،عاين لي ساعتو وقال لي واخيرا وانا معاك نسيت الزمن و إتأخرتهه،إتأخرتهه،إتأخرتهه وبحبككك ياااااااخ،قلته ليهو طيب يلا اطلع ،قال لي امممم م نفسك تقولي لي حاجهه؟هزيت ليهو راسي بمعنى لا،قال لي طيب يلا سلام واقفلي الباب كويس💜قولته ليهو ماشي يلا💕طلع بعد م طلع انا م عارفه الحصل لي شنو م حاسه إني بكرهو بالعكس حاسه انو الزمن معاهو بمشي سرعه،فجأة بقيت احب طريقهه قربو مني إهتمامو،تصرفاتو معي م عارفه دة شي طبيعي ولا مراهقتي هي المعلقاني بيهو لانو قبل كدة مع سعد حصل معي نفس الشي وكان ممكن يحصل معي نفس الشي في عرسي الاول لو تعاملو معي كان زيهم كدة،انا حرفيا بستسلم لأي زول بعاملني بلطافهه،لأي زول بحسسني بالأمان ،عقلي صغير وبتاكل ببساطه بكلمتين حلوين ودي صفهه سيئهه جداا ممكن تكون عند الواحدة فينا 💔💔😞صهيب انا كنت بكرهو شديد بس م قدرتهه اقاوم تصرفاتو معي حتى بعد العملو 💔
في الجانب التاني عمتي عواطف بتتكلم مع هيا قالت ليها اخوك خلاص ي هيا بقى سميع كلام مرتو حرشتو يختي لمن ساقها طلع بيها من البيت،هيا قالت ليها انا كلمتك ي امي البت دي م هينه لكن انتو م صدقتوني،قالت ليها لكن انا م بخليها والله بمشي ليها امنطقها قدامو العفنهه،هيا قالت ليها لالا ي امي عشان م تشيلي وش القباحهه خليها انتي بس عليك بي ولدكك ،كل م تتعاملي معاها بإندفاعيهه بتكرهي ولدك فيك عشان كدة م تتناقشي معاها،قالت ليها اها اعمل شنوو اخليها تطلع في راسنا من اولها كدة؟قالت ليها ي امي م قولته كدة لكن بالهداوة وانتي عارفه صهيب ولدك م زي ماذن مرت ماذن م غلبتنا نقعدها في كراسي ادبها عشان ماذن كان بسمع كلامكك لكن صهيب بتاع ركوب راس وم بشوفو قدامو وانتي عارفه كدة💔قالت ليها قولتي كدة؟قالت ليها ااي...
في الجانب التاني انا في البيت قاعدة مع كريم ولدي هو بلعب وانا بشاهد في التلفزيون فجأة جاتني نومه من غير م احس نمتهه ،اول م غمضتهه عيوني كدة م تميت10كدة حسيت بصوت دق في الباب رفعتهه راسي مخلوعهه الصوت كان شديد لدرجه انو كريم جا جاري مسك فيني،والزول الكان بدق م كان رافع يدو لا من الجرس لا من الباب،قمته بسرعهه مشيت فتحتهه اول م فتحته لقيتها مرة لزتني ودخلت وبعدها اشوف راجل جاي جاري وبقول ليها تعالي هنا دة وجا جاري دخل وراها وشايل قاش في يدو ،وانا بقيت اقول ليهم في شنو وكريم مخلوع يصرخ وهو ماسك فيني وانا بقيت ارجف كلي على بعض والراجل هناك واقع ضرب في مرتو وهي تجري من مكان لمكان وهو يشيل ويضرب وانا بصرخ وولدي بصرخ والمرة من هناك شغاله تقول للراجل خلاص عليك الله خليني عليك الله خلاص وااااي،م قدرته اتحمل انا صراخها انا وقفتهه في الباب وبقول ي ناس اللحقونا ي نااااس ،والله ماف زول طلع من شقتو جريت عليهم الراجل رمى المرة ووقع فيها خنق وبعدها جاريها وبقول ليها يلا قدامي ،يلا اطلعي كمان طالعه بيت الجيران دايرة تعملي لينا فضاايح ي م نافعهه،مسكتها منو وقولته ليهو فكها اسي انت راجل انت بتضرب مرتكك كدة،قال لي انتي م تدخلي فكي ال....