لهفة قلب عاشق

إقتباس 4

لابسه فستان في غاية الشياكه كانت جميله بكل معنى الكلمة فستانها الأحمر زادها جمال علي جمالها مش مصدقه نفسها أخيرا حلمها هيبقي حقيقه اخيراااا هتبقي أسيل الجارحى أخيرا آدم هيبقي ليها ياااه الفرحه حلوة أوى
باب اوضتها اتفتح دخلت زينه ومامتها وعلي وشهم ابتسامه ماكره نورهان قالتلها: زى القمر يا سيلا أخيرا حلمنا هيتحقق وهتبقي صاحبة نص تركة الجارحى
زينه: لازم الفرح يبقي بسرعه آدم مش مضمون وممكن يغير رأيه
أسيل بغضب: زينه أوعي تكونى فاكرانى زيك لأ أنا أسيل أسيل إللي مابتسبش حاجه عايزاها تروح من ايدها حتى لو هتقتل قتيل فاااهمه
نورهان: أهدى يا أسيل زينه ماتقصدش هي خايفه عليكى
أسيل:ياريت تسيبها منى وتخليها في حوزها إللي مش معبرها..... زينه بغل: أنا سيباه براحته بس وحياتك لدغتى والقبر وجاسر ده هيندم قريب أوى
نورهان: بطلوا الكلام ده دلوقتى خلصى إللي ناقصك يا أسيل آدم علي وصول ولسه مش كملوا كلامهم جرس الباب رن وراحت نورهان وزينه يفتحوا لقيوا عيلة الجارحي يتقدمهم سيف بهيبته ووراه آدم بهيبه وثقه وباقى أفراد العيله دخلوا وقعدوا وشويه وطلعت أسيل وهى بتمثل الكسوف بحرفيه شديدة قعدت جانب إلهام إللي الفرحه مش سايعاها إن ابنها هيتخطى الماضى وهيعيش حياته وقمر الفرحانه بآدم وف نفس الوقت حابسه حزن كبير قد ايه القدر غدار آدم كان بيحلم بايه من صغره ودلوقتي حصل ايه بس بالنسبه ليها أسيل بنت كويسه وهتسعده وجاسر إللي ملامحه غامضه وبيبص لزينه بغموض شديد وعز إللي بيتظاهر بالسعاده عشان خاطر آدم وأسر إللي عايز يقوم يولع في أسيل وبيبصلها باستهياف وفارس إللي غايب ومراد إللي بيحاول يبين إنه فرحان وسيف إللي عينه متابعه رياكشنات كل واحد بعيون صقر ماهر وأخيرا آدم إللي وشه عليه الجمود ومش مركز في حاجه وبص لاسيل وابتسم وقروا الفاتحه بس........
##لهفة_قلب_عاشق
#آدم_وآريام
#سعاد_عباده