الحلقه 21 الجزء الأول
لهفة قلب عاشق
-لا حلوة أوى الخطه دي
أدهم وآريام بصوا لبعض وخافوا
أدهم وقف ورفع أيده لفوق باستسلام: طبعا أنا لو حلفتلك إنها هددتنى عشان اشترك معاها مش هتصدقنى
آريام بغيظ: يا جبان
٠٠٠٠٠٠: أمممم انتوا هتقولولي كل حاجه بهدوء ولا لا
أدهم همس لآريام: ماتخافيش سرك في بير
٠٠٠٠٠٠: بسرررعه
أدهم بسرعه: ماريا عايزة تنتقم من آسيل عشان بتحاول تاخد آدم منها وعملت خطه لكده والخطه هي........... بس ماتتوقعش منى أنى اقولك أي حاجه تانيه انا لا يمكن أطلع سر صحابي بره لا يمكن أيه ده مستحييييل
آريام حطت ايدها علي وشها بيأس وقالت: ماقلتليش يعنى يا أدهم إن البير مخروم
٠٠٠٠٠٠: ههههه أيوه يعنى هي خطه مش بطاله بس قرب من آريام ووضع أيده علي وشها: ابعدى أنتى عن الموضوع ده ماحدش هيستحمل أنك يجرالك حاجه أنتى نقطة ضعف الكل فاهمه يااا ماريا
آريام خافت واومأت في صمت وهو بص لأدهم بصت تحذير ومشي
بعد ما مشي أدهم آخد نفسه: ياااااه كويس أنه مشي لو ضغط عليا شويه كنت اعترفت بكل حاجه بس انا اتمالكت نفسى
آريام ابتسمت بصفا وهو ابتسم لها وفجأة نطت عليه وقع على الأرض ونزلت فوقه ضرب وأدهم كاتم صوته عشان ماحدش يسمعهم وبالأخص آدم هينفخه بمعنى الكلمة
آريام وهي تعضه في كتفه: جزاك الله خير يا أخي الله يحرقك يا أدهم أشوف فيك يوم يا بعيد منك لله ..بعدين رفعت ايدها للسما وقالت:يارب اوكسه أكتر ماهو موكوس أشوفه متمرمط نفس مرمطته لينا وأحنا بنترجم أنجليزيته
أدهم:ااااه كفايه بقا وإلا والله هصرخ وافضحك
آريام وقفت: اااه أشوفك متشحتف يا أدهم يابن فوزيه
أدهم وقف بغضب وقال: آريام
آريام بصتله بضيق..هو قرب منها وقال وهو يربت علي كتفها بحده: علي فكرة بقا أنا أمى اسمها منال مش فوزيه كله كوم واسم أمي كوم
آريام بصتله بغضب وقالت: أمشي أحسن اخبطك خبطه تضيع مستقبلك امشششي
أدهم: ريلاكس بيبي ريلاكس
آريام تاففت وتركته وغادرت
أدهم: مالها دى كل ده عشان فضفضت معاه ده أنا حتى ماقلتلوش إن آريام عايزة تنفذ بنفسها ...وبعدين ظبط هدومه وقال: ناس مابتقدرش المواهب
********
كان القلق مسيطر عليه والده عرف إزاى موضوع زينه معنى كده إن والده عارف حكاية آسر ومش بعيد سره هو كمان يتكشف
خرج من شروده علي احتضانها له من الخلف
ليال: سرحان في أيه ؟
جاسر التفت لها وبصلها من فوق لتحت بإعجاب واضح كانت جميله بمعنى الكلمة بلبسها المغرى ومكياجها الغجرى عاد لنفسه بسرعه: بفكر في حكايتنا مش غريبه شويه
ليال بدلال وهي تحتضنه:.تؤ غريبه بالنسبالك أنت لكن ليا لا أنت واحد كنت معجبه بيه وهموت ويكون ليا ليه وازاى بقا مش مهم المهم أنه بقا ليا
جاسر بابتسامه: مش باقولك جريئة ضيفي عليها بقا وقحه
ليال وهي تجذبه تجاهها: وأنت مابتحبش الوقاحه
جاسر وهو يحملها ويتجه ناحية السرير: وينحنى فوقها: الوقاحه عنواني حتى اسألي ولا أقولك تعالي هثبتلك بنفسي ونسيبهم لوحددددهم شويه
أنت تقرأ
لهفة قلب عاشق
Roman d'amourبسم الله الرحمن الرحيم 🌸🌸🌸🌸🌸 آدم وآريام...الماء والنار....الحب والكره...السلام والانتقام....العلاقه وعكسها...عاشوا مابين سلام حبهما وجمال لقائهما وبين نار الماضي وطوفان الانتقام عشق نارى هل سينجو وينجو معهم عشق الطفوله أم سينهارو وينهار معهم ا...
