهو يصحى يبكي ويرجع ينوم،في النهايه حسيت انو بجد فتران من كترة الشيل والحوامه في البيت خليتو ونزلته،وانا نازله في السلم فجأهه اسمع صوت عمتي عواطف بتقول"اجي ي ولدي كيفن م بتسوقها معاك العرس؟قال ليها امي انتي م جادة؟اسوقها معي وين؟قالت ليهو تسوقها زي م اي راجل بسوق مرتو واولادو وبمشي بيهم الاعراس،قال ليها مشكلتكم جدجد كذبتو الكذبه وصدقتوها،ي جماعه المرة دي لغاايه اللحظه بالنسبه لي انا م مرتي ،انا ابوي جا قال لي تعرس البت دي قولته ليهو جدا بعرسها ليك ودة العملتو،والولد دة م ولدي انتي زاتك اسي كان سألتك هل الولد دة ولدي؟حتقولي لا، كل م استوعبتو الحاجه دي اسرع يكون افضل وطلعونا من جو الدراما الانتو عايشين فيهو دة وم تعلقو البت فيني ساااي،امو قالت ليهو صهيب ي ولدي اسي نحن قلنا ربنا هداك والفترة دي كلها ماشي كويس وحتى تعاملك معاها وعلاقتكم كويسه الحاصل شنو فجأهه قلبته؟قال ليها شوفي ي امي اي تصرف تشوفيهو طالع مني انا مع شهد إتأكدي تماما انو دة بناء على رغبه وتعليمات ابوي زي م لما طلب مني اعرسها وزي م كان حاصل الفترة المضت دي كلها ،ابوي كان عندو حاجه في راسو طلب مني اظبطها ليهو وانا ظبطتها وبس دة الحاصل وانا زاتي في البيت دة م قاعد راجع شقتي ،قالت ليهو ي ولدي ،قال ليها ي امي منتهي بس،محمد قال ليهو انت وابوك شغلكم م يكون على حساب مشاعر البت كان ابوك بقى عقلو مادي ومجرد من الانسانيه انت فكر بعقلانيه ي صهيب م كدة ياااااخي انت راجل ابقى قدر كلمه راجل دي البت م ليها ذنب في اللاعيبكم الوسخهه انت وابوك والمعاه،احمد قال ليهو انت عارف انا حسيت انو تصرفاتك الفترة المضت دي كلها كانت وراها حاجه وم طبيعيه ومبنيه على مصلحه؟م عارف المصلحه شنو هي بالزبط بس سبحان الله احساسي م خاب 💔امتثال قالت ليهو سبحان الله نفس احساسي ي احمد💔هيا قالت ليهم هيييي في شنوو؟على فكرة البت دي م ضحيه ضحيهه صهيب لانو بنفذ كلام بابا بالحرف الواحد وهو بشيل الليله،اسي انا متأكدة لو بابا دة طلب من محمد ولا احمد ولا مازن يتزوج البت دي ماف واحد فيكم حيقبل،محمد قال ليها فعلا انا م حأقبل لانو الزواج دة م لعبه الزواج تقرير مصير بين طرفين م صفقهه تمام ،بالمنطق انت لما تلقى زول ماشي في طريق غلط لو قدرته تهديهو م تمشي معاهو ،اخوك مفروض يستوعب الحته دي،قالت ليهو البت دي اول شي عاينو ليها مرتين معقوله صهيب لو م مجبور ومغصوب عليها حيوافق بيها؟يعني البنات انعدمن؟وبعدين امي بتقول ليهو يمشي بيها إجتماعياتنا،ياخي دي لو طلع معاها قدام الحرص والحشيهه دي حاجه يؤجر عليها ولا م كدة ي صهيب؟ قالت كدة وضحكت وصهيب ضحكك معاها،قالت ليهم بالمختصر هي اصلا جات مكان م كانت بتحلم بيهو حلم،وعايشه في بيت حتى في تلفزيوناتهم م اعتقد شافتو،وفي عصمه راجل لغايه اللحظه يمكن مكذبه نفسها انها اتزوجتو،عايزة شنو اكتر من كدة تاني فوق م انها متزوجه وعندها ولد وإنتشلوها من البيئه الكانت فيها وجابونا هنا تبوس يدها سماء على ارض على النعمه دي،بس ي امي قصه انو يطلعها معاهو قدام الناس والكلام دة بعيد