بس زي م قولته ليك قبيل امشي براك وإن شاءالله الدرب اليودي م يجيب وابشركك إذا انتي م طايقهه العيشهه معي انا وشكك دة م طايق شوفتو ف شنو الله يسهل عليكك،بقيت واقفه ومربعهه ليهو يدي طبعا منظري بقى شين قدامو وانا كلامي كلام زول جادي عايز يطلع يمشي وكلامو مستفز اكتر لو قعدتهه حكون كأني إتكسىرتهه قدامو وإستسلمتهه للأمر الواقع 😭😢💔طلع لقاني عايزة اشيل كريم مسكو مني ،بقيت اتقالع معاهو فيهو وكريم نايم فجأة صحى بقى يبكي شالو وقال لي م تجبريني ارفع يدي عليك عشان م حيحصل خير صدقيني،بقى يعاين لي بي غضب طلعتهه مشيت غرفتي وانا مغيوووووظهه عايزة اطق من الغبن،دخلته غيرتهه ملابسي وبعد مسااافهه وانا ماشهه وجايهه لغاايهه م جاتني لحظهه كدة رقدتهه نمتتهه،
اليوم التاني صحيت متأخرة بعد صلاة الضهر وانا في الحمام سمعتهه صوت حبوبه بتقول لي شهههد،قولته ليها ايوة ي حبوبه،قالت لي انتي في الحمام طلعته قولته ليها صباح الخير،قالت لي صباح النور كانت ماسكه كريم في يدها ،قالت لي الفنجري دة من قبيل لافي قلنا نجي ننزلك تاكلي ليك حاجه م تنومي بالجوع كدة،قولته ليها اسي انا كنت نازلهه ليكم تحت عايزة اسلم على عمتي عواطف امس م لاقيتها،قالت لي سمح يلا ي بتي،لبستهه توبي ونزلته وانا شايله كريم ،نزلنا مشينا على المظلهه ،وصلنا عمتي عواطف لما شافتني انا حسيتها غيرت وشها،وصلتها قولته ليها عمتي عواطف كيفكك عايزة اسلم عليها بالكتف مدت لي يدها وقالت لي اهلين كيفكك،قولته ليها الحمدلله انتو كيفكم،قالت لي بخييييير م عندنا عوجه،
يعني كأني كنت قاعدة معاها امبارح وم كنت غايبه من البيت دة قريب شهرين،م قالت لي حتى مبروك لي خالك ولا كيفهم اهلك ولا اي شي،حبوبه قالت لي اقعدي نجهز ليك الأكل،قولته ليها لا ي حبوبه خليها انا اصلا م جعانهه،قالت لي ي بت ها م جعانهه في عينكك اقعدي قلتهه ليك،قعدتهه مشت جابت لي الأكل انا باكل والأكل م بتبلع لي حتى ،
بعد يومين وانا ماشه على غرفه إمتثال سمعته عمتي بتقول"إتعودت على وضع هنا دة يختي تاني بيت اهلها بتقعد ليها،م ياها مشت وجات راجعه زول من تربيه البقر والحمير والغنم لقى نعيم زي دة تاني بفوتو؟ غايتو صهيب ولدي دة بس مكتوب ليهو الشقى،انا م حاولت تعمل لي حركات لكن اديتها في راسها طوالي الا عمتي ياها المكبرة ليها كومها ساااي،اااي لالا موضوعو مع رنين دة بتم إنشاءالله م بخليهو انا زاتي،والله كان تقعد كان تخليى بعداك هي حرة ولدنا بنعرس ليهو البتستاهلو جدجد...على طول إتحركته ،عرفتها هي بتفكر في شنو وزعلته زعل من كلامها عني ،يعني بقيت محتارة انا استحمل شنو ولا شنو بس خلاص فاض بي،
عدت الايام وكانت ماف شي في حياتنا يتقال عليهو ماف تطور نفس الروتين اليومي بتاع حياتنا،وتعامل عمتي معي بقى جاف شديد بس كنت بستحمل كلامها الشين عشان انا في يدي غير كدة وصهيب محرمني الطلعه طبعا م قالها لي بس منبه الحرس وحتى لو طالعه م اشيل معي كريم يعني اطلع براي ،هو ماسكني من يدي البتوجعني عارفني م هطلع بدون ولدي،وهو خالص خالص م قاعدة اشوفو بجي مرات لانو م قاعد معانا في البيت ،في يوم بالليل جاتني مكالمه صحيت مخلوعه من صوت التلفون لقيتو صهيب،الزمن متأخر طبعا وهو م قاعد يتصل علي خالص قلت في شنو ي ربي،فتحته الخط ،قال لي الووو شههد،صوتو كان غريب صوت زول هزيل كدة،قولته ليهو ايوة في شنو،قال لي ممكن تجيني،قولته ليهو اجيك وين ولشنوو،قال لي ي شهد انا تعبان شويهه وم عايز اكلم زول من ناس البيت ،قلته ليهو بخلعه مالك ي صهيب في شنووووو؟