لزيتو بكل قوتي مع لزتي ليهو دي هو زاتو لزاني م وقعته مسكته في الكرسي بس كريم ولدي وقع وبقى يبكي زيادة،قولته ليهو لو م طلعته من البيت دة يمين بالله ابلغ عنك اسي واصلي م بخليك،جرررة مرتو وهي بتصرخ في صراخها داك ساقها دخلها شقتهم ودخلها وقفل الباب ،انا بقيت ارجف خلاص حيلي مات حتى ولدي م قادرة اشيلو واسكتي زكرني بعمايل عباس الزمان ديك حتى انا م كنت بلقى اليحلني منو،بقيت ماشه وجايه قلته حيقتلها والله ،وانا واقفه جا راجل نازل من الدول الفوق لينا ،وقفتو قولته ليهو لو سمحتع،قال لي وعليكم السلام،قولته ليهو عليك الله بس في راجل اسي ساكن في الشقه قام كان بضرب في مرتو جاتني هنا جا جراها من بيتي هنا رجعها البيت دايراك بس تمشي معي ندق ليهم الباب نشوفو عمل فيها شنو لانو انا خايفه يكون عمل فيها حاجهه،قال لي والله دي حاجه نحن م بنقدر نتدخل فيها عشان بين راجل ومرتو ف صعبه شديد سكتي ولدك دة وادخلي واقفلي بابكك عليك مالك مالك المحن ي اختي ،مشى خلاني واقفهه والله زعلني زعل اكتر من الزعل الكنت زعلاناهو دخلته وقفلته الباب وبقيت اهدي في ولدي وكل شويه اتاوق هم في الباب المقاصدنا على طول طبعا ،وتلفوني ماف طبعا عشان اتصل على صهيب😭😭😭😭💔كريم نايم وانا فضلته قاعدة وماشه وجايهه وكل شويه اقيف في البلكونه،بعد المغرب كدة سمعتهه صوت كركبهه في الباب وقفتهه وقلته بخلعهه منووو؟ لقيت صهيب داخل كان شايل معاهو عجلهه حقت اطفال وكيس ،ختاهم قال لي بإستغراب شنو مالك خايفهه؟ مساء الخير إتأخرتهه صح ؟قولته ليهو مساء النور،باسني في خدي وقال لي ي زوله الخوف من شنو مخلوعهه كدة قايله البيت فيهو اشباح ولا شنو؟انا شايل معي مفتاح إزبير ههه كريم نايم؟هزيت ليهو راسي بمعنى ايوة،قال لي مسخن سخانهه داخل اتدوش وراجع،دخل وانا شلتهه الأكياس الجابهم دخلته بيهم المطبخ وبقيت افرغهم فيهم،بعد م خلصته نزلته كبايه عشان اديهو مويه ،وديتها ليهو في غرفتو كان بلبس في فنيلتو شال مني كبايه المويه شرب منها بسيط وختاها وقال لي جعاان ياااخي لو شربته م حأقدر اكل تعالي ختي لي حاجه اكلها مسكني من يدي ومشى بي على المطبخ اول م دخلنا عاين بإتجاه البوتوجاز لقاهو فاضي،عاين لي قولته ليهو بصوت مبحوح م طبختهه ودموعي جات جاريه عشرة عشرة اصلا انا عايزة ابكي،قال لي وهو متفاجئ شهد انتي عويرة بتبكي عشان م طبختي؟دي م حصلت في تاريخ المتزوجات ضماني عليهو وبقى يضحك قال لي م قصه يعني شنو م طبختي ناكل من برة الموضوع م محتاج بكى،وانا دموعي م دايرة تقيف حتى وهو بحنس فيني م دايرة تقيف،قال لي شهد مالك في شنو ي زولهه،بقيت ماسكهه فيهو وابكي،قال لي شهههد ،بقى يتكلم معي ويمسح في دموعي قال لي فهميني في شنو امي اليوم جات هنا،او زول من ناس بيتنا جا اتكلم معاك💔هزيت ليهو راسي بمعنى لا،قال للي طيب في شنو م تخوفيني،قولته ليهو قبيل الباب دق انا مشيت فتحتو ،قال لي اها،قولته ليها لقيتها مرة دخلت وكانت بتكورك وجا راجلها جاري وراها وكان بضرب فيها،ضربها شديد بالقاش وخنقها لمن إتكلمته معاه لزاني بكل قوتو حتى كريم وقع بسببو وجراها لغاايه م رجعها شقتهم وماف زول من الجيران طلع ليهم،قال لي اي جيران ديل؟قولته ليهو انا خايفهه يكون عمل ليها حاجه ،خايفه يكون كتلها ي صهيب😭💔قال لي ساكنين وين؟قولته ليهو المقاصدننا ديل،فكاني وطلع،مشيت وراهو بقيت اقول ليهو صهيب،صهيب ماشي وين انت،فتح الباب ومشى على شقه الناس وبقى يضرب في الجرس ،لما م فتحو ركب الأصانصير ونزل تحت،فضلته واقفه ومنتظراه جا راجع قال لي تعالي يلا دخل وقفل الباب،قولته ليهو مشيت وين انت؟قال لي مشيت للبواب تحت،قولته ليهو لشنو؟