انا حأكون حامد وشاكر دايما بيك وبوجودك انتي بس ،عاينته لي يدو قولته ليهو واجعاك؟😢قال لي ابدااا ،قولته ليهو صهيب لو واجعاك م تسوق بيها وم تمشي اساساااا😢💔قال لي انا بخييير إطمني م فيها شي اساسا جرح بسيط وم حاسي بيهو اساساااا💔قولته ليهو طيب حتتأخر،قال لي لييييهه في حاجهه؟قولته ليهو لا بس بسأل💔قال لي امممممم لا م حتأخر إن شاءالله،قولته ليهو ماشي جمبه شيشه صح،ضحكك قال لي لا عندي حاجه اهم من كدة 😂💔قولته ليهو شنوووو؟؟قال لي شهدو في شنووو انتي قلقانه هااااا؟قولته ليهو م عارفه بس م كفايه الحصل امس خايفه ...خته يدو في خشمي وقال لي ششششش انا وعدتكك صح؟وكلام رجال💜قولته ليهو ماشي،قال لي طيب م حتأخر تمام؟باسني مسااااافه في خدي قال لي يلا سلامات،قلته ليهو إستنى نازله معاك،مسكني من يدي قال لي طيب يلا ،نزلته معاهو لما وصلته تحته إتفكيت منو عشان اهلو م يشوفونا وكدة عاين لي وضحكك وصلتو الباب قال لي يلا ادخلي جوة ،دخلته وهو طلع
اول م ركب عربيتو وهو متحرك عمل مكالمه وقال"الوووو عم عبدالعظيم كيفكك إن شاءالله تمام،الحمدلله م عندي عوجه انت كيف صحتك،وين في الشركه انت؟الحاج قاعد يجي ولاااا،طيب جاي عليك انا اسي طيب مساافهه السكه واكون معاك يلا سلااام...
في الجانب التاني هيا كانت بتتكلم بالتلفون وبتقول"ي بتي ها انتي عويرة حتتخلي عنو بعد العملناهو عشانك دة كلو اخرتها تجي واحدة من اضاحي الأقاليم تشلبك بطلي هبل خليك واعيهه ومفتحهه واقلعي منها قلع،إهتمي بينو افرضي نفسك عليهو الفترة دي م تتزوعلي عشان يخليك ويمشي ليها انتي شوفيهو هو مالو محتاج شنو ناقصو شنو فهمتي؟معاهم صحبتهم التالته بتقول ليها وريها عليك الله وريها ي هيا تعبته منها انا تتبكى النهار كلو صهيب صهيب وعامله تقيله واخوك الحيوان دة م جايب خبرها،
هيا قالت ليها انا اتكلمته مع امي في موضوعكم قالت لي اساسا شهد دي لا شبهنا لا مقامنا لاحظي حتى امي بتقول عليها كدة وهي عايزاك كيف تقنعي صهيب عشان يجو يتقدمو ليك،البت قالت ليها لكن ي هيا ناس بيتكم كلهم تعاملهم معاها حلو وبريدوها وانا شوفته الحاجه دي بعيني،
قالت ليها افهمي البت دي اساسا بابا عندو مصالح مع اهلها هناك في البلد ولو خربت او إشتكت لي اهلها من تعامل اهلي او حصلت مشكله كدة اي حاجه بتخرب،امي دي كانت رافضهه تماما موضوع الغرس دة بس بابا ضغط عليها وزي م جاب لي شهد طبق دهب جاب ليها هي زاتها وم كدة وبس مديهم تعليمات انو غصبا عن عينهم يعاملوها كويس وم يحسسوها باي شي يعني في الاخير دي صفقه بس اكتر وصدقيني صهيب إستحاله يعاين للقرف دي انتي فاهماني ي هبله ولا اطلع ليك بأم التلفون دة؟واسمعيني اليومين دي زوري بيتنا نظام عايزة تسلمي على ناس ماما وكدة،انا بشوفو قاعد متين في البيت وبديك خبر ظريف؟قالت ليها حاضر قالت ليها يلا انا طالعه وراي حدث عايزة اقدمو بتصل عليكم بعدين،بعد م قفلو منها واحدة قالت للتانيه جاك كلامي؟عارفه لو هيا دي عرفت انك قاعدة تمشي ليهو في شقتو م حتقيف معاك الوقفهه دي؟وهو طبعا م حيقدر يقول ليها كدة ف شنو اعملي حسابك ومهما حصل تاني م تمشي ليهو م شنوو؟وزفت الصور الحافظاها ليكم في تلفونك لما تكونو في الشقهه دي احزفيها