قال لي تعالي انتي بس وم تكلمي زول خلي البواب يكلم اي واحد من الحرس يوصلك انا بوصف ليهم،قولته ليهو صهيب وريني انت مالك صوتك دة كدة،قال لي شهد م تكتري،لبسته توبي وطلعته مستعجله إتلاقيت مع احمد ي دوب داخل قال لي شههد مالك ي زولهه،بقيت اتمتم في الكلام،قال لي ماشه وين بالليل دة لابسه توبك،قولته ليهو بتقدر توصلني؟قال لي وين؟قولته ليهو بحكي ليك بس م اسي،قال لي تعالي ركبنا العربيه واتحركنا قال لي في شنو ،قولته ليهو اتصل علي صهيب صوتو متغير م عارفه الحاصل عليهو شنو بس قال لي اجيهو وم اكلم زول منكم،قال لي دقيقهه،إتصل عليهو م برد،قال لي كدة اتصلي إنتي،رجعته إتصلته عليهو برضو م ردة،قولته ليهو انت عارفو ساكن وين؟قال لي اي عارف ،إتحركنا وانا خلاص اعصابي تلفت م عارفه الحاصل علي شنو بس حسيتها اطول مسافه مرت علي،وصلنا طلعنا بالأصانصير م حسيت بالخوف من شدة جوطه التفكير الانا فيها،احمد دقهه الباب ،ربع ساعه نحن بندق في الباب وبنتصل وماف رد،فجأة الباب فتح لقيناهو هو،حالتو كانت يرثى لها وملفوف ليهو شاش في وركو وهو وشو م بتفسر قولته ليهو في شنو ،احمد مسكو قال ليهو صهيب في شنو مالك؟صهيب م كان قادر يتكلم حتى،احمد سندو ودخلو الغرفه ،قولته ليهو اجيب مويه،قال لي اي جيبيها،صهيب اضراسو كانو بضربو في بعض من شدة م برجف وجسمو كلو نازل مويهه في نفس الوقت ،قولته ليهو احمد خلي نودي الدكتور 😭😭😭💔قال لي اهدي ،وجيبي لي اي مفرش من الدولاب،جبتو ليهو غطيناهو بتلاتهه مفارش وعملنا ليهو مكمدات بالمويهه الباردة لأنو جسمو كان نار بس ،يهدأ شويه يقول لينا انا كويس انا كويس ي جماعه م تخافو،احمد قال ليهو اخد ليك نومه م كويس ولا اي شي،وبعدين الحاصل شنووو؟رجلك دي مالها؟قال ليهو حاجه بسيطهه ،قولته ليهو حاجه بسيطه دي زي شنو؟؟قال لينا ماف شي قلنا رايش بتاع طلقه بس دخل لي فيها،قولته ليهو بخلعه طلقهه يعني ضربوك طلقهه وانت بتقول حاجه بسيطهه،قال لي اهدي،احمد قال لي شهد،قولته ليهو م سامعو انت،قال لي خليك معاهو انا نازل وجاي،صهيب قال ليهو ماشي وين م تكلم زول من ناس البيت،قال ليهو لالا م بكلم زول جاي بس،طلع خلانا في الغرفهه،قولته ليهو لييييهه بتعمل كدة وعشان شنو بس إنت جنيت؟قال لي م تكتري ي شهد،سكتته وانا واقفهه،قال لي اقعدي مالك واقفه،اول م قعدتهه قال اخخخخخخ،قولته ليهو الواجعك شنو احسن نمشي المستشفى بدل حالتك دي،قال لي م ماشي بس حاسي راسي دة غاطس تحت الأرض ورجولي فوق،قولته ليهو دقيقهه جيت صلحته ليهو المسند قولته ليهو كدة احسن؟قال لي اي،عايزة اتحرك من جمبو مسكني من يدي قال لي م تمشي ي شهد عايزك انا اقعدي جمبي في السرير ،قعدته جمبو وهو ماسك يدي لسسسسهه ،بعاين لي وسرحان في وشي،بعد ها شبه نام،احمد جا داخل قال نام،قولته ليهو ايوة،قال لي مشيت الصيدليه جبته ليهو المسكنات ديل،قولته ليهو لما يصحى نديها ليهو،قضينا الليل داك كلو قاعدين حارسنو وهو الحمه مخلياهو يهضرب عديل ،احمد بقول لي امشي نومو خليهو لي،وانا بقول ليهو لا انت امشي نوم بقينا نتعازم في النهايه نمنا في الكراسي،صحيت الصباح طلعته خليتهم نايمين دخلته المطبخ لقيت حجات الشاي جهزتو ليهم،ولقيت التلاجه فيها جبنه وبيض وزيتون وزبادي وطحنيه ومربى جهزته الفطور بالمرة ،وخلطته ليهم عصير برتقال ،وانا عايزة بفتش في الصحون حسيت بحركه إتلفتهه لقيتو صهيب،قولته ليهو الطلعكك شنووو؟