قال لي شوفته كاميرات المراغبه عشان اتأكد هو في ولا ماف ولحسن حظو إنو طلع ماف ،قولته ليهو صهيب،قال لي لأي سبب من الاسباب م عندو صلاحيهه يدخل يضرب مرتو في بيت ناس دي م زريبهه هنا،بقيت اعاين ليهو وهو غضبان ومتنرفز كدة لما إنتبه لي قال لي تعالي قعد في الكرسي وقعدني جمبو وهو ضاميني عليهو قولته ليهو انا خايفه يكون عمل فيها شي ي صهيب،قال لي لا م اعتقد،قولته ليهو النوع دة من الرجال بكونو مرضى نفسيين ي صهيب،في عرستي الأولى كان بضربني بنفس الطريقه وبعزبني بطرق اسوأ كمان وبربطني بالجنزير ،حتى شعري كان بقطعو لي وبشربني مويه بتغلي بكوز إستيل،،قال لي حبيبي،قولته ليهو عشان كدة انا خايفه ي صهيب خايفه على المرة دي شديد شكلو م كان شكل زول طبيعي م كان شايف قدامو حتى وربي ي صهيب😭😭😭😭😭ضماني عليهو اكتر وقال لي انا بعرف الزول دة ي شهد م لدرجه إنو يكتل بس هو بتعاطى وكل م يتعاطى او يسكر بجي بعمل فيها كدة،قولته ليهو يعني هي متعودة على الوضع دة ؟طيب الجابرها شنو تستحمل دة كلوو؟قال لي انسي الموضوع ي شهد خليهو علي انا بتكلم معاهو خلينا اسي نطلب حاجه ناكلها ،فكاني ودخل غرفتو وانا باكل في ظفوري مشيت لحقتو في الغرفه لقيتو بقول طيب تمام،نزل التلفون مشيت عليهو قال لي طلبته شويه كدة بصل ورمى التلفون في السرير،وقفتهه قصادو وانا مترددة ،قال لي قلنا شنو اسي ي شهد ؟مش قلته ليك بطلي تفكير في الموضوع داك م علينا بيهو راجل ومرتو يولعو بجاز ،قولتهه ليهو بصوت طفولي صهيب!!قال لي ي روووح صهيب احكي،قولته ليهو لو قلتهه ليك انو انا بثق فيكك شديد وشكلي حبيتكك بجد، حيجي يوم وحتعمل فيني زي م عمل الراجل دة في مرتو اليوم😢؟؟قال لي بدهشهه كيف كيف؟قولته ليهو زي م سمعتهه بالزبط حتعمل كدة إنت كمان صح؟قرب مني ولفهه يديهو حوالي وقال لي قولي شكلي حبيتكك بس إنك بتثقي فيني شديد دي م اعتقد الثقهه دي متوفرة عشان لو بالجد الثقهه الانتي بتقولي عليها دي في م حتكون جواك إستفهامات انا ممكن اعيشكك الحاجه دي ولا لأ،وبما إنو لسسسهه جواك الإستفهامات دي انا هكتفي بي حبكك دة لأنو هو في حد زاتو كان حاجهه بتمناها وبعيدة عني كل البعد اما الثقهه ماف علاقهه بتمشي بدونها وعشان كدة عايزها تكون قبل الحب دة عشان انا م عايزك معي يوم او يومين لا انا عايزكك العمر كلو ي شهد ف إحساس إنك حبيتيني دة حيجنني بس انا طمعان فيك اكتر عايزك بشخصك وبحبك وبثقتكك وكل حاجهه بتمثل شهد عايزها !!!اناني فيكك انا فهمتي،قولته ليهو في حاجه تانيه انا عايزة اقولها ليك ،قال لي اها؟قولته ليهو انا عايشهه صراع نفسي والله العظيم ي صهيب و،قال لي من شنو ي شهد من الحاجه دي قصدكك؟سكتت وانا دموعي جاريهه،قال لي شهد رفع لي راسي،قولته ليهو وانا ببكي بصوت عالي م عارفه اقولها ليك كيف بس ايوة انا يمكن حبيتك او دي مشاعر عابرة علشان قربك مني وإهتمامك بب او غيرو بس انا انا فعليا م قادرة انسى ابو كريم دة الصراع الأنا عايشاهو انا بقول ليك كدة لاني م عايزة اكزب عليك،حتى وانا بحبك م بقدر اعيش الحاجهه دي معاك والله العظيم دي الحاجه الأنا عايزة اصارحك بيها م قادرة والله م قادرة ي صهيب حتى وانا بحاول انسى شوفتي لكريم بس بتزكرني سعد...😭💔
#كسرهه
ي جماعه انا من امس م شوفته للنت دة حاجهه ي دوب فتحتو حسابي قفل عدييييل وواتسابي إتعطل مع الناس😢💔
#نتلاقى