شديد دي م حاجه تجبروهو عليها دي حريه شخصيه هو في يدو زمام الأمور بعد كدة وهو م معترف ولا مقتنع بيها اساسا بينو وبين نفسو حتى خلي لمن قدام الخلق تخيلو كدة صهيب يمشي معاها عرس ناس الادريسي قدام الخلق ديلك كلهم ييييييييع💔،صهيب قال ليهم اظن كدة هيا وضحت ليكم كل شي،محمد قال ليهو وضحت لينا قرايه وشغل الواسطات بخلي العقل يفكر كيف للأسف والله،فجأهه سمعتهه تلفوني إتصل،رجعته وانا عيوني غرقانهه دمووع،رفعته التلفون لقيتها حبوبتي ،فتحته الخط قولته ليها الوو،قالت لي بتي كيفك إن شاءالله طيبه،قولته ليها حبوبه انا بخير الحمدلله انتي كيفكك وكيف صحتك سألته منك خالي التاج اول امس،قالت لي انا كويسه في امان الله والله ،كريم ولدي كيف ان شاءالله طيب ؟قولته ليها الحمدلله والله ي حبوبه مشتاقين ليكم بس كنت بتكلم معاها ودموعي جاريه،قالت لي نحن كمان مشتاقين ليكم كتير ي بتي،ولدك م يكون خليتي ضعف بس اكليهو كويس وشربيهو اللبن دة كتير واديهو الفرصه بتاعه اللبن،لبنكم هناك م بكون زي لبنا هنا لكن حاولي اكليها ليهو ي بتي وانتي زاتك اكلي كويس وخليكي بت عديله ومجيهه لبيتك وراجلك ي بتي سمح واتحنني م تخلي حنتك دي تطلع من رجلك ودخانك م تخليهو. برسل ليك شوالين طلح من هنا بخلي خالك التاج يرفعهم ليك في البصات الجايه غادي خلي زول يستلمهم ليك وبرسل ليك معاهم ويكه ودلكه ونبق وقنقليز والعرديب عارفاك بتحبي الحجات دي لكن م تاكليها كتير بتهرس كبدتك،قولته ليها سمح ي حبوبه،قالت لي اها راجلك عمل شنو في قطعه الارض الأديتيها ليهو،داير يبدا ينضفها ويجهزها للخريف متين؟التاج قال لي طوالي رسل المحامي وحول الملكيه من اسمك لي اسمو قولته ليهو الإستعجال ليشنو م في النهايه كان هو كان شهد واحد،قال لي يمه عشان كل شي يكون قانوني شان كان حصلت اي مشكله هو بحلها بإعتبارها ملكو هو م ملك شهد،كان قالو ملك شهد في اي شي لازم تجي شهد وتعمل اللازم افضل تكون بي اسمو هو،قولته ليهو كان كدي معليش ماشاءالله اهل راجلك ناس واعين وعقولهم متفتحهه وبعرفو للقانون كويس،قولته ليها كيف يعني م فهمتك ي حبوبه،قالت لي م فهمتي شنو ي بتي،بعد مسااافهه وانا مخلوعهه بيني وبين نفسي استوعبت الحاصل ومرة في بالي كلام صهيب الكان قبل شويه ورجعته لكل اساليبو وتصرفاتو معي في الفترة المضت دي ،وحبوبه بتقول لي الو،الو،فصلته منها و نزلتهه واصلي م وقفته لغاايه م وصلته الهول لقيتو واقف وبقول ليهم انا طالع وإحتمال م اجي راجع ماشي شقتي بكرة إن شاءالله نتلاقى في عرس الناس ديل امو قالت ليهو ي ولدي،قال ليها يلا ي حجه إتلفت لقاني في وشو ومن غير تردد رفعتهه يدي واديتو كف...💔
#كسرهه
ي جماعه في بت خدوريه سمينه لابسه تقويم وإسكيرت اسود وإسبورت رمادي لاقت صحبي يوم الثلاثاء 19/2 في الشارع الجمب شارع القيادة وسألتو عن إتجاه شارع البلدي البت دي لو هنا وشوفتي البوست دة بليز راسليني خاص وحياة الخلقني الموضوع كلو خير وقمه الجديه كمان لو م متزكرة ازكرك ا شكلو ازكرك ،اصفراني بس م شديد،ملتحي،طويل او متوسط القامه ...💜
#نتلاقى®