قال لي اتحبس يعني؟قولته ليهو صباح الخير بقيت كيف،قال لي احسن بكتير،قولته ليهو الضربك منو انت إتشاكلتهه ولا مالكك؟قال لي ضروري تعرفي،سكتته بعد مسااافهه قولته ليهو لا م ضروري بس المرة الجايه اعمل حسابك عشان م تتصل للناس انصاص الليالي وطلعتهه خليتو،احمد صحى قولته ليهو احمد ارح وصلني البيت ،قال لي انا زاتي طالع صهيب بقى كيف م شايفو هنا،قولته ليهو كويس داك ياهو حايم واسي قاعد في البلكونهه،طلع مشى ليهو وانا وقفته لأحمد جمب الباب ،طلعنا مشينا وانا زعلانهن من نفسي زعل لاني جيت وبقيت اقول لنفسي اريتني م جيت ،إن شاءالله يموت أنا مالي مالو،لما رجعنا لسه ناس البيت م كانو صحو طوالي مشيت دخلته غرفتي لقيت كريم ماف،نزلته افتش عليهو لقيتو مع سارة شغاله تنضف ومقعداهو يشرب في اللبن،قالت لي صحى قبيل قعد يبكي انت كنت ماف،قولته ليها اي انا مشيت البقاله هنا،قالت لي إتأخرتي،قولته ليها كان في زحمه شان كدة خلاص خليهو معاك ،رجعته الغرفه حاولته انوم النوم غلبني وانا راسي يودي ويجيب وبالي مشغول عليهو وفي نفس الوقت عروقي عايزة تطق ،فضلته اليوم كلو على نفس الحاله وكل م تلفون زول من ناس البيت يضرب قلبي يرفني على اساس إنو دة هو،بالليل وانا بفكر اضرب ليهو وم اضرب ليهو فتحته الواتساب شايفاهو مغير صورة بروفايلو وخاتي صورة ليهو مع بنات كدة ماخدنها في الشارع اظن كان ولا وين م عارفه وهو متصل يعني قاعد في الواتسب،جدعته تلفوتي ورقدتهه نمتتهه،عدت ايام وهو بجي وبسوق كريم احيانا بطلع معاهو وكذاا انا يئستهه من روتين حياتي المقرف دة في يوم قاعدة مع إمتثال قولته ليها انا عايزة اشتغل،قالت لي جنيتي؟قولته ليها مالي اسي انتي مجنونه عشان شغاله؟قالت لي م كدة بس تشتغلي شنو ي شهد،لما فكرته لقيت نفسي بتقول لي بجد تشتغلي شنو وانتي حدك قاريهه لغاايهه خامس اساس،قولته ليها طيب عايزة اعمل مشروع،قالت لي مشرووع ؟مشروع زي شنو بالزبط؟قولته ليها م عارفه المهم مشروع اشتغل فيهو ،قالت لي عندك راس مال انتي بعني؟قولته ليها اااي ،قالت لي المشكله الحاجه دي عايزة دراسه دقيقه م على طول كدة،قولته ليها م قصه المهم انا عايزة اشتغل بجد،قالت لي طيب انا كانت في بالي فكرة إني افتحةمحل ملابس بس كنصلتها مع الشغل بتاع المستشفى وكدة ،قولته ليها تفتحيهو وين يعني م فهمتكك؟ قالت لي في اي مكان م حددته بس الفكرة كانت في بالي واسي،قولته ليها طيب شوفي لو كويس نعملو،قالت لي الحاجه دي محتاجه سفر م ساي،قولته ليها م مشكله سافري انتي،قالت لي انا الفترة دي بالذات ثانيه م بدوني ليها إجازة،قولته ليها المهم بس الفكرة تكون مطروحه وقت م لقينا فرصه ننفذ وانا م عندي مشكله ،قالت لي انا بكون شريكه معاك بالنص للزمن داك اموري بتزبط ،قولته ليها المهم حاجه تطلعنا من الزهج دة ياخ انا قرفانه نفسي😭💔قالت لي اطلعي انتي ي شهد مع صهيب خليهو يجي يطلعكم ،قولته ليها بسوق كريم،قالت لي اطلعي معاهو انتي كمان